3 Mose 21:6 - ŊMALƐ KRƆŊKRƆŊ LƐ

⁶ Osɔfo lɛ afee ehe krɔŋkrɔŋ ahã mi, ni ekawo migbɛi lɛ he muji, ejaakɛ Yehowa afɔlei ni akɛ la shãa, ni ji eNyɔŋmɔ lɛ aboloo lɛ, lɛ ekɛbahãa. No hewɔ lɛ, efee ehe krɔŋkrɔŋ.

Ṅmãle̱ Kroṅkroṅ Le̱

⁶ Ame̱fe kroṅkroṅ ame̱hã ame̱-Nyoṅmo̱ le̱, ni ame̱kabule ame̱-Nyoṅmo̱ le̱ gbe̱i le̱; edšake̱ Iehowa afo̱lei ní ake̱ la šãa le̱, ame̱-Nyoṅmo̱ le̱ abolo le̱, ame̱ ame̱ke̱bahãa, hewo̱ le̱ amefe kroṅkroṅ.

3 Mose 21:6 ပူးပေါင်းရင်းမြစ်များ

Ezra 8:28

Mikɛɛ amɛ akɛ, “Nyɛhe tse krɔŋkrɔŋ nyɛhã Yehowa, ni nibii lɛ hu he tse krɔŋkrɔŋ. Jwiɛtɛi lɛ kɛ shika lɛ tsuijurɔ naa akɛhã Yehowa, wɔtsɛmɛi aNyɔŋmɔ lɛ.

2 Mose 19:22

Asaŋ hã osɔfoi lɛ ni bɛŋkɛɔ Yehowa atsuu amɛhe koni Yehowa akakpãtã amɛhiɛ.”

2 Mose 28:36

“Otswia shika ŋmiiŋmi fɛtɛfɛtɛ, ni oŋma yɛ nɔ, tamɔ nii ni aŋma yɛ wolonaasɔomɔ nɔ nɔ, akɛ, ‘Afee lɛ krɔŋkrɔŋ ahã Yehowa.’

2 Mose 29:44

Mahã Kpee Buu lɛ kɛ afɔleshãa latɛ lɛ afee krɔŋkrɔŋ, ni asaŋ mafee Aaron kɛ ebihii lɛ fɛɛ krɔŋkrɔŋ koni amɛye osɔfo amɛhã mi.

Yesaia 52:11

Nyɛ mɛi fɛɛ ni nyɛtereɔ Sɔlemɔ we lɛ nibii lɛ, nyɛkataa nɔ ko ni he tseee he; nyɛtsuua nyɛhe, ni nyɛshĩa, nyɛshĩa Babilon nyɛyaa.

Ezekiel 44:7

Kɛji nyɛkɛ miniyenii afɔle ni ji fɔ kɛ lá lɛ miiba lɛ, nyɛkaŋmɛa maŋsɛɛbii ni ji tsuiŋ foolɔi lɛ gbɛ ni amɛmiiba miHe Krɔŋkrɔŋ lɛ ni amɛbule lɛ. Nyɛmusubɔɔnii fɛɛ lɛ asɛɛ lɛ, nyɛku mikpãŋmɔ lɛ hu mli nyɛfata he.

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

3 Mose 18:21

Kaaŋmɛɛ obii lɛ ateŋ mɔ ko he ohã ni akɛ lɛ ja Molek ni akɛ no wo oNyɔŋmɔ lɛ gbɛi he muji. Mi ji Yehowa.

3 Mose 19:12

Kaakã kitã yɛ migbɛi mli ni okɛshishiu mɔ ko ni okɛwo oNyɔŋmɔ lɛ gbɛi he muji. Mi ji Yehowa, oNyɔŋmɔ lɛ.

3 Mose 20:3

Kɛji mɔ ko kɛ ebii ateŋ mɔ ko hã Molek, ni ekɛwo He Krɔŋkrɔŋ ni ajaa mi yɛŋ lɛ he muji, ni eshwie migbɛi krɔŋkrɔŋ lɛ hiɛ shi lɛ, mi lɛ majie mihiɛ maka lɛ, ni mibuŋ lɛ mishiŋ miwebii lɛ anɔ.

3 Mose 21:17

ni ekɛɛ Aaron akɛ, “Oshwiei lɛ ateŋ mɔ ko ni eje kpa akaba, yɛ amɛyinɔi fɛɛ mli, ni ekɛ niyenii afɔle lɛ bahã mi.

3 Mose 21:21

Nuu fɛɛ nuu ni kpa ko yɔɔ ehe yɛ osɔfo Aaron bihii lɛ ateŋ lɛ, ekatsi ebɛŋkɛ ni ekɛ niyenii afɔle lɛ bahã mi.

3 Mose 21:23

shi muhɔɔ krɔŋkrɔŋ lɛ he kɛkɛ ni ekaba, ni ekatsi ebɛŋkɛ afɔleshãa latɛ lɛ, ejaakɛ kpa yɛ ehe. No hewɔ lɛ, ekawo minii krɔŋkrɔŋi lɛ ahe muji, ejaakɛ mi ji Yehowa ni feɔ amɛ krɔŋkrɔŋ lɛ.”

3 Mose 21:8

Nyɛbua osɔfo lɛ akɛ mɔ krɔŋkrɔŋ, ejaakɛ mi, Yehowa, ji mɔ ni mifeɔ osɔfoi lɛ krɔŋkrɔŋ lɛ.

3 Mose 3:11

Osɔfo ni yɔɔ nitsumɔ nakai gbi lɛ nɔ lɛ ashã yɛ afɔleshãa latɛ lɛ nɔ akɛ niyenii afɔle ni aashã akɛhã Yehowa.

4 Mose 16:5

Kɛkɛ ni ekɛɛ Kora kɛ asafo lɛ ni ekɛba lɛ fɛɛ akɛ, “Wɔ ni ji wɔ leebi lɛ Yehowa baahã ale mɔ ni ji enɔ; mɔ ni ji mɔ krɔŋkrɔŋ lɛ, lɛ ebaahã ebɛŋkɛ lɛ. Mɔ ni Yehowa aaaŋɔ̃ lɛ, lɛ ebaahã ebɛŋkɛ lɛ yɛ afɔleshãa latɛ lɛ he.

4 Mose 28:2

“Kɛɛmɔ Israelbii lɛ akɛ amɛhiɛ ahi minikeenii ni ji niyenii afɔle ni akɛ la shãa ni ejeɔ ŋma ewoɔ mi lɛ nɔ koni amɛkɛbahã mi kɛji afɔle hãmɔ be shɛ lɛ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;