3 Mose 19:16 - ŊMALƐ KRƆŊKRƆŊ LƐ

¹⁶ Kaanyiɛ kɛmiiya kɛmiiba ni ooye osheku yɛ omaŋ lɛ mli; ni kaate shi oshi onaanyo gbɔmɔ ni okɛ gbɔmɔgbee sane fɔ̃ enɔ; mi ji Yehowa.

Ṅmãle̱ Kroṅkroṅ Le̱

¹⁶ Kānyie ake̱ ošekuyelo̱ ye̱ omã le̱ mli; kāte ši odamo̱ ši owo onanyo lá le̱; midši Iehowa.

3 Mose 19:16 ပူးပေါင်းရင်းမြစ်များ

Hiob 17:5

Mɔ ni tsɔ̃ɔ enanemɛi asɛɛgbɛ, bɔ ni afee ni kɛji aja amɛnii lɛ, ena eko lɛ, ebii ahiŋmɛii tete aaafite.

Lalai 101:5

Mɔ ni yeɔ enaanyo he osheku yɛ teemɔ mli lɛ, makpãtã ehiɛ. Mɔ ni yɔɔ gegeege kɛ henɔwomɔ tsui lɛ mikɛ lɛ yeŋ.

Lalai 15:3

mɔ ni kɛ elilɛi yeee mɔ he osheku ni efeee enaanyo efɔŋ ko; ni ebɔɔɔ enaanyo gbɔmɔ ahora.

Lalai 50:20

Otaa shi oyeɔ onyɛmi he osheku; onyɛ musuŋbi tete po, ofiteɔ egbɛi.

2 Mose 20:16

“Kaaye amale odase yɛ onaanyo he.

2 Mose 23:1

“Kaawie nɔ ni bɛ mli. Kaafi gbɔmɔ fɔŋ sɛɛ kɛmiiye kutumpɔo odase.

2 Mose 23:7

Kaafo sane ofɔ̃ mɔ nɔ, ni kaagbe jalɔ kɛ mɔ ni he bɛ sane ko mli ejaakɛ mihaŋ efɔŋfeelɔ aye ehe kɔkɔɔkɔ.

Abe̱i 10:18

Mɔ ni kɛ nyɛɛ teɔ lɛ, amalelɔ ni; mɔ ni yeɔ mɔ he osheku lɛ, kwashia ji lɛ.

Abe̱i 11:13

Mɔ ni tãa sane kɛfoɔ shi lɛ, ejieɔ teemɔŋ saji akpo; shi mɔ ni yɔɔ anɔkwale mumɔ lɛ etsimɔɔ sane nɔ.

Abe̱i 20:19

Sanetãlɔ lɛ, ejieɔ teemɔŋ saji akpo; no hewɔ lɛ, okɛ naa blɛblɛtsɛ akabɔ.

Yeremia 6:28

Kaniŋkajelɔi kpanakui sɔŋŋ ji amɛ, ni amɛtsui wa tamɔ akɔɔble loo dade. Amɛ fɛɛ lɛ mɔfitelɔi ji amɛ, amɛyeɔ mɛi ahe osheku kɛfoɔ shi.

Yeremia 9:4

Mɔ fɛɛ mɔ akwɛ ehe ni ahi yɛ enaanyo hewɔ; mɔ ko kɛ ehe akafɔ̃ enyɛmi nɔ, ejaakɛ mɔ fɛɛ mɔ etsɔ̃ ehe shishiulɔ, ni naanyo fɛɛ naanyo etsɔ̃ mɔ he oshekuyelɔ.

Ezekiel 22:9

Mɛi yɛ nyɛteŋ ni yeɔ osheku, bɔ ni afee ni ashwie mɛi alá shi; mɛi komɛi yɛ nyɛteŋ ni amɛyeɔ afɔlei ni ashã ahã amãgãi lɛ, ni mɛi komɛi hu yɛ nyɛteŋ ni bɔɔ nyɛnyɛŋtswi.

Mateo 27:4

ni ekɛɛ, “Mifee esha akɛ mitsɔ̃ɔ lá ni efɔŋ ko bɛ ehe lɛ sɛɛgbɛ.” Shi amɛ lɛ amɛkɛɛ, “No jeee wɔhe sane ko; bo diɛŋtsɛ kwɛmɔ nɔ!”

5 Mose 27:25

“‘Alomɔ mɔ ni heɔ nyɔɔŋnii koni eyagbe mɔ ko ni efeko nɔ ko lɛ.’ Ni maŋ muu lɛ fɛɛ ahere nɔ akɛ, ‘Amen!’

1 Timoteo 3:11

Yei lɛ hu nakai nɔŋŋ; amɛfee mɛi ni hiɛ tsii, jeee oshekuyelɔi shi mɛi ni hiɛ kã shi, ni amɛyeɔ anɔkwa yɛ nii fɛɛ mli.

2 Timoteo 3:3

mɛi ni edɔɔɔ mɔ he, kpãŋmɔmlikulɔi, oshekuyelɔi, mɛi ni nyɛɛɛ amɛkɔnɔ nɔ amɛye, mɛi ni hiɛ yɔɔ la, mɛi ni sumɔɔɔ ekpakpa,

Tito 2:3

Yeimeji hu nakai nɔŋŋ, amɛba amɛjeŋ bɔ ni sa mɛi krɔŋkrɔŋi lɛ. Amɛkafee amɛhe oshekuyelɔi, amɛkafee amɛhe mɛi ni dãa eŋɔ amɛ nom, amɛfee mɛi ni tsɔ̃ɔ nii kpakpai.

1 Petro 2:1

No hewɔ lɛ, nyɛshɛrɛa efɔŋ fɛɛ kɛ kutumpɔo fɛɛ kɛ shishiumɔ kɛ osato kɛ hetsɛ̃ kɛ mɔhewiemɔ fɛɛ nyɛshwiea.

1 Samuel 24:10

Bɛ ŋmɛnɛ lɛ ona kɛ ohiŋmɛi tsei enyɔ bɔ ni Yehowa jie bo wo midɛŋ ŋmɛnɛ gbi nɛɛ yɛ tɛkplo lɛ mli? Mɛi kɛɛ mi akɛ migbe bo; shi mikɛ ohe ke bo. Nɔ moŋ ni mikɛɛ ji akɛ, ‘Mikɛ minine esaŋ minuŋtsɔ he ejaakɛ gbɔmɔ ni Yehowa efɔ lɛ mu ni.’