3 Mose 19:18 - ŊMALƐ KRƆŊKRƆŊ LƐ

¹⁸ Kaatɔ ohe owele, ni kaabɛ omaŋbii lɛ eko owo omli, shi suɔmɔ onaanyo gbɔmɔ tamɔ bɔ ni osumɔɔ bo diɛŋtsɛ ohe lɛ. Mi ji Yehowa.

Ṅmãle̱ Kroṅkroṅ Le̱

¹⁸ Kāto̱ owele ni okabe̱ omaṅbii le̱ eko owo omli; ši suomo̱ onanyo, take̱ bo̱ni osumoo̱ bodientše̱ ohe le̱; midši Iehowa. Mat. 22,39; 5,43-48. Luk. 10,25-37. Rom. 13,3. Gal. 5,14. Iak. 2,8. Ioh. 13,34.

3 Mose 19:18 ပူးပေါင်းရင်းမြစ်များ

1 Mose 4:23

Lamek kɛɛ eŋãmɛi lɛ akɛ, “Ada kɛ Zila, nyɛboa migbee toi, Migbe oblanyo ko: ejaakɛ epila mi.

2 Samuel 13:22

Absalom nyɛ Amnon waa diɛŋtsɛ yɛ enyɛbiyoo Tamar ni Amnon mɔ lɛ lɛ hewɔ; shi moŋ ejieee dɔlɛ lɛ kpo etsɔ̃ɔɔ Amnon.

2 Samuel 13:28

Absalom kɛɛ etsuji lɛ akɛ, “Kɛfee lɛ nyɛkwɛa Amnon, kɛji nyɛna akɛ wain lɛ ehã emli efili lɛ, ni mifã akɛ atswa lɛ nɔ lɛ, nyɛgbea lɛ. Nyɛkashea gbeyei ejaakɛ mi mifã nyɛ. Nyɛfea ekãa; nyɛfea hii!”

Lalai 103:9

Jeee be fɛɛ be ekãa mɔ, ni ebɛɛɛ mɔ ewooo emli.

2 Mose 20:16

“Kaaye amale odase yɛ onaanyo he.

Abe̱i 20:22

Kaakɛɛ akɛ, “Matɔ efɔŋ he owele.” Mɛɛ Yehowa, ni eeeye ebua bo.

3 Mose 19:34

Nyɛhiɛa lɛ tamɔ bɔ ni nyɛbaahiɛ nyɛnyɛmi Israelnyo nɔŋŋ, ni nyɛsumɔa lɛ tamɔ bɔ ni nyɛsumɔɔ nyɛ diɛŋtsɛ nyɛhe lɛ; ejaakɛ nyɛ hu nyɛyato gbɔ pɛŋ yɛ Ijipt shikpɔŋ lɛ nɔ. Mi ji Yehowa, nyɛNyɔŋmɔ lɛ.

Mateo 19:16

Ni mɔ ko ba eŋɔɔ ni ebabi lɛ akɛ, “Tsɔɔlɔ, mɛɛ nɔ kpakpa po mafee ni mana naanɔ wala?”

Mateo 19:19

wo otsɛ kɛ onyɛ; kɛ suɔmɔ onaanyo gbɔmɔ tamɔ bɔ ni osumɔɔ bo diɛŋtsɛ ohe lɛ.”

Yohane 13:34

Kitã hee mikɛhãa nyɛ akɛ, Nyɛsumɔsumɔa nyɛhe.

Bɔfoi 16:28

Shi Paulo bo kɛ gbee ni wa ekɛɛ akɛ, “Kaafee ohe efɔŋ ko, shi wɔ fɛɛ wɔyɛ biɛ.”

Romabii 12:17

Nyɛkɛ efɔŋ akatoa mɔ ko mɔ ko efɔŋ najiaŋ; nyɛjwɛŋa nɔ ni yɔɔ fɛo yɛ gbɔmɛi fɛɛ ahiɛ nyɛtoa.

Romabii 12:19

Suɔlɔi, nyɛkatɔa nyɛ diɛŋtsɛ nyɛhe owele, shi moŋ nyɛŋmɛa Nyɔŋmɔ mlifu lɛ gbɛ; ejaakɛ aŋma akɛ, “Minɔ ji oweletɔɔ, mi mato najiaŋ, Nuŋtsɔ lɛ kɛɛ.”

Romabii 13:4

ejaakɛ Nyɔŋmɔ sɔ̃ɔlɔ ji lɛ yɛ ohewɔ, koni ahi ahã bo. Shi kɛji ofee efɔŋ lɛ, she gbeyei; ejaakɛ jeee yaka ehiɛ tsi lɛ; shi eji Nyɔŋmɔ sɔ̃ɔlɔ kɛ oweletɔlɔ ni hãa Nyɔŋmɔ mlifu baa mɔ ni tsuɔ nifɔɔjianii lɛ nɔ.

Romabii 13:9

Ejaakɛ kɛji akɛɛ akɛ, “Kaafite gbãlã! Kaaju! Ohiɛ akakɔ̃ nɔ ko nɔ!” Ni kɛ kitã kroko hu yɛ lɛ, fɛɛ hɔ nɛkɛ wiemɔ nɛɛ ni ji “Suɔmɔ onaanyo tamɔ bɔ ni osumɔɔ bo diɛŋtsɛ ohe” lɛ mli.

Galatabii 5:14

Ejaakɛ Mla muu lɛ fɛɛ nɔyeli yɛ wiemɔ kome nɛɛ mli akɛ, “Suɔmɔ onaanyo tamɔ bɔ ni osumɔɔ bo diɛŋtsɛ ohe lɛ.”

Galatabii 5:20

wɔŋjamɔ, suu, nyɛɛ, bei, awuŋayeli, mlilawoo, bei mumɔ, atuatsemɔ, mligbalamɔ,

Efesobii 4:31

Nyɛhãa mlijoomɔ kɛ mlila kɛ mlifu kɛ blɔmɔ kɛ oshekuyeli kɛ efɔŋ fɛɛ sɛɛ afoa yɛ nyɛteŋ.

5 Mose 32:25

Klante aaanu lá yɛ blohui amli, ni piai amli baafee gbeyei. Ebaakpãtã oblanyo kɛ oblayoo kɛ bi fufɔoo kɛ wajiatsɛ fɛɛ hiɛ.

5 Mose 32:35

Oweletɔɔ kɛ toigbalamɔ lɛ, mi minɔ ni; amɛhiɛkpãtãmɔ be lɛ ebɛŋkɛ, nɔ ni baaba amɛnɔ lɛ miiba shwiaa.

Kolosebii 3:8

Shi agbɛnɛ lɛ nyɛ hu nyɛshɛrɛa nibii nɛɛ fɛɛ nyɛshwiea: mlifu, mlila kɛ shwee ni ashweɔ mɔ efɔŋ, kɛ oshekuyeli kɛ hiɛgbejiawiemɔ ni jɛɔ nyɛdaaŋ.

Hebribii 10:30

Ejaakɛ wɔle mɔ ni kɛɛ akɛ, “Minɔ ji oweletɔɔ, ni mawo he nyɔmɔ” lɛ; ni asaŋ, “Nuŋtsɔ lɛ aaakojo lɛ diɛŋtsɛ emaŋ lɛ.”

Yakobo 2:8

No hewɔ lɛ, kɛji nyɛye kitã ni ji Mla lɛ mli oti ni kɛɔ akɛ, “Suɔmɔ onaanyo tamɔ bɔ ni osumɔɔ bo diɛŋtsɛ ohe lɛ” nɔ yɛ ŋmalɛ lɛ naa lɛ, no lɛ nyɛmiifee jogbaŋŋ.

1 Petro 2:1

No hewɔ lɛ, nyɛshɛrɛa efɔŋ fɛɛ kɛ kutumpɔo fɛɛ kɛ shishiumɔ kɛ osato kɛ hetsɛ̃ kɛ mɔhewiemɔ fɛɛ nyɛshwiea.

1 Yohane 4:21

Ni nɛkɛ kitã nɛɛ wɔna kɛjɛ eŋɔɔ, koni mɔ ni sumɔɔ Nyɔŋmɔ lɛ asumɔ enyɛmi hu.