3 Mose 21:5 - ŊMALƐ KRƆŊKRƆŊ LƐ

⁵ “Osɔfo ko akakpɔ eyi, ni ekaku etsɛŋ nɔ, ni asaŋ ekabãmɔ ehewolo nɔ gbɛ̃i kɛtsɔ̃ɔ akɛ eeye ŋkɔmɔ.

Ṅmãle̱ Kroṅkroṅ Le̱

⁵ Ame̱kakpo̱ ame̱yi, ni ame̱tšẽṅi anāgbēi le̱ hũ ame̱kaše̱, ni asaṅ ame̱kabãmo̱ ame̱hewolo no̱ gbẽi. 19,27. 28.

3 Mose 21:5 ပူးပေါင်းရင်းမြစ်များ

Yesaia 15:2

Dibonbii lɛ ekwɔ kɛtee amɛwɔŋjamɔhei lɛ koni amɛyafo. Moabbii ewɔ lele yɛ Nebo kɛ Medeba maji lɛ ahewɔ. Amɛshɛ yi fɛɛ yi kɛ tsɛŋ fɛɛ tsɛŋ.

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yeremia 16:6

Amɛteŋ mɛi wuji kɛ mɛi bibii lɛ fɛɛ baagboi yɛ shikpɔŋ nɛɛ nɔ. Afuŋ amɛ, ni afeŋ amɛyara hu. Mɔ ko mɔ ko bãmɔŋ ehe kɛ kakla aloo eshɛŋ eyiteŋ kɛyeŋ amɛgbohii lɛ ahe ŋkɔmɔ.

Yeremia 48:37

Mɔ fɛɛ mɔ eshɛ eyi, ni mɔ fɛɛ mɔ eku etsɛŋ, abamɔbamɔɔ niji ahe, ni mɔ fɛɛ mɔ ekɔ kpekpe eŋmɔ ehɛ akɛ ŋkɔmɔyeli he okadi.

Ezekiel 44:20

Osɔfoi lɛ akashɛ amɛyi, ni amɛkato amɛyi hu; shi moŋ amɛshwao nɔ kɛkɛ.

Ezekiel 5:1

Yehowa kɛɛ mi ekoŋŋ akɛ, “Bo Gbɔmɔ Adesa, kɔ klante ni naa ba ni okɛfee yikulɔi asooyi, ni okɛshɛ oyi kɛ otsɛŋ. Agbɛnɛ kɔ nsɛni ni oŋmɛ tsɔi lɛ yɛ nsɛni mli, ni oja mli etɛ̃.

3 Mose 10:6

Mose kɛɛ Aaron kɛ ebihii ni ji Eleazar kɛ Itamar akɛ, “Nyɛkahãa nyɛyiteŋ fea tsaŋtsaŋ aloo nyɛgbalaa nyɛtadei kɛtsɔ̃ɔ akɛ nyɛmiiye ŋkɔmɔ. Kɛ nyɛfee nakai lɛ, nyɛbaagboi, ni Yehowa mli baawo maŋ muu lɛ fɛɛ la. Nyɛhãa nyɛwekumɛi, Israel maŋ muu lɛ fɛɛ, afoa shãa ni Yehowa ehã la eshã nyɛnyɛmimɛi lɛ ni amɛgboi nɛɛ.

3 Mose 21:4

Ekaya mɔ ko ni gbãlã hewɔ efeɔ ewekunyo yara nɔ koni ekɛwo ehe muji.

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

Mika 1:16

Yudabii, nyɛshɛa nyɛyi kɛyea ŋkɔmɔ yɛ nyɛbii ni nyɛsumɔ lɛ ahewɔ. Nyɛkpɔa nyɛyi kuekue tamɔ akpaŋa yiteŋ, ejaakɛ abaaŋɔ nyɛbii lɛ anom kɛaaje nyɛhe kɛya.

5 Mose 14:1

“Yehowa, nyɛNyɔŋmɔ lɛ, bii ji nyɛ. No hewɔ lɛ, kɛji nyɛmiiye mɔ ko ni egbo he ŋkɔmɔ lɛ, nyɛkafolɔa nyɛhe gbɛ̃i, ni nyɛkashɛa nyɛhiɛnaa yɛ gbonyo lɛ hewɔ.