3 Mose 19:12 - ŊMALƐ KRƆŊKRƆŊ LƐ

¹² Kaakã kitã yɛ migbɛi mli ni okɛshishiu mɔ ko ni okɛwo oNyɔŋmɔ lɛ gbɛi he muji. Mi ji Yehowa, oNyɔŋmɔ lɛ.

Ṅmãle̱ Kroṅkroṅ Le̱

¹² Ni nyeke̱ migbei le̱ akakãa amale kitã, ní oṅõ-bule o-Nyoṅmo̱ le̱ gbe̱i le̱; midši Iehowa. 2 Mose 20,7. Mat. 5,33.

3 Mose 19:12 ပူးပေါင်းရင်းမြစ်များ

Lalai 15:4

Mɔ ni nyɛɔ mɛi fɛɛ ni Nyɔŋmɔ ekwa amɛ, shi moŋ ewoɔ mɛi ni sheɔ Yehowa gbeyei lɛ ahiɛ nyam; mɔ ni kɛ ekã kitã ni eeena amane yɛ he po lɛ, etsakeee.

2 Mose 20:7

“Kaahiɛ Yehowa, oNyɔŋmɔ lɛ, gbɛi mli yakayaka, ejaakɛ Yehowa ebuŋ mɔ ni tsɛɔ egbɛi yakayaka lɛ bem.

Yesaia 48:1

Nyɛ Israelbii, nyɛ mɛi ni akɛ Israel gbɛi ewo nyɛ, ni nyɛjɛ Yuda mli, nyɛboa enɛ toi! Nyɛkɛ Yehowa gbɛi lɛ kãa kitã, ni nyɛkɛɔ akɛ Israel Nyɔŋmɔ lɛ, lɛ ji Nyɔŋmɔ, shi anɔkwale kome nɛkɛ bɛ mli.

Yeremia 34:16

Shi nyɛku nyɛsɛɛ nyɛtsake nyɛjwɛŋmɔ, ni nyɛwo migbɛi lɛ he muji. Ejaakɛ nyɛyaŋɔ nyɛwehii kɛ nyɛweyei ni nyɛhã amɛye amɛhe yɛ amɛsuɔmɔ naa lɛ kɛba ekoŋŋ ni nyɛbaye amɛ nyɔŋ ekoŋŋ.

Yeremia 4:2

ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

Yeremia 5:2

Tsɛbelɛ amɛkɛɔ akɛ, “Wɔna Yehowa” shi amale kitã amɛkãa lɛ.

Yeremia 7:9

Aso nyɛaaju, ni nyɛaagbe gbɔmɔ, ni nyɛaafite gbãlã, ni nyɛaakãmɔ amale kitãi, ni nyɛaashã tsofakɛŋma nyɛkɛhã Baal, ni nyɛaayaja nyɔŋmɔi krokomɛi ni nyɛleee,

3 Mose 18:21

Kaaŋmɛɛ obii lɛ ateŋ mɔ ko he ohã ni akɛ lɛ ja Molek ni akɛ no wo oNyɔŋmɔ lɛ gbɛi he muji. Mi ji Yehowa.

3 Mose 20:3

Kɛji mɔ ko kɛ ebii ateŋ mɔ ko hã Molek, ni ekɛwo He Krɔŋkrɔŋ ni ajaa mi yɛŋ lɛ he muji, ni eshwie migbɛi krɔŋkrɔŋ lɛ hiɛ shi lɛ, mi lɛ majie mihiɛ maka lɛ, ni mibuŋ lɛ mishiŋ miwebii lɛ anɔ.

3 Mose 24:11

Israelyoo nɛɛ gbɛi ji Shelomit, ni etsɛ ji Dibri ni jɛ Dan akutso lɛ mli lɛ. Bei lɛ mli lɛ oblanyo lɛ bɔ musu elomɔ Nyɔŋmɔ. No hewɔ lɛ, amɔ lɛ kɛbahã Mose.

3 Mose 6:3

aloo ena nɔ ko ni elaaje ni ekã amale kitã akɛ enako lɛ, mɔ fɛɛ mɔ ni aaafee nibii nɛɛ ateŋ eko ni gbɔmɛi fɔɔ feemɔ lɛ, efee esha.

Zakaria 5:3

Kɛkɛ ni ekɛɛ mi akɛ, “Enɛ ji loomɔ ni gbɛɔ eshwãa shikpɔŋ muu lɛ fɛɛ nɔ lɛ. No ji akɛ mɔ fɛɛ mɔ ni juɔ lɛ aaakpãtã ehiɛ yɛ shikpɔŋ lɛ nɔ; ni mɔ fɛɛ mɔ ni aaakã kitã ni eyeŋ nɔ lɛ aaana nakai toigbalamɔ lɛ nɔŋŋ.”

Zakaria 5:4

Yehowa Taiatsɛ lɛ kɛɛ akɛ, “Miihã loomɔ nɛɛ asa julɔ fɛɛ julɔ we he, kɛ mɔ fɛɛ mɔ ni tsɛɔ migbɛi ekɛkãa kitã ni eyeee nɔ lɛ hu we he. Loomɔ nɛɛ aaahi mɔ lɛ we lɛ nɔ kɛyaashi eeekpatã shĩa lɛ kɛ emli tsei kɛ tɛi fɛɛ ahiɛ.”

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

5 Mose 5:11

“Kaahiɛ Yehowa, oNyɔŋmɔ lɛ gbɛi mli yakayaka; ejaakɛ Yehowa ebuŋ mɔ ni hiɛɔ egbɛi mli yakayaka lɛ bem.

Yakobo 5:12

Shi titri lɛ, minyɛmimɛi, nyɛkakãa kitã, nyɛkakɛa akɛ “mina ŋwɛi”, aloo “mina shikpɔŋ”, aloo nyɛkã kitã kroko; shi nyɛ—“hɛɛ” lɛ afee “hɛɛ”, ni “dabi” lɛ afee “dabi”, koni nyɛkagbee kojomɔ mli.