3 Mose 23:4 - ŊMALƐ KRƆŊKRƆŊ LƐ

⁴ Yehowa gbii juji ni akpe kpee krɔŋkrɔŋ lɛ yɛ amɛnɔ kɛja lɛ nɛ. Nyɛshiɛa eko fɛɛ eko kɛji ebe ni ato lɛ shɛ lɛ.”

Ṅmãle̱ Kroṅkroṅ Le̱

⁴ Ene̱mei dši Iehowa gbĩĩ dšudši ní dši kpēi kroṅkroṅi ní nyešie̱ ye̱ ame̱be ní ato mli le̱: 2 Mose 23,14-19.

3 Mose 23:4 ပူးပေါင်းရင်းမြစ်များ

Nehemia 8:15

Amɛna akɛ aŋma hu akɛ amɛjaje, ni amɛshiɛ yɛ maji lɛ fɛɛ amli kɛ Yerusalɛm hu akɛ, “Nyɛjea kpo nyɛyaa gɔŋ lɛ nɔ ni nyɛyaŋɔa mutsei aniji kɛ ŋkutsei aniji kɛ merto tsei aniji kɛ blɛoi kɛ tsei kusukusui aniji koni nyɛkɛbafee asesei, tamɔ bɔ ni aŋma lɛ.”

2 Mose 12:14

Nɛkɛ gbi nɛɛ atsɔ̃ kaimɔ gbi ahã nyɛ, ni nyɛye lɛ akɛ Yehowa gbi jurɔ, ni etsɔ̃ akpɔ ehã nyɛ kɛ nyɛshwiei kɛya naanɔ.”

2 Mose 23:14

“Daa afi lɛ nyɛyea gbii juji etɛ̃ nyɛhãa mi.

Yesaia 29:1

Ni Yehowa kɛɛ, “Kpoo hã Nyɔŋmɔ afɔleshãa latɛ ni ji Yerusalɛm diɛŋtsɛ lɛ. Kpoo hã maŋ he ni David kɛ etabilɔi lɛ to shi yɛ lɛ! Nyɛyea afi mli gbii juji lɛ pɛpɛɛpɛ; daa afi lɛ nyɛyea!

Ezekiel 44:24

Kɛji naataamɔ ko te shi lɛ, osɔfoi lɛ nɔŋŋ afee kojolɔi ni amɛkura sane lɛ yɛ mimlai kɛ akpɔi lɛ anaa. Amɛye mimlai kɛ mikpɔi ni kɔɔ migbii juji ni mito lɛ ahe lɛ anɔ. Amɛfee mihejɔɔmɔ gbi lɛ krɔŋkrɔŋ.

3 Mose 23:2

“Kɛɛmɔ Israelbii lɛ akɛ gbii juji ni, mi, Yehowa, mito akɛ akpe kpee krɔŋkrɔŋ kɛja yɛ amɛnɔ lɛ nɛ.

3 Mose 23:21

Ashiɛ koni nakai gbi lɛ nɔ nɔŋŋ lɛ nyɛkpe kpee krɔŋkrɔŋ kɛja, ni akatsu nitsumɔ ko nitsumɔ ko ni wa yɛ gbi nɛɛ nɔ. Naanɔ akpɔ nɛ hã nyɛyinɔi fɛɛ yɛ he fɛɛ he ni amɛyɔɔ.

3 Mose 23:37

“Enɛɛmɛi ji gbii juji ni Yehowa eto lɛ; ni kɛji eko shɛ lɛ nyɛshiɛa koni maŋ lɛ akpe kpei krɔŋkrɔŋi kɛja, asaŋ koni ashã niyenii afɔlei kɛ shãa afɔlei kɛ ŋmãa afɔlei kɛ dãa afɔlei akɛhã Yehowa, eko fɛɛ eko yɛ egbi nɔ.

Nahum 1:15

Naa, bɔfo ko miiba yɛ gɔji lɛ anɔ kɛ sane kpakpa; eeba kɛ toiŋjɔlɛ sane. Yudabii, nyɛyea nyɛgbii juji lɛ; ni Nyɔŋmɔ gbɛfaŋnii ni nyɛwo he shi lɛ, nyɛkɛbahãa lɛ. Yitsoŋwalɔi lɛ baŋ abatuaŋ nyɛ dɔŋŋ; akpãtã amɛhiɛ butuu.