3 Mose 22:21 - ŊMALƐ KRƆŊKRƆŊ LƐ

²¹ Kɛji mɔ ko kɛ naanyobɔɔ afɔle tamɔ akɛ tsina loo too, loo afɔle ni ewo he shi eto, loo afɔle ni eeshã yɛ tsuijurɔ naa lɛ, miiba abahã Yehowa lɛ, esaaa akɛ kpa ko ahi kooloo lɛ he; esa akɛ efee kooloo ni eye emuu koni esa Yehowa hiɛ.

Ṅmãle̱ Kroṅkroṅ Le̱

²¹ Ni mofẽmo ní aaṅõ šidā-afo̱le ní dše̱ tšinai lo tōi ateṅ ebahã Iehowa le̱, šiwō no̱ eke̱-yeo dšio, tšuidšŭrõ nā ebahã dšio, eye emū, koni eke̱-sa ehĩe; kpa ko kpa ko akahĩ he.

3 Mose 22:21 ပူးပေါင်းရင်းမြစ်များ

1 Mose 28:20

Yakob wo shi ni ekɛɛ akɛ, “Kɛji Nyɔŋmɔ kɛ mi aaahi shi, ni eeebu mihe yɛ gbɛ ni miyanyiɛ nɛɛ mli, ni eeehã miŋmãa maye kɛ atade mawo,

Lalai 50:14

Ŋɔɔ shidaa afɔle ohã Nyɔŋmɔ; koni oye oshi ni owo ŋwɛi flooflonyo lɛ nɔ;

2 Mose 35:29

Israelbii lɛ bake Yehowa nii yɛ tsuijurɔ naa. Nuu fɛɛ nuu kɛ yoo fɛɛ yoo ni nu he yɛ etsuiŋ akɛ ehã nɔ ko lɛ, ekɛbake, koni akɛtsu nitsumɔi srɔtoi fɛɛ ni Yehowa ekɛɛ akɛ atsɔ̃ Mose nine nɔ atsu lɛ.

Abe̱i 7:14

“Kulɛ esa akɛ mashã afɔle, shi ŋmɛnɛ nɔŋŋ lɛ miyawo mishiwoonii lɛ.

3 Mose 22:22

Nyɛkɛ kooloo ni eshwila aloo ehe ko eku, loo ehenii shɛɛɛ, loo fala ni hoɔ nu yɛ ehe, loo kpla loo ajitɔ eshwie ehe loo nɔ ko ewo yɛ ehewolo nɔ akaba akɛ nyɛkɛbaahã Yehowa koni akɛshã afɔle ahã lɛ yɛ afɔleshãa latɛ lɛ nɔ.

3 Mose 3:1

“Kɛji mɔ ko miiba ebashã toiŋjɔlɛ naanyobɔɔ afɔle ehã Yehowa lɛ, ekɛ etsinai lɛ ateŋ eko, tsina lɛ nuu ni jio, yoo ni jio, efee kooloo ni kpa ko bɛ ehe.

3 Mose 3:6

“Kɛji mɔ lɛ miiba ebashã naanyobɔɔ afɔle ehã Yehowa kɛ gwantɛŋi loo abotiai lɛ ateŋ eko lɛ, kooloo lɛ nuu ni jio, yoo ni jio, efee kooloo ni kpa ko bɛ ehe.

4 Mose 15:3

kɛji nyɛkɛ tsina loo too baashã afɔle nyɛkɛhã mi, Yehowa, lɛ, shãa afɔle ni jio, gbee afɔle ni jio, afɔle ni akɛmiiye shiwoo ko nɔ ni jio, tsuijurɔ naa afɔle ni jio, nyɛgbii juji ni ato lɛ eko nɔ afɔle ni jio, afɔle lɛ ŋma asa mi, Yehowa, mihiɛ.

4 Mose 15:8

Shi kɛji akɛ tsina oblanyo baashã shãa afɔle loo gbee afɔle akɛ akɛmiiye shiwoo ko nɔ loo akɛ shidaa afɔle akɛhã mi, Yehowa, lɛ,