3 Mose 2:9 - ŊMALƐ KRƆŊKRƆŊ LƐ

⁹ Osɔfo lɛ ajie niyenii afɔle lɛ mli eko, ni eshã yɛ afɔleshãa latɛ lɛ nɔ akɛ shãa afɔle muu lɛ ni akɛbahã Yehowa he odaseyeli nɔ.

Ṅmãle̱ Kroṅkroṅ Le̱

⁹ Ni oso̱fo le̱ aṅõ niyenii-afo̱le le̱ mli kaimo̱nõ le̱, ni ešã ye̱ afo̱lešãlate̱ le̱ no̱; afo̱le ni ake̱ la šãa ní dšeo̱ ṅma woo̱ Iehowa ni.

3 Mose 2:9 ပူးပေါင်းရင်းမြစ်များ

2 Mose 29:18

ni oma too ojwɛni muu lɛ fɛɛ naa la yɛ afɔleshãa latɛ lɛ nɔ. Eji afɔle ni akɛ la shãa ahãa mi, Yehowa; ni misumɔɔ eŋma lɛ.

Yesaia 53:10

“Eji Yehowa yiŋtoo akɛ atswa lɛ nɔ, ni apila lɛ. Kɛji eŋɔ ehe eshã afɔle yɛ esha hewɔ lɛ, ebaana shwiei ni ewala sɛɛ aaatsɛ, ni kɛtsɔ̃ lɛ enɔ lɛ, nɔ ni sa Yehowa hiɛ lɛ aaashwere.

3 Mose 1:9

Nuu lɛ kɛ nu afɔ kooloo lɛ mlinii lɛ kɛ enaji lɛ ahe; ni osɔfo lɛ ashã kooloo muu lɛ fɛɛ yɛ afɔleshãa latɛ lɛ nɔ; shãa afɔle ni, afɔle ni akɛ la shãa kooloo lɛ fɛɛ ni. Afɔle nɛɛ jeɔ ŋma woɔ Yehowa.

3 Mose 2:16

Osɔfo lɛ ashã mamu lɛ he ni mu lɛ yɔɔ lɛ kɛ mu lɛ kɛ tsofakɛŋma ni fata he lɛ hu fɛɛ akɛ afɔle ni akɛbahã lɛ he odaseyeli nɔ. Eji afɔle ni ashãa ahãa Yehowa.”

3 Mose 2:2

koni ekɛbahã Aaron bihii osɔfoi lɛ. Osɔfo ni yɔɔ nitsumɔ nakai gbi lɛ nɔ lɛ akpiti mã lɛ kɛ mu lɛ ekɔkɔ obɔ̃ kɛ tsofakɛŋma lɛ fɛɛ koni ashã yɛ afɔleshãa latɛ lɛ nɔ akɛ afɔle muu ni akɛbahã Yehowa he odaseyeli nɔ. Eji shãa afɔle, ni ejeɔ ŋma ewoɔ Yehowa.

3 Mose 2:8

Akɛ niyenii afɔle ni akɛ nibii nɛɛ fee lɛ aba akɛ Yehowa nikeenii, ni akɛbahã osɔfo lɛ, ni ekɛya afɔleshãa latɛ lɛ he.

3 Mose 24:7

Okɛ krɔbɔo krɔŋŋ afata aboloo ku kome fɛɛ ku kome he, koni no afee kaimɔ nɔ ni akɛbahã akɛ afɔle ni ashã ahã Yehowa.

3 Mose 4:31

Ejie too lɛ mli fɔ lɛ fɛɛ tamɔ ajieɔ shidaa afɔlei akooloi amli fɔ lɛ, ni eshã fɔ lɛ yɛ afɔleshãa latɛ lɛ nɔ koni eje ŋma ewo Yehowa, koni osɔfo lɛ akpãtã ehã lɛ, ni akɛ etɔ̃mɔ lɛ baafa lɛ.

3 Mose 5:12

Ekɛba osɔfo lɛ ŋɔɔ. Osɔfo lɛ atĩ ekɔkɔ obɔ̃ ekɛfee afɔle lɛ mli eko ni akɛkaiɔ Yehowa yɛ afɔle muu lɛ fɛɛ he, koni eshã yɛ afɔleshãa latɛ ni ashãa ŋmãa afɔlei yɛ nɔ ahãa Yehowa lɛ nɔ. Esha afɔle ni.

3 Mose 6:15

Kɛkɛ lɛ amɛteŋ mɔ kome aŋɔ mã lɛ kɛ emli mu lɛ kɛ ohɛ ni yɔɔ ŋmãa afɔle lɛ nɔ lɛ ekɔkɔ kome ni eshã yɛ afɔleshãa latɛ lɛ nɔ. Eji okadi kɛkɛ ni tsɔ̃ɔ akɛ akɛ ŋmãa afɔle lɛ fɛɛ ehã Yehowa. Afɔle nɛɛ ŋma lɛ sa Yehowa hiɛ.

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

4 Mose 5:26

Osɔfo lɛ akpiti niyenii afɔle lɛ edɛ̃ kɔkɔ obɔ̃ kome, akɛ nɔ ni ekɛmiiye he odase, koni eshã yɛ afɔleshãa latɛ lɛ nɔ; ni no sɛɛ lɛ ehã yoo lɛ anu nu lɛ.

Romabii 12:1

No hewɔ lɛ, anyɛmimɛi, mikɛ Nyɔŋmɔ mlitsɔlɛ miikpa nyɛ fai akɛ nyɛŋɔ nyɛgbɔmɔtsei lɛ nyɛdamɔ shi akɛ afɔle ni hiɛ kã ni he tse ni sa Nyɔŋmɔ hiɛ; enɛ ji jamɔ ni sa.

Romabii 15:16

koni mitsɔ̃ Yesu Kristo sɔ̃ɔlɔ mihã jeŋmaji lɛ, ni mitsu Nyɔŋmɔ Sanekpakpa lɛ he nii akɛ osɔfo, ni jeŋmaji lɛ atsɔ̃mɔ afɔle ni sa ehiɛ jogbaŋŋ ni atsuu he yɛ Mumɔ Krɔŋkrɔŋ mli.

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Filipibii 2:17

Shi kɛji afɔse milá ashwie nyɛhemɔkɛyeli ni akɛhãa Nyɔŋmɔ akɛ afɔle lɛ nɔ tete lɛ, miyɛ he tsuijurɔ, ni mikɛ nyɛ fɛɛ aaana tsuijurɔ;

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.