3 Mose 24:11 - ŊMALƐ KRƆŊKRƆŊ LƐ

¹¹ Israelyoo nɛɛ gbɛi ji Shelomit, ni etsɛ ji Dibri ni jɛ Dan akutso lɛ mli lɛ. Bei lɛ mli lɛ oblanyo lɛ bɔ musu elomɔ Nyɔŋmɔ. No hewɔ lɛ, amɔ lɛ kɛbahã Mose.

Ṅmãle̱ Kroṅkroṅ Le̱

¹¹ Ni Israelyō le̱ bi le̱ bo̱ *gbe̱i le̱ he musu, ni elomo̱. Ni ame̱ke̱le̱ ba Mose ṅõ. Ni enye le̱ gbe̱i dši Šelomit, Dibri biyō ní dše̱ Dan akutšo le̱ mli le̱. *K. 16.

3 Mose 24:11 ပူးပေါင်းရင်းမြစ်များ

2 Samuel 12:14

Shi kɛ̃lɛ akɛ obuuu Yehowa yɛ nɔ ni ofee lɛ hewɔ lɛ, bi lɛ ni abaafɔ ahã bo lɛ yi naŋ wala; gbo eeegbo.”

1 Maŋtsɛmɛi 21:10

ni nyɛhãa hii yakagbɔmɛi enyɔ ataraa shi ni amɛmiikwɛ Nabot hiɛ, koni amɛye odase amɛshi lɛ akɛ, ‘Olomɔ Nyɔŋmɔ kɛ maŋtsɛ lɛ.’ Enɛ sɛɛ lɛ akpala lɛ kɛje kpo koni ayatswia lɛ tɛ ni egbo.”

1 Maŋtsɛmɛi 21:13

Amɛhã hii yakagbɔmɛi enyɔ komɛi sɛ̃i, ni amɛmiikwɛ Nabot hiɛ. Hii yakagbɔmɛi enyɔ nɛɛ kɛ sane shi Nabot yɛ maŋbii lɛ ahiɛ akɛ Nabot lomɔ Nyɔŋmɔ kɛ maŋtsɛ lɛ. Kɛkɛ ni maŋbii lɛ kpala Nabot kɛshi maŋ lɛ mli, ni amɛyatswia lɛ tɛ ni amɛgbe lɛ.

2 Maŋtsɛmɛi 18:30

Ni nyɛkahãa Hezekia miihã nyɛkɛ nyɛhiɛ miifɔ̃ Yehowa nɔ akɛ, Yehowa baahere wɔyiwala kɛ̃, ni atuŋ maŋ nɛɛ awoŋ Asiria maŋtsɛ lɛ dɛŋ!’

2 Maŋtsɛmɛi 18:35

Te shikpɔji lɛ anyɔŋmɔi lɛ ateŋ mɔ ni ehere amɛshikpɔŋ yiwala yɛ midɛŋ? Ni mɛni hã nyɛsusuɔ akɛ Yehowa aaanyɛ ehere Yerusalɛm yiwala yɛ midɛŋ lɛ?’ ”

2 Maŋtsɛmɛi 18:37

Kɛkɛ ni Hilkia bi Eliakim, mɔ ni kwɛɔ maŋtsɛ shĩa lɛ nɔ lɛ kɛ Shebna, woloŋmalɔ lɛ, kɛ Asaf bi Yoa ni ji maŋtsɛ we lɛ woji anɔkwɛlɔ lɛ ba Hezekia ŋɔɔ kɛ amɛtadei ni etserɛ, ni amɛyagba lɛ wiemɔi ni Rabshake, Asiria asafoiatsɛ lɛ, wie lɛ.

2 Maŋtsɛmɛi 19:10

Bɔ ni nyɛyakɛɛ Yuda Maŋtsɛ Hezekia nɛ, “Kaahã oNyɔŋmɔ lɛ ni ohiɛ kã enɔ lɛ miilaka bo akɛ, ‘Akɛ Yerusalɛm woŋ Asiria maŋtsɛ lɛ dɛŋ.’

2 Maŋtsɛmɛi 19:22

“Namɔ ahora obɔ, ni owie musubɔɔ wiemɔi oshi lɛ lɛ? Namɔ obolɔ owo lɛ; ni namɔ ogbɛ ohiŋmɛiŋ owo lɛ? Israel Mɔ Krɔŋkrɔŋ lɛ ni!

2 Maŋtsɛmɛi 19:6

“Nyɛyakɛa nyɛnuŋtsɔ lɛ akɛ, bɔ ni Yehowa kɛɛ nɛ, ‘Kaashe gbeyei yɛ wiemɔi ni onu ni Asiria maŋtsɛ lɛ kɛbabɔ musu kɛshi mi lɛ hewɔ.

Hiob 1:11

Shi agbɛnɛ bo lɛ kpã onine mli ofite enii ni eyɔɔ lɛ, koni okwɛ akɛ ekwaŋ bo yɛ ohiɛ lo.”

Hiob 1:22

Saji ni ba nɛɛ fɛɛ mli lɛ Hiob shwaaa Nyɔŋmɔ ni no atsɔ̃ esha ahã lɛ.

Hiob 1:5

Kɛji aŋmɛ okplɔ̃ lɛ kɛbɔle bihii lɛ anɔ kɛkpe lɛ, Hiob teɔ shi daa leebi maŋkpa, ni eyashãa shãa afɔlei ehãa ebii lɛ ateŋ mɔ fɛɛ mɔ, yɛ amɛyibɔ naa koni akɛtsuu amɛhe. Ejaakɛ Hiob kɛɔ akɛ, “Benɛ mibihii lɛ ateŋ mɔ ko efee esha ko ni aleee, ni ekwa Nyɔŋmɔ yɛ etsuiŋ. Enɛ ji nɔ ni Hiob feɔ daa.”

Hiob 2:5

Shi bo lɛ taa egbɔmɔtso he kɛkɛ okwɛ akɛ ekwaŋ bo yɛ ohiɛ lo?”

Lalai 74:18

Oo Yehowa, kaimɔ bɔ ni henyɛlɔi lɛ bɔɔ bo ahora amɛhãa; kɛ bɔ ni mɛi ni sheee Nyɔŋmɔ gbeyei lɛ gbeɔ ogbɛi lɛ he guɔ.

Lalai 74:22

Oo Naa Nyɔŋmɔ, wo ohe nɔ koni ofã ohe. Kaimɔ bɔ ni mɛi ni sheee Nyɔŋmɔ gbeyei bɔɔ bo ahora gbi muu fɛɛ.

2 Mose 18:22

Ohã amɛ amɛkura saji ni baaba maŋbii lɛ ateŋ lɛ be fɛɛ be. Sane wulu fɛɛ sane wulu lɛ, no lɛ akɛba ohiɛ; shi saji bibii fɛɛ lɛ kui anɔkwɛlɔi lɛ aye, bɔ ni afee ni amɛkɛmɔ mli amɛhã bo koni efo tsɔ́ ehã bo.

2 Mose 18:26

Nɔkwɛlɔi nɛɛ kuraa maŋbii lɛ ateŋ saji be fɛɛ be. Saji wuji lɛ amɛkɛbaa Mose ŋɔɔ; shi saji bibii fɛɛ lɛ amɛ diɛŋtsɛ amɛkuraa.

2 Mose 20:7

“Kaahiɛ Yehowa, oNyɔŋmɔ lɛ, gbɛi mli yakayaka, ejaakɛ Yehowa ebuŋ mɔ ni tsɛɔ egbɛi yakayaka lɛ bem.

2 Mose 22:28

“Kaawie oshi Nyɔŋmɔ, ni kaalomɔ maŋ onukpa.

2 Mose 3:15

Asaŋ Nyɔŋmɔ kɛɛ, “Okɛɛ Israelbii lɛ akɛ, ‘Yehowa, nyɛtsɛmɛi aNyɔŋmɔ lɛ, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ji mɔ ni tsu mi nyɛŋɔɔ nɛɛ. Migbɛi kwraa nɛ kɛmiiya naanɔ, ni no yinɔi fɛɛ kɛtsɛ mi.’

Yesaia 8:21

Amɛaakpa shikpɔŋ lɛ nɔ kɛ hejaramɔ kɛ hɔmɔ ni naa wa, ni amɛbaalomɔ amɛmaŋtsɛ lɛ kɛ amɛNyɔŋmɔ lɛ. Amɛaawo amɛhiɛ nɔ amɛkwɛ ŋwɛi,

3 Mose 24:10

Be ko lɛ Israelyoo ko binuu ni ekɛ Ijiptnyo ko fɔ lɛ kɛ Israelnyo ko yabe yɛ maŋ, yɛ Israelbii lɛ ateŋ.

Mateo 26:65

Kɛkɛ ni osɔfonukpa lɛ gbala etadei ni ekɛɛ, “Ebɔ musu! Mɛni wɔsaa wɔtaoɔ odasefoi wɔfee dɔŋŋ? Naa, agbɛnɛ nyɛnu emusubɔɔ lɛ!

Romabii 2:24

Ejaakɛ aŋma akɛ, “Nyɛhewɔ lɛ awieɔ Nyɔŋmɔ gbɛi lɛ he musubɔɔ wiemɔi yɛ jeŋmaji lɛ ateŋ.”

1 Timoteo 1:13

mi ni tsutsu lɛ mi ji musubɔlɔ kɛ mɛi ayiwalɔ kɛ mɛi aniseniianifeelɔ lɛ; shi kɛ̃lɛ ana mi mɔbɔ, ejaakɛ mileee ni mifee, yɛ he ni miheee miyeee hewɔ.

Kpojiemɔ 16:11

Ni amɛwie musubɔɔ wiemɔi amɛshi ŋwɛi Nyɔŋmɔ lɛ yɛ nɔnai lɛ kɛ amɛfaji lɛ ahewɔ, ni amɛtsakeee amɛtsui yɛ amɛnitsumɔi fɔ̃ji lɛ ahe.

Kpojiemɔ 16:21

Ni nyɔŋmɔŋtɛi agboi ni amɛtsiimɔ tamɔ talenta jɛ ŋwɛi bashwie gbɔmɛi anɔ, ni gbɔmɛi lɛ wie musubɔɔ wiemɔi amɛshi Nyɔŋmɔ yɛ nyɔŋmɔŋtɛi lɛ ahaomɔ lɛ hewɔ, ejaakɛ haomɔ ni nyɔŋmɔŋtɛi nɛɛ kɛba lɛ yɛ gbeyei po ni ehiii.