3 Mose 2:13 - ŊMALƐ KRƆŊKRƆŊ LƐ

¹³ Nyɛwoa nyɛniyenii afɔlei lɛ fɛɛ amli ŋoo. Ŋoo ji nii ni yeɔ kpãŋmɔ ni nyɛNyɔŋmɔ lɛ kɛ nyɛ ekpãŋ lɛ he odase lɛ. No hewɔ lɛ, akashi ŋoo sɛɛ yɛ nyɛniyenii afɔle fɛɛ mli. Nyɛkɛ ŋoo afataa nyɛfɔlei fɛɛ ni nyɛkɛbaa he.

Ṅmãle̱ Kroṅkroṅ Le̱

¹³ Ni *oniyenii-afo̱lei fẽ ní oke̱-bake le̱, wo mli ṅō, ni o-Nyoṅmo̱ le̱ kpãṅmo̱ ṅõ le̱ akakpa ye̱ oniyenii-afo̱le le̱ mli; ofo̱lei fẽ ni oke̱-bake le̱ ṅō afata he. *Mar. 9,49.

3 Mose 2:13 ပူးပေါင်းရင်းမြစ်များ

2 Kronika 13:5

Nyɛleee kwraa akɛ yɛ Kpãŋmɔ ni emli ehiii kuu ni Yehowa, Israel Nyɔŋmɔ lɛ, kɛ David kpãŋ naa lɛ Yehowa jɔɔ Israel maŋtsɛyeli nɔ ehã David kɛ eshwiei kɛmiiya naanɔ lo?

Ezra 7:22

kɛyashi jwiɛtɛi ni tsiimɔ ji talentai oha, kɛ ŋmaa nsɛnitɛ wulu akpei nyɔŋma, kɛ wain litai akpei enyɔ kɛ mu litai akpei enyɔ, kɛ ŋoo tsiimɔ bɔ ni he ehia.

2 Mose 30:35

ni okɛfee tsofakɛŋma ni ashãa. Awo mli ŋoo koni ekafite, ni afutu lɛ tamɔ bɔ ni ojeŋmafeelɔ futuɔ ojeŋma ehãa. Emli atse, ni efee krɔŋkrɔŋ.

Ezekiel 43:24

Okɛ amɛ aba mi, Yehowa mihiɛ. Osɔfoi lɛ kɛ ŋoo ashwã amɛnɔ koni ashã akɛ shãa afɔle ahã mi, Yehowa.

4 Mose 18:19

“Nibii fɛɛ ni Israelbii lɛ kɛbahãa mi akɛ afɔle krɛdɛɛ lɛ miijɔɔ fɛɛ nɔ miihã bo kɛ oshwiei hii kɛ yei fɛɛ akɛ amɛgbɛnaanii ni kã shi daa. Kpãŋmɔ ni mi kɛ bo kɛ oshwiei ekpãŋ nɛɛ akuŋ mli kɛmiiya naanɔ.”

Mateo 5:13

“Shikpɔŋ lɛ nɔ ŋoo ji nyɛ. Shi kɛji ŋoo naanu gbo lɛ, mɛni akɛaawo lɛ ŋoo dɔŋŋ? Ehiii hãaa nɔ ko dɔŋŋ, akɛ ja atsi ashwie, ni gbɔmɛi naanaa nɔ.

Kolosebii 4:6

Nyɛhãa nyɛwiemɔ he abaa nyam daa ni ŋoo ahi mli, ni nyɛle bɔ ni sa akɛ nyɛhãa mɔ fɛɛ mɔ hetoo.