3 Mose 2:16 - ŊMALƐ KRƆŊKRƆŊ LƐ

¹⁶ Osɔfo lɛ ashã mamu lɛ he ni mu lɛ yɔɔ lɛ kɛ mu lɛ kɛ tsofakɛŋma ni fata he lɛ hu fɛɛ akɛ afɔle ni akɛbahã lɛ he odaseyeli nɔ. Eji afɔle ni ashãa ahãa Yehowa.”

Ṅmãle̱ Kroṅkroṅ Le̱

¹⁶ Ni oso̱fo le̱ ašã ekaimo̱nõ le̱ able ní aši le̱ eko ke̱ mũ le̱ eko ke̱ kro̱bo̱o ní fata he le̱ fẽ; afo̱le ní ake̱ la šãa hãa Iehowa ni.

3 Mose 2:16 ပူးပေါင်းရင်းမြစ်များ

Lalai 141:2

Hã mifaikpamɔ afee tamɔ tsofakɛŋma yɛ ohiɛ; ni miniji anɔholemɔ afee tamɔ gbɛkɛ afɔle!

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

3 Mose 1:9

Nuu lɛ kɛ nu afɔ kooloo lɛ mlinii lɛ kɛ enaji lɛ ahe; ni osɔfo lɛ ashã kooloo muu lɛ fɛɛ yɛ afɔleshãa latɛ lɛ nɔ; shãa afɔle ni, afɔle ni akɛ la shãa kooloo lɛ fɛɛ ni. Afɔle nɛɛ jeɔ ŋma woɔ Yehowa.

3 Mose 2:12

Nyɛbaanyɛ nyɛŋɔ nibii nɛɛ amli klɛŋklɛŋ nii lɛ eko nyɛbahã Yehowa. Shi moŋ akashã yɛ afɔleshãa latɛ lɛ nɔ akɛ nii ni jeɔ ŋma.

3 Mose 2:14

Kɛji niyenii afɔle ni akɛbaahã Yehowa fee ŋmɔshi klɛŋklɛŋ nibaanii lɛ mli eko lɛ, no lɛ afɔle lɛ afee abele kpokploku ni ashĩ mamu.

3 Mose 2:15

Akɛ mu ashwie nɔ, ni akɛ tsofakɛŋma afɔ̃ nɔ. Niyenii afɔle ni.

3 Mose 2:9

Osɔfo lɛ ajie niyenii afɔle lɛ mli eko, ni eshã yɛ afɔleshãa latɛ lɛ nɔ akɛ shãa afɔle muu lɛ ni akɛbahã Yehowa he odaseyeli nɔ.

Hebribii 5:7

Kristo lɛ, be ni eyɔɔ shikpɔŋ nɛɛ nɔ lɛ ekɛ blɔmɔ ni naa wa kɛ yaafonui ŋɔ sɔlemɔi kɛ faikpamɔi ehã mɔ ni baanyɛ eyiwala ahere kɛjɛ gbele mli lɛ, tamɔ afɔle, ni eNyɔŋmɔ gbeyeishemɔ hewɔ lɛ abo lɛ toi.