3 Mose 21:9 - ŊMALƐ KRƆŊKRƆŊ LƐ

⁹ Kɛji osɔfo ko biyoo fee ehe ajwamãŋ lɛ, ewo etsɛ he muji; ashã lɛ ni egbo.

Ṅmãle̱ Kroṅkroṅ Le̱

⁹ Ni ke̱dši oso̱fo ko biyō bõi adſamaṅbō̱ le̱, ebule etše̱, ake̱ la ašãle̱.

3 Mose 21:9 ပူးပေါင်းရင်းမြစ်များ

1 Mose 38:24

No sɛɛ aaafee nyɔji etɛ̃ lɛ, abakɛɛ Yuda akɛ, “Oshaayoo Tamar eyabɔ ajwamãŋ, ni nɔ ni ena yɛ ajwamãŋbɔɔ lɛ mli ji akɛ ena musu.” Yuda fã akɛ, “Amɔ lɛ kɛje kpo koni ashã lɛ.”

2 Mose 31:14

No hewɔ lɛ, nyɛyea hejɔɔmɔ gbi lɛ, ejaakɛ eyɛ krɔŋkrɔŋ hã nyɛ. Mɔ fɛɛ mɔ ni aaabule gbi nɛɛ lɛ gbe aaagbe lɛ, ni mɔ fɛɛ mɔ ni aaatsu nii yɛ gbi lɛ nɔ lɛ aaatswa enaneshi tu.

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Ezekiel 9:6

Nyɛgbea onukpai kɛ oblahii kɛ oblayei kɛ gbekɛbii kɛ yei blublu, shi mɔ fɛɛ mɔ ni akadi ehiɛnaa lɛ, lɛ lɛ nyɛkataa ehe. Nyɛjea shishi kɛjɛa mihe krɔŋkrɔŋ lɛ.” No hewɔ lɛ, amɛbɔi kɛjɛ onukpai lɛ ni yɔɔ Sɔlemɔ we lɛ hiɛ lɛ anɔ.

3 Mose 19:29

“Okɛ obiyoo akawɔ ni ohã etsɔ̃ yoo ajwamãŋ ni shikpɔŋ lɛ nɔ bayi tɔ kɛ ajwamãŋbɔɔ.

3 Mose 20:14

Kɛji nuu ko ŋɔ yoo ko kɛ enyɛ fɛɛ efee eŋãmɛi lɛ, ashã amɛyi etɛ̃ lɛ fɛɛ yɛ musu ni amɛbɔ lɛ hewɔ.

Maleaki 2:3

Naa, mibakã nyɛshwiei ahiɛ, ni mikɛ nyɛfɔleshãa kooloi lɛ awamɔ lɛ aaakpa nyɛhiɛ; ni aaaloo nyɛ kɛ wamɔ lɛ fɛɛ ayashwie tumo nɔ.

5 Mose 22:21

maŋ onukpai lɛ akpala oblayoo lɛ kɛya etsɛ agbo naa, koni maŋ lɛ mli hii atswia oblayoo lɛ tɛi ni egbo, ejaakɛ efee hiɛgbejianii yɛ Israel akɛ ele nuu dani eshi etsɛ we lɛ etee gbãlã. Kɛtsɔ̃ nɛkɛ gbɛ nɔ lɛ nyɛbaajie su fɔŋ nɛɛ kɛje nyɛteŋ.

Tito 1:6

Onukpa afee mɔ ko ni kpa ko bɛ ehe, mɔ ko ni yɔɔ ŋa kome ni eyɔɔ bii ni heɔ Kristo nɔ yeɔ ni awieee amɛhe akɛ nyɛnyɛŋtswibɔlɔi loo toigbolɔi ji amɛ.

Yoshua 7:15

Mɔ ni Yehowa baamɔ lɛ akɛ lɛ edɛŋ musu nii lɛ yɔɔ lɛ, abaashã lɛ kɛ nii fɛɛ ni eyɔɔ, ejaakɛ etɔ̃ Yehowa kitã nɔ, ni asaŋ efee hiɛgbejianii yɛ Israel.”

Yoshua 7:25

Be ni ayashɛ jɛi lɛ Yoshua kɛɛ Akan akɛ, “Mɛɛba ni ogba wɔnaa nɛkɛ? Yehowa hu baahao bo ŋmɛnɛ.” Kɛkɛ ni Israel muu lɛ fɛɛ tswia Akan tɛ, ni ama enaa la ni ashã lɛ.

1 Samuel 2:17

No hewɔ lɛ, Eli bihii lɛ anɔsha lɛ da yɛ Yehowa hiɛ, ejaakɛ amɛhiɛ eyasɔɔɔ nii ni akɛshãa afɔle ahãa Yehowa lɛ.

1 Samuel 2:34

Nɔ ni baaba obihii enyɔ lɛ, Hofni kɛ Finehas, nɔ lɛ baatsɔ̃ okadi ahã bo. No ji akɛ amɛyi enyɔ lɛ fɛɛ amɛaagboi gbi kome.