3 Mose 22:19 - ŊMALƐ KRƆŊKRƆŊ LƐ

¹⁹ Bɔ ni afee ni esa Yehowa hiɛ ni ehe lɛ; kooloo lɛ afee tsina loo gwantɛŋ loo abotia nuu ni kpa ko bɛ ehe.

Ṅmãle̱ Kroṅkroṅ Le̱

¹⁹ beni afe ní nyeke̱-sa ehĩe le̱, nū ní kpa ko be̱ ehe uyeke̱-bahã, tšina dšio, tōgwanteṅ dšio, alo tōabotia dšio.

3 Mose 22:19 ပူးပေါင်းရင်းမြစ်များ

2 Mose 12:5

Nyɛŋɔa toobi ni kpa bɛ ehe, nuu ni eye afi, yɛ too gwantɛŋi loo too abotiai lɛ ateŋ.

3 Mose 1:10

“Shi kɛji too gwantɛŋ loo abotia mɔ lɛ kɛbaa ebashã shãa afɔle lɛ, ehiɛ gwantɛŋ nuu loo abotia nuu ni kpa ko bɛ ehe kɛba.

3 Mose 1:2

“Kɛɛmɔ Israelbii lɛ akɛ, kɛji nyɛteŋ mɔ ko miiba ekɛ kooloo abashã afɔle ehã mi, Yehowa, lɛ ekɛ etsinai lɛ loo etoi lɛ ateŋ eko abashã afɔle lɛ.

3 Mose 1:3

Kɛji tsina ekɛbaa afɔleshãa lɛ, ehiɛ tsinanuu ni kpa ko bɛ ehe ebahã. Ekɛ kooloo lɛ aba Kpee Buu lɛ shinaa lɛ naa koni Yehowa ahe efɔle lɛ.

3 Mose 21:18

Mɔ ko ni kpa yɔɔ egbɔmɔtso he kɛ afɔle lɛ akaba; mɔ ni eshwila aloo etsɔ̃ɔ, loo eji gbɔmɔ akotia loo gbɔmɔ asaabu,

3 Mose 4:32

Kɛji mɔ ko kɛ gwantɛŋ miiba abashã esha afɔle lɛ, ekɛ gwantɛŋyoo ni kpa ko bɛ ehe aba.

Mateo 27:19

Shi be ni eta kojomɔ sɛi lɛ nɔ lɛ, eŋa tsu aba eŋɔɔ abakɛɛ lɛ akɛ, “Okɛ jalɔ nɛɛ akaye sane ko; ejaakɛ ehewɔ lɛ mihe ejara mi babaoo yɛ wɔlamɔ mli ŋmɛnɛ.”

Mateo 27:24

Be ni Pilato na akɛ enyɛɛɛ he nɔ ko efee; shi moŋ basabasa feemɔ miiba lɛ, ekɛ nu fɔ edɛ̃ yɛ asafo lɛ hiɛ, ni ekɛɛ, “Mi lɛ miyeee jalɔ nɛɛ lá yi sɔ̃; nyɛ, nyɛkwɛa nɔ!”

Mateo 27:4

ni ekɛɛ, “Mifee esha akɛ mitsɔ̃ɔ lá ni efɔŋ ko bɛ ehe lɛ sɛɛgbɛ.” Shi amɛ lɛ amɛkɛɛ, “No jeee wɔhe sane ko; bo diɛŋtsɛ kwɛmɔ nɔ!”

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Luka 23:14

ni ekɛɛ amɛ akɛ, “Nyɛkɛ nɛkɛ nuu nɛɛ bahã mi akɛ eewo maŋ lɛ yiŋ; ni naa, mitao esane lɛ mli yɛ nyɛhiɛ nɛɛ, minaaa fɔbuu sane ko yɛ ehe yɛ saji ni nyɛkɛbafolɔ enaa lɛ ekoeko mli.

Luka 23:41

Ni wɔnɔ lɛ sa wɔ, ejaakɛ wɔnifeemɔnii ahe nyɔmɔwoo wɔna nɛɛ; shi mɔ nɛ lɛ efeko nɔ ko ni esaaa.”

Luka 23:47

Shi be ni asraafoiohaiatsɛ lɛ na nɔ ni efee lɛ, ewo Nyɔŋmɔ hiɛ nyam ni ekɛɛ, “Yɛŋ lɛɛlɛŋ akɛ nɛkɛ nuu nɛɛ jalɔŋ!”

Yohane 19:4

Kɛkɛ ni Pilato je kpo ekoŋŋ ni ekɛɛ amɛ akɛ, “Naa, mikɛ lɛ eje kpo kɛba nyɛŋɔɔ, koni nyɛna nyɛle akɛ minaaa fɔbuu sane ko yɛ ehe.”

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Efesobii 5:27

koni eŋɔ lɛ edamɔ shi ehã lɛ diɛŋtsɛ ehe akɛ anunyam asafo ni kpa ko loo nɔ kũaikũai ko loo nakai nɔ ko bɛ ehe, shi moŋ efee krɔŋkrɔŋ ni shwamɔ ko bɛ ehe lɛ.

5 Mose 15:21

Shi kɛji kpa ko yɛ kooloo ko he lɛ, akpake ni jio, shwilamɔ ni jio, kpa fɛɛ kpa ni eji lɛ, nyɛkɛ no akashãa afɔle nyɛkɛhãa Yehowa, nyɛNyɔŋmɔ lɛ.

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?

1 Petro 1:19

shi moŋ Kristo, mɔ ni tamɔ Toobi ni he bɛ kpa loo ŋmamɔ nɔ ko lɛ lá ni jara wa lɛ akɛkpɔ̃ nyɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.