3 Mose 22:23 - ŊMALƐ KRƆŊKRƆŊ LƐ

²³ Kɛji afɔle ni nyɛkɛba lɛ tsuijurɔ naa nyɛkɛba lɛ, no lɛ nyɛaanyɛ nyɛkɛ kooloo ni enine loo enane bɛ pɛpɛɛpɛ ashã afɔle lɛ. Shi kɛ afɔle ni nyɛwo he shi nyɛto nyɛshãa lɛ, no lɛ kooloo lɛ esaŋ Yehowa hiɛ ni eheŋ.

Ṅmãle̱ Kroṅkroṅ Le̱

²³ Ni tšina lo tō ní ehenõ ko fá tšṍ lo ſe̱o̱ ehe noko le̱, no le̱ tšuidšŭrõ nā ohã moṅ, ši šiwō nõ le̱ esaa hĩe.

3 Mose 22:23 ပူးပေါင်းရင်းမြစ်များ

2 Mose 35:29

Israelbii lɛ bake Yehowa nii yɛ tsuijurɔ naa. Nuu fɛɛ nuu kɛ yoo fɛɛ yoo ni nu he yɛ etsuiŋ akɛ ehã nɔ ko lɛ, ekɛbake, koni akɛtsu nitsumɔi srɔtoi fɛɛ ni Yehowa ekɛɛ akɛ atsɔ̃ Mose nine nɔ atsu lɛ.

3 Mose 21:18

Mɔ ko ni kpa yɔɔ egbɔmɔtso he kɛ afɔle lɛ akaba; mɔ ni eshwila aloo etsɔ̃ɔ, loo eji gbɔmɔ akotia loo gbɔmɔ asaabu,

3 Mose 22:22

Nyɛkɛ kooloo ni eshwila aloo ehe ko eku, loo ehenii shɛɛɛ, loo fala ni hoɔ nu yɛ ehe, loo kpla loo ajitɔ eshwie ehe loo nɔ ko ewo yɛ ehewolo nɔ akaba akɛ nyɛkɛbaahã Yehowa koni akɛshã afɔle ahã lɛ yɛ afɔleshãa latɛ lɛ nɔ.

3 Mose 22:24

Nyɛkɛ kooloo ni ajwara aloo ashimɔ aloo atserɛ aloo afolɔ egbɛi akashã afɔle nyɛhã Yehowa. Ni nyɛkafea nakai yɛ nyɛshikpɔŋ lɛ nɔ.

Maleaki 1:8

Kɛji nyɛkɛ kooloi shwilafoi bashã afɔle lɛ aso ejeee nɔ fɔŋ lo? Ni kɛji nyɛkɛ kooloo akpaketsɛ loo helatsɛ bashã afɔle lɛ, no hu ejeee nɔ fɔŋ lo? Kɛji omɔ nakai kooloo okɛyake amralo lɛ, ani eeena ohe tsuijurɔ, aloo eeekwɛ ohiɛ?”

5 Mose 15:21

Shi kɛji kpa ko yɛ kooloo ko he lɛ, akpake ni jio, shwilamɔ ni jio, kpa fɛɛ kpa ni eji lɛ, nyɛkɛ no akashãa afɔle nyɛkɛhãa Yehowa, nyɛNyɔŋmɔ lɛ.

5 Mose 17:1

“Nyɛkaŋɔa tsina loo too ni kpa ko yɔɔ ehe nyɛkɛshãa afɔle nyɛhãa Yehowa, nyɛNyɔŋmɔ lɛ, ejaakɛ eehi nakai kooloo.