3 Mose 20:2 - ŊMALƐ KRƆŊKRƆŊ LƐ

² ni ekɛɛ Israelbii lɛ akɛ, “Mɔ fɛɛ mɔ ni ji Israelnyo loo gbɔ ni ebato gbɔ yɛ Israel shikpɔŋ lɛ nɔ ni ekɛ ebii lɛ eko aaahã ni akɛja Molek lɛ, agbe lɛ; shikpɔŋ lɛ nɔ bii lɛ atswia lɛ tɛ.

Ṅmãle̱ Kroṅkroṅ Le̱

² Kē̱mo̱ Israelbii le̱ ake̱: Mofẽmo ní dši Israelnyo lo gbo̱ ní too̱ gbo̱ ye̱ Israel ní ṅõo̱ esešibii le̱ eko ehãa Molek le̱, gbe ágbele̱; šikpoṅ le̱ no̱ bii le̱ atſiale̱ te̱i.

3 Mose 20:2 ပူးပေါင်းရင်းမြစ်များ

1 Maŋtsɛmɛi 11:7

Kɛkɛ ni Solomon mã jamɔhe ehã Kemosh, Moabbii anyɔŋmɔ ni Yehowa hiɔ lɛ, kɛ Molek ni ji Amonbii anyɔŋmɔ ni Yehowa hiɔ lɛ hu, yɛ Yerusalɛm bokãgbɛ.

2 Maŋtsɛmɛi 17:17

Amɛŋɔ amɛbihii kɛ amɛbiyei amɛshãshãa afɔle amɛhã jemawɔji, amɛkala, ni amɛsaa amɛyeyee ŋkunyai. Amɛhɔ̃ɔhɔ̃ɔ amɛhe amɛhã efɔŋfeemɔ yɛ Yehowa hiɛ, ni amɛkɛwo Yehowa mli la.

2 Maŋtsɛmɛi 23:10

Maŋtsɛ Yosia bule Tofet, wɔŋjamɔhe ni yɔɔ Hinombii aJɔɔ lɛ mli lɛ, bɔ ni afee ni mɔ ko mɔ ko akagbe ebinuu loo ebiyoo ekɛshã afɔle ekɛhã wɔŋ Molek lɛ dɔŋŋ.

2 Kronika 28:3

ni eshã tsofakɛŋma yɛ Hinom Jɔɔ lɛ mli ekɛja jemawɔji lɛ. Etee nɔ po esha lɛ diɛŋtsɛ emusuŋbii akɛ afɔle ekɛhã jemawɔji lɛ. Gbɔmɛi ni yɔɔ shikpɔŋ lɛ nɔ sa, shi Yehowa shwie amɛ yɛ Israelbii lɛ agbɛ nɔ be ni Israelbii lɛ jɛ Ijipt amɛbaa lɛ akusum ni ehiɔ ji enɛ.

2 Kronika 33:6

Asaŋ Manase shã ebihii akɛ afɔle yɛ Hinom Jɔɔ lɛ mli, ni eyeɔ ŋkunyaa, ni ekalaa, ni efeɔ ashwãi, ni eto sisatsɛlɔi kɛ ayɛi fɛɛ. Etɔ̃ Nyɔŋmɔ nɔ babaoo diɛŋtsɛ, ni ekɛwo Nyɔŋmɔ mli la.

Lalai 106:38

Amɛshwie amɛbihii kɛ amɛbiyei ni efeko efɔŋ ko lɛ alá shi amɛkɛshã afɔle amɛhã Kanaan amãgãi lɛ ni amɛkɛ lá lɛ bule shikpɔŋ lɛ.

Yeremia 32:35

Amɛmamɔ Baal jamɔhei grɔŋgrɔŋŋ ni yɔɔ Hinom Jɔɔ lɛ mli lɛ koni amɛgbe amɛbihii kɛ amɛbiyei yɛ jɛi amɛkɛshã afɔle amɛkɛhã jemawɔŋ Molek lɛ. Tsɛbelɛ mifãko amɛ, ni asaŋ ebako miyiŋ tete akɛ amɛfee nɛkɛ musubɔɔnii nɛɛ ni amɛkɛhã Yuda fɛɛ agbee esha mli.”

Yeremia 7:31

Ni amɛyama afɔleshãa latɛ yɛ Tofet yɛ Hinom Jɔɔ lɛ mli, koni amɛgbe amɛbihii kɛ amɛbiyei amɛkɛshã afɔle. Enɛ ji nɔ ko ni mifãko akɛ afee; ebako miyiŋ tete po.

Ezekiel 20:26

Mibule amɛ kɛtsɔ̃ amɛnikeenii anɔ, no ji amɛkromɔbii ni amɛgbe kɛshã afɔle lɛ, koni mahã amɛhe ajɔ̃ amɛhe. Mifee enɛ, koni amɛkɛna amɛle akɛ, mi ji Yehowa.

Ezekiel 20:31

Gbii abɔ ni nyɛkɛ nyɛnikeenii yahãa wɔji, ni nyɛgbeɔ nyɛbihii nyɛkɛshãa afɔlei nyɛhãa amɛ lɛ, nyɛmiibule nyɛhe kɛ nɛkɛ nyɛwɔji nɛɛ ajamɔ kɛbashi ŋmɛnɛ. Ao, Israel we, nyɛmiiba ni nyɛbabi mi nii? Gbii abɔ ni mi ji Nyɔŋmɔ hiɛkãalɔ lɛ nɛɛ, mihaŋ nyɛbi mi nii! Nuŋtsɔ Yehowa kɛɛ.

Ezekiel 23:37

Ejaakɛ amɛfite gbãlã, ni amɛshwie lá shi; amɛkɛ amɛwɔji lɛ bɔ ajwamãŋ, ni bii ni mikɛ amɛfɔ lɛ, tete amɛkɛ amɛ fee niyenii amɛkɛhã amɛwɔji.

Ezekiel 23:39

Ejaakɛ gbi ni amɛgbe amɛbii lɛ amɛhã amɛwɔji lɛ, nakai gbi lɛ nɔŋŋ amɛbabule mihe krɔŋkrɔŋ lɛ; ni nakai nɔŋŋ amɛbafee miwe lɛ.

3 Mose 17:13

“Israelnyo fɛɛ Israelnyo kɛ mɔ fɛɛ mɔ ni ebato gbɔ yɛ Israel lɛ, kɛji eyagbɔbi ni egbe kooloo loo loofɔlɔ ni ayeɔ lɛ, efɔse elá lɛ eshwie shi, ni ekɛ sũ atsi nɔ,

3 Mose 17:15

“Mɔ fɛɛ mɔ ni yeɔ kooloo ni egbo lɛ diɛŋtsɛ edɛŋ gbele aloo kooloo ni kooloo awuyelɔ ko tserɛ emli lɛ, Israelnyo ji lɛ jio, gbɔ ni ebato Israel shikpɔŋ lɛ nɔ ji lɛ jio, efɔ etadei ahe ni ekɛnu aju ehe; ebaahi shi kɛyashi gbɛkɛ dani ehe baatse.

3 Mose 17:8

“Israelnyo fɛɛ Israelnyo loo gbɔ ni ebato Israelbii lɛ ni shãa shãa afɔle loo

3 Mose 18:21

Kaaŋmɛɛ obii lɛ ateŋ mɔ ko he ohã ni akɛ lɛ ja Molek ni akɛ no wo oNyɔŋmɔ lɛ gbɛi he muji. Mi ji Yehowa.

3 Mose 20:1

Yehowa kɛ Mose wie,

3 Mose 20:27

“Nyɛteŋ nuu loo yoo ni aaayabi nii yɛ sisa ŋɔɔ lɛ, atswia lɛ tɛ ni egbo. Mɔ fɛɛ mɔ ni feɔ enɛ lɛ egbele sɔ̃ atere lɛ diɛŋtsɛ.”

3 Mose 24:14

“Mɔ mɔ ni lomɔ lɛ kɛje shitoohe lɛ mli kɛya esɛɛ. Mɛi fɛɛ ni nu akɛ elomɔ lɛ kɛ amɛniji abashwie eyiteŋ, koni no sɛɛ lɛ maŋtso muu lɛ atswia lɛ tɛ ni egbo.

3 Mose 24:16

mɔ ni baalomɔ Yehowa lɛ, gbe kɛ̃ aaagbe lɛ. Gbɔ ni jio, maŋnyo ni jio, kɛji ena elomɔ Yehowa lɛ, maŋtso muu lɛ fɛɛ atswia lɛ tɛ ni egbo.’

3 Mose 24:23

Be ni Mose kɛ Israelbii lɛ ewie egbe naa lɛ, maŋbii lɛ mɔ oblanyo lɛ ni lomɔ lɛ kɛje amɛshitoohe lɛ mli kɛtee esɛɛ, ni ayatswia lɛ tɛ yɛ jɛi ni egbo. Belɛ kɛtsɔ̃ nɛkɛ gbɛ nɔ lɛ Israelbii lɛ fee nɔ ni Yehowa fã Mose akɛ afee lɛ.

Bɔfoi 7:43

Dabida, Molok buu lɛ moŋ nyɛwo nyɛtere kɛ nyɛnyɔŋmɔ Refan lɛ ŋulami lɛ ni ji amãgãi ni nyɛshɔ ni nyɛja amɛ lɛ. Shi Babilon sɛɛ maloo nyɛ kɛaatee.’

5 Mose 12:31

Nyɛkajaa Yehowa, nyɛNyɔŋmɔ lɛ, tamɔ amɛjaa amɛnyɔŋmɔi lɛ, ejaakɛ nibii fɛɛ ni Yehowa hiɔ lɛ, nomɛi moŋ amɛfeɔ amɛkɛjaa amɛnyɔŋmɔi lɛ. Amɛgbeɔ amɛbihii kɛ amɛbiyei tete amɛkɛshãa afɔle amɛhãa amɛnyɔŋmɔi lɛ.

5 Mose 17:2

“Kɛji ana nuu ko loo yoo ko yɛ nyɛmaji ni Yehowa, nyɛNyɔŋmɔ lɛ, hãa nyɛ lɛ eko mli ni eku Yehowa kpãŋmɔ lɛ mli,

5 Mose 18:10

Nyɛteŋ mɔ ko mɔ ko akagbe ebinuu loo ebiyoo ekɛshã afɔle; akana klamɔfonyo loo ashwãifeelɔ loo okɔmfo loo ŋkunyaayelɔ

5 Mose 21:21

Maŋ lɛ mli hii fɛɛ atswia lɛ tɛi koni egbo bɔ ni afee ni akɛjie su fɔŋ lɛ yɛ nyɛteŋ. Israel fɛɛ baanu nɔ ni ba lɛ, ni amɛbaashe gbeyei.”

5 Mose 22:21

maŋ onukpai lɛ akpala oblayoo lɛ kɛya etsɛ agbo naa, koni maŋ lɛ mli hii atswia oblayoo lɛ tɛi ni egbo, ejaakɛ efee hiɛgbejianii yɛ Israel akɛ ele nuu dani eshi etsɛ we lɛ etee gbãlã. Kɛtsɔ̃ nɛkɛ gbɛ nɔ lɛ nyɛbaajie su fɔŋ nɛɛ kɛje nyɛteŋ.