3 Mose 2:10 - ŊMALƐ KRƆŊKRƆŊ LƐ

¹⁰ Niyenii afɔle lɛ mli nɔ ni shwɛɔ yɛ nɔ ni ashã lɛ sɛɛ lɛ Aaron kɛ ebihii lɛ anɔ ni. Eji nɔ ni yɔɔ krɔŋkrɔŋ jogbaŋŋ diɛŋtsɛ, ejaakɛ afɔlei ni ashãa ahãa Yehowa mli eko ni.

Ṅmãle̱ Kroṅkroṅ Le̱

¹⁰ Ši noni aaſe̱ ye̱ niyenii-afo̱le le̱ se̱ le̱, Aaron ke̱ ebihĩĩ le̱ anõ ni; Iehowa afo̱lei ní ake̱ la šãa le̱ amli noni yo̱ kroṅkroṅ fè fẽ dši no.

3 Mose 2:10 ပူးပေါင်းရင်းမြစ်များ

2 Kronika 31:14

Kore ni ji Imna, Levinyo onukpa ni kwɛɔ Bokãgbɛ Agbo lɛ nɔ lɛ, bi lɛ ji mɔ ni ato akɛ ehe nibii ni abakeɔ Nyɔŋmɔ yɛ tsuijurɔ naa lɛ; asaŋ ejie nikee nɛɛ mli nii ni ji krɔŋkrɔŋ fe fɛɛ ni ji tuuŋtu gbɛfaŋ nii lɛ yɛ afɔlei lɛ amli eto afã.

Ezra 2:63

Amralo lɛ kɛɛ amɛ akɛ amɛkaye niyenii krɔŋkrɔŋ fe fɛɛ lɛ eko kɛyashi beyinɔ ni osɔfo ko aaate shi ni ekɛ Urim kɛ Tumim aaatao nɔ ni Nyɔŋmɔ sumɔɔ akɛ afee.

Ezekiel 44:29

Nii ni amɛye ji niyenii afɔle lɛ kɛ esha he afɔle lɛ kɛ sɔ̃ afɔle lɛ. Asaŋ nɔ fɛɛ nɔ ni ajɔɔ nɔ yɛ Israel atsɔ̃ amɛnɔ.

Ezekiel 46:20

Kɛkɛ ni ekɛɛ mi akɛ, “Biɛ nɛɛ ji he ni osɔfoi lɛ baahoo sɔ̃ afɔlei kɛ esha afɔlei lɛ yɛ; ni biɛ amɛaashã niyenii afɔlei lɛ yɛ; bɔ ni afee ni amɛkɛkaje kpo kɛmiiya agbonaagbɛ kpo lɛ nɔ, ni nyɛhe krɔŋkrɔŋ lɛ akatsɛŋe maŋbii lɛ.”

3 Mose 10:12

Mose kɛɛ Aaron kɛ ebihii ni eshwɛ ni ji Eleazar kɛ Itamar lɛ akɛ, “Niyenii afɔlei ni shwɛɔ yɛ afɔlei ni ashã ahã Yehowa lɛ sɛɛ lɛ, nyɛkɛshãa mã akpiti aboloo ni nyɛyea yɛ afɔleshãa latɛ lɛ he ejaakɛ afɔle nɛɛ nɔ krɔŋkrɔŋ ni fe fɛɛ ni.

3 Mose 14:13

Egbe gwantɛŋbi lɛ yɛ he ni agbeɔ esha afɔle kɛ shãa afɔle lɛ yɛ lɛ, yɛ He Krɔŋkrɔŋ lɛ, ejaakɛ sɔ̃ afɔle lɛ jio, esha afɔle lɛ jio, fɛɛ lɛ osɔfo lɛ nɔ ni; eji nɔ ko krɔŋkrɔŋ naakpa.

3 Mose 2:3

Niyenii afɔle lɛ mli nɔ ni shwɛɔ yɛ nɔ ni ashãa lɛ sɛɛ lɛ Aaron kɛ ebihii lɛ anɔ ni; eji nɔ ni yɔɔ krɔŋkrɔŋ jogbaŋŋ diɛŋtsɛ, ejaakɛ afɔle ni ashãa ahãa Yehowa lɛ eko ni.

3 Mose 21:22

Gbɔmɔ ni tamɔ nakai lɛ eeenyɛ eye aboloo ni ji nii ni yɔɔ krɔŋkrɔŋ kɛ nii ni yɔɔ krɔŋkrɔŋ fe fɛɛ lɛ amli lɛ eko moŋ,

3 Mose 5:13

Osɔfo lɛ afee nɛkɛ koni ekɛkpãtã ehã mɔ ni efee esha lɛ, ni akɛ esha ni efee yɛ enɛɛmɛi eko gbɛfaŋ lɛ aaafa lɛ. Afɔle lɛ nɔ ni eshwɛ lɛ, osɔfo lɛ nɔ ni, tamɔ bɔ ni eyɔɔ yɛ ŋmãa afɔle gbɛfaŋ lɛ.

3 Mose 6:16

Afɔle lɛ nɔ ni shwɛɔ lɛ Aaron kɛ ebihii lɛ aye. Afee lɛ mã akpiti keeki, ni aye yɛ he ni tse krɔŋkrɔŋ, no ji yɛ Yehowa Kpee Buu lɛ kpo lɛ nɔ.

3 Mose 6:23

Ŋmãa afɔle ni osɔfo lɛ shãa lɛ akaye eko; ashã emuu lɛ fɛɛ.”

3 Mose 6:9

“Fã Aaron kɛ ebii lɛ akɛ shãa afɔle he mla nɛ. Shãa afɔle lɛ ahi afɔleshãa latɛ lɛ nɔ nyɔɔŋnyɔɔŋ fɛɛ, ni la ahi shishi kɛyashi leebi.

3 Mose 7:7

Esha afɔle lɛ etamɔ sɔ̃ afɔle lɛ; mla kome nɔŋŋ kã shi hã enyɔ lɛ fɛɛ: osɔfo ni shãa afɔle lɛ kɛkpãtãa lɛ, enɔ ji loo lɛ.

4 Mose 18:9

Afɔlei krɔŋkrɔŋi ni fe fɛɛ lɛ amli nibii fɛɛ ni shwɛɔ yɛ afɔleshãa lɛ sɛɛ lɛ nyɛnɔ ni. Nibii fɛɛ ni akɛbakeɔ mi akɛ afɔle krɔŋkrɔŋ lɛ, niyenii afɔle ni jio, esha he afɔle ni jio, sɔ̃yeli he afɔle ni jio, mijɔɔ nɔ tswaa mikɛke bo kɛ oshwiei.

1 Samuel 2:28

Ni miŋɔ otsɛ we lɛ yɛ Israel akutsei lɛ fɛɛ ateŋ koni eye osɔfo ehã mi, ni esɔmɔ mi yɛ afɔleshãa latɛ lɛ naa, ni eshã tsofakɛŋma ehã mi, ni ewo efod lɛ kɛsɔmɔ mi. Ni no hewɔ lɛ, miŋɔ afɔlei fɛɛ ni akɛ la shãa mihã lɛ.