3 Mose 2:1 - ŊMALƐ KRƆŊKRƆŊ LƐ

¹ “Kɛji mɔ ko kɛ ŋmãa miiba abashã afɔle ahã Yehowa lɛ, egbɛlɛ ŋmãa lɛ mã. Ekɛ mu ashwie mamu lɛ nɔ, ni ekɛ tsofakɛŋma hu afata he;

Ṅmãle̱ Kroṅkroṅ Le̱

¹ Ni kē̱ moko ke̱ niyenii-afo̱le miba abake Iehowa le̱, eke̱ ṅmā̃ mãmu aba, ni eke̱ mũ aſie no̱, ni eke̱ kro̱bo̱o afata he,

3 Mose 2:1 ပူးပေါင်းရင်းမြစ်များ

2 Mose 29:2

Ŋɔɔ aboloo ni akɛ mã akpiti shã kɛ mã akpiti keeki ni awo mli fɔ, kɛ mã akpiti akpãanɔɔ ni akpa hiɛ fɔ. Akɛ ŋmaa ma afee fɛɛ.

Yesaia 43:23

Okɛ otoo lɛ ebahãaa mi koni akɛshã shãaafɔle; ni okɛ oshãa afɔlei lɛ wooo mihiɛ nyam. Mikɛ niyenii afɔle gbako onaa, ni mihãaa etɔ bo kɛ krɔbɔohamɔ.

Yesaia 66:20

Ni amɛ kɛ nyɛnyɛmimɛi lɛ fɛɛ ni jɛ jeŋmaji lɛ amli lɛ aaaba akɛ nikee abahã Yehowa. Amɛaatara okpɔŋɔi anɔ kɛ shwiilii kɛ akpakãii amli kɛ teji kɛ yoomai anɔ kɛba Yerusalɛm, migɔŋ krɔŋkrɔŋ lɛ nɔ, taakɛ bɔ ni Israelbii hiɛɔ amɛnikeenii yɛ nibii ni mli tse amli kɛbaa Yehowa we lɛ,” Yehowa kɛɛ.

Ezekiel 46:20

Kɛkɛ ni ekɛɛ mi akɛ, “Biɛ nɛɛ ji he ni osɔfoi lɛ baahoo sɔ̃ afɔlei kɛ esha afɔlei lɛ yɛ; ni biɛ amɛaashã niyenii afɔlei lɛ yɛ; bɔ ni afee ni amɛkɛkaje kpo kɛmiiya agbonaagbɛ kpo lɛ nɔ, ni nyɛhe krɔŋkrɔŋ lɛ akatsɛŋe maŋbii lɛ.”

Yoel 1:9

Niyenii afɔle kɛ dãa sɛɛ efo yɛ Yehowa we lɛ. Osɔfoi ni ji Yehowa sɔ̃ɔlɔi lɛ miiye ŋkɔmɔ, ejaakɛ afɔlei bɛ hã Yehowa.

Yoel 2:14

Ekolɛ Yehowa, nyɛNyɔŋmɔ lɛ, aaatsake ejwɛŋmɔ, ni eeejɔɔ nyɛŋmɔshinii, ni nyɛkɛ niyenii afɔle kɛ dãa afɔle aaabahã Yehowa, nyɛNyɔŋmɔ lɛ.

3 Mose 14:10

Gbi ni ji kpaanyɔ lɛ nɔ lɛ mɔ ni atsuɔ ehe lɛ kɛ gwantɛŋbii enyɔ ni kpa ko bɛ amɛhe kɛ gwantɛŋ yoo kome ni eye afi ni kpa ko bɛ ehe kɛ ŋmãa mamu kiloi etɛ̃ ni akɛ mu ewo mli kɛ mu lita mlijai etɛ̃ mli ekome aba.

3 Mose 24:7

Okɛ krɔbɔo krɔŋŋ afata aboloo ku kome fɛɛ ku kome he, koni no afee kaimɔ nɔ ni akɛbahã akɛ afɔle ni ashã ahã Yehowa.

3 Mose 5:11

Shi kɛji enyɛɛɛ kosɛɛ okpoi enyɔ loo okpobii enyɔ ehã lɛ, no lɛ ekɛ mã kilo kome aba akɛ esha afɔle yɛ esha ni efee lɛ hewɔ. Ekɛ mu akawo mli, ni ekɛ ohɛ hu akafɔ̃ nɔ, ejaakɛ esha afɔle ni.

3 Mose 6:7

Osɔfo lɛ akpãtã ahã lɛ yɛ Yehowa hiɛ, ni akɛ nɔ fɛɛ nɔ ni efee lɛ aaafa lɛ.”

3 Mose 9:17

Ekɛ niyenii afɔle lɛ ba; ni ekpiti emli eko ekɔkɔ obɔ̃ ni ekɛfata shãa afɔle ni ashãa daa leebi lɛ he, ni eshã yɛ afɔleshãa latɛ lɛ nɔ.

3 Mose 9:4

ni amɛkɛ tsinanuu kɛ too ojwɛni kɛ ŋmãa afɔle ni awo mli mu ashã naanyobɔɔ afɔle. Amɛshã afɔle amɛhã Yehowa, ejaakɛ ŋmɛnɛ gbi nɛɛ nɔ Yehowa baajie ehe kpo etsɔ̃ɔ nyɛ.”

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

4 Mose 18:9

Afɔlei krɔŋkrɔŋi ni fe fɛɛ lɛ amli nibii fɛɛ ni shwɛɔ yɛ afɔleshãa lɛ sɛɛ lɛ nyɛnɔ ni. Nibii fɛɛ ni akɛbakeɔ mi akɛ afɔle krɔŋkrɔŋ lɛ, niyenii afɔle ni jio, esha he afɔle ni jio, sɔ̃yeli he afɔle ni jio, mijɔɔ nɔ tswaa mikɛke bo kɛ oshwiei.

4 Mose 28:5

Akɛ ŋmãa kilo kome ni akɛ fɔ kpakpa ni ashi mli lita kome ekpɔtɔ afata he.

4 Mose 29:18

Niyenii afɔlei kɛ dãa afɔlei ni akɛfata kooloi lɛ ateŋ eko fɛɛ eko he afee bɔ ni afo afɔ̃ shi lɛ pɛpɛɛpɛ.

4 Mose 7:13

Enikeenii lɛ fee jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃, kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ koni akɛshã niyenii afɔle.

4 Mose 7:19

Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle.

4 Mose 8:8

Enɛ sɛɛ lɛ ohã amɛŋɔ tsina oblanyo, ni akɛ niyenii afɔle ni ji ŋmãa mamu ni awo mli mu afata he; ni bo diɛŋtsɛ hu oŋɔ̃ tsina oblanyo kroko ni okɛshã esha he afɔle.

Yohane 6:35

Ni Yesu kɛɛ amɛ akɛ, “Mi ji wala aboloo lɛ; mɔ ni baa miŋɔɔ lɛ, hɔmɔ yeŋ lɛ gbi ko gbi ko, ni mɔ ni heɔ minɔ yeɔ lɛ, kumai hu yeŋ lɛ gbi ko gbi ko.

1 Yohane 2:20

Ni nyɛ lɛ, nyɛna mufɔɔ kɛjɛ Mɔ Krɔŋkrɔŋ lɛ dɛŋ, ni nyɛle nii fɛɛ.

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.

Yuda 1:20

Shi suɔmɔmɛi, nyɛ lɛ nyɛtswaa nyɛhe nyɛmaa nyɛhemɔkɛyeli ni he tse jogbaŋŋ lɛ nɔ, ni nyɛsɔlea yɛ Mumɔ Krɔŋkrɔŋ lɛ mli,

Kpojiemɔ 8:3

Ni bɔfo kroko ba ni ebadamɔ afɔleshãa latɛ lɛ he, ni ehiɛ shika tsofakɛŋma shãanɔ, ni akɛ tsofakɛŋma babaoo hã lɛ, koni ekɛfata krɔŋkrɔŋbii lɛ fɛɛ asɔlemɔi lɛ ahe yɛ shika afɔleshãa latɛ lɛ ni ma maŋtsɛ sɛ̃i lɛ hiɛ lɛ nɔ.