3 Mose 22:2 - ŊMALƐ KRƆŊKRƆŊ LƐ

² ni ekɛɛ Aaron kɛ ebihii lɛ akɛ: “Nyɛkwɛa jogbaŋŋ yɛ nikeenii krɔŋkrɔŋi ni Israelbii lɛ tsuɔ he ni amɛjɔɔ nɔ amɛhãa mi lɛ he, koni migbɛi krɔŋkrɔŋ lɛ he guɔ akagbo. Mi ji Yehowa.

Ṅmãle̱ Kroṅkroṅ Le̱

² Oke Aaron ke̱ ebihĩĩ le̱ awie ake̱ ame̱le ame̱he no̱kwe̱mo̱ ye̱ Israelbii le̱ anii kroṅkroṅi ní ame̱tšūo̱ he ame̱hãami le̱ ahewo, koni ame̱kabule migbe̱i kroṅkroṅ le̱; midši Iehowa.

3 Mose 22:2 ပူးပေါင်းရင်းမြစ်များ

Ezra 8:28

Mikɛɛ amɛ akɛ, “Nyɛhe tse krɔŋkrɔŋ nyɛhã Yehowa, ni nibii lɛ hu he tse krɔŋkrɔŋ. Jwiɛtɛi lɛ kɛ shika lɛ tsuijurɔ naa akɛhã Yehowa, wɔtsɛmɛi aNyɔŋmɔ lɛ.

2 Mose 13:12

binuu fɛɛ binuu ni gbeleɔ musu naa lɛ, nyɛjɔa enɔ nyɛhãa mi, Yehowa. Nyɛshiai amli kooloi akromɔ bihii hu Yehowa nii ni.

2 Mose 28:38

Nii nɛɛ ahi Aaron hiɛnaa tuuŋtu koni tɔ̃mɔi fɛɛ ni Israelbii lɛ etɔ̃ yɛ nikee lɛ hãmɔ mli lɛ akã Aaron nɔ.

Yesaia 52:11

Nyɛ mɛi fɛɛ ni nyɛtereɔ Sɔlemɔ we lɛ nibii lɛ, nyɛkataa nɔ ko ni he tseee he; nyɛtsuua nyɛhe, ni nyɛshĩa, nyɛshĩa Babilon nyɛyaa.

Ezekiel 44:8

Nyɛ diɛŋtsɛ nyɛtsuuu minibii krɔŋkrɔŋi lɛ ahe nii yɛ miHe Krɔŋkrɔŋ lɛ; shi moŋ nyɛto maŋsɛɛbii ni amɛtsu.

3 Mose 15:31

Yehowa kɛɛ Mose koni ebɔ Israelbii lɛ kɔkɔ yɛ amɛhe ni tseee lɛ hewɔ koni amɛkabule miKpee Buu Krɔŋkrɔŋ lɛ ni yɔɔ amɛteŋ lɛ ni amɛbagboi.

3 Mose 18:21

Kaaŋmɛɛ obii lɛ ateŋ mɔ ko he ohã ni akɛ lɛ ja Molek ni akɛ no wo oNyɔŋmɔ lɛ gbɛi he muji. Mi ji Yehowa.

3 Mose 19:12

Kaakã kitã yɛ migbɛi mli ni okɛshishiu mɔ ko ni okɛwo oNyɔŋmɔ lɛ gbɛi he muji. Mi ji Yehowa, oNyɔŋmɔ lɛ.

3 Mose 20:3

Kɛji mɔ ko kɛ ebii ateŋ mɔ ko hã Molek, ni ekɛwo He Krɔŋkrɔŋ ni ajaa mi yɛŋ lɛ he muji, ni eshwie migbɛi krɔŋkrɔŋ lɛ hiɛ shi lɛ, mi lɛ majie mihiɛ maka lɛ, ni mibuŋ lɛ mishiŋ miwebii lɛ anɔ.

3 Mose 21:6

Osɔfo lɛ afee ehe krɔŋkrɔŋ ahã mi, ni ekawo migbɛi lɛ he muji, ejaakɛ Yehowa afɔlei ni akɛ la shãa, ni ji eNyɔŋmɔ lɛ aboloo lɛ, lɛ ekɛbahãa. No hewɔ lɛ, efee ehe krɔŋkrɔŋ.

3 Mose 22:1

Yehowa fã Mose,

3 Mose 22:32

Nyɛkahãa migbɛi krɔŋkrɔŋ lɛ he guɔ miigbo. Esa akɛ Israelbii fɛɛ abu mi akɛ mɔ krɔŋkrɔŋ; mi ji Yehowa, ni mi mifeɔ nyɛ krɔŋkrɔŋ.

4 Mose 18:32

Nyɛyeee sɔ̃ ko yɛ no hewɔ, kɛji nyɛna nyɛkɛ nii lɛ mli nii kpakpa fe fɛɛ lɛ eshã afɔle momo lɛ. Nyɛkwɛa jogbaŋŋ kɛkɛ koni nyɛkabule nibii krɔŋkrɔŋi ni Israelbii kɛbahãa Yehowa lɛ koni nyɛbagboi.’ ”

5 Mose 15:19

“Nyɛjɔa nyɛtoi lɛ kɛ nyɛtsinai lɛ hu akromɔbii hii fɛɛ ni aaafɔ lɛ anɔ nyɛhãa Yehowa, nyɛNyɔŋmɔ lɛ. Nyɛkɛ tsinai akromɔbii lɛ akatsua nɔ ko nɔ ko; ni nyɛtoi akromɔbii lɛ hu nyɛkakua amɛhe tsɔi.