3 Mose 17:5 - ŊMALƐ KRƆŊKRƆŊ LƐ

⁵ Mla nɛɛ oti ji akɛ kooloi ni Israelbii lɛ gbeɔ yɛ ŋa lɛ nɔ lɛ, agbɛnɛ amɛkɛba ni amɛkɛbahã osɔfo lɛ yɛ Yehowa Kpee Buu Krɔŋkrɔŋ lɛ shinaa lɛ naa koni amɛgbe amɛkɛshã naanyobɔɔ afɔlei amɛhã Yehowa.

Ṅmãle̱ Kroṅkroṅ Le̱

⁵ beni afe ní Israelbii le̱ afo̱lei ní ame-gbeo̱ ye̱ ṅã le̱ no̱ le̱, ameke-ba, ni ame̱ke̱-bahã Iehowa ye̱ kpē-bū le̱ šĩnā le̱ nā ye̱ oso̱fo le̱ ṅõ, ni ame̱gbe ame̱ke̱-šã šidā-afo̱lei ame̱hã Iehowa.

3 Mose 17:5 ပူးပေါင်းရင်းမြစ်များ

1 Mose 21:33

Abraham tɛo tso ko ni atsɛɔ lɛ akɛ tamariske tso lɛ yɛ Beersheba, ni eja Yehowa, Naanɔ Nyɔŋmɔ lɛ, yɛ jɛi.

1 Mose 22:13

Kɛkɛ ni Abraham wo ehiɛ nɔ; eyaakwɛ ehe lɛ, naa ojwɛni ko yɛ esɛɛgbɛ ni eklontoi elalaa koo. Abraham tee eyamɔ ojwɛni lɛ, ni eŋɔ lɛ eshã shãa afɔle lɛ yɛ ebi lɛ najiaŋ.

1 Mose 22:2

Nyɔŋmɔ kɛɛ lɛ akɛ, “Ŋɔɔ obi Isak ni ji obi koome ni odɔɔ ehe lɛ, ni oyiŋ oya Moria Shikpɔŋ lɛ nɔ, ni okɛ lɛ ayashã afɔle yɛ jɛi, yɛ gɔji lɛ ateŋ ekome ni matsɔ̃ɔ bo lɛ nɔ.”

1 Mose 31:54

Kɛkɛ ni eshã afɔle yɛ gɔŋ lɛ nɔ, ni etsɛ ewekumɛi lɛ niyeli. Amɛye nii, ni amɛhi shi yɛ gɔŋ lɛ nɔ nyɔɔŋ lɛ mli fɛɛ.

1 Maŋtsɛmɛi 14:23

Ejaakɛ amɛ hu amɛmãmɔ jamɔhei grɔŋŋi amɛhã amɛhe; amɛkɛ tɛi mãmɔ shiui kɛ Ashera amãgãi, ni amɛjaa yɛ gɔŋkpɔ fɛɛ gɔŋkpɔ ni kwɔ nɔ kɛ tso fɛɛ tso ni ebu kusuu shishi.

1 Maŋtsɛmɛi 3:2

Nakai be mli lɛ akɛni amako tsu ahãko Yehowa hewɔ lɛ, maŋ lɛ shã afɔle yɛ wɔŋkoi lɛ amli.

1 Maŋtsɛmɛi 3:3

Solomon sumɔɔ Yehowa, ni enyiɛ etsɛ David tsɔ̃ɔmɔ lɛ sɛɛ pɛpɛɛpɛ; shi Solomon hu shã afɔle kɛ tsofakɛŋma yɛ jemawɔji ajamɔhei lɛ.

2 Maŋtsɛmɛi 16:4

Eshãshãa afɔlei kɛ tsofakɛŋmai yɛ amãgãi ajamɔhei grɔŋŋi lɛ kɛ gɔji anɔ kɛ tso fɛɛ tso ni ebu kusuu shishi hu.

2 Maŋtsɛmɛi 17:10

Ni amɛfee Ashera amãgãi, ni amɛfee wɔŋkoi yɛ gɔŋkpɔ fɛɛ gɔŋkpɔ ni kwɔ nɔ, kɛ tso fɛɛ tso ni ebu kusuu shishi.

2 Kronika 28:4

Maŋtsɛ Ahaz tee hei grɔŋŋi ni ji jemawɔji ajamɔhei ni yɔɔ gɔŋkpɔi lɛ anɔ kɛ agbɛnɛ tsei kusukusuu lɛ ashishi lɛ ni eyashãshãa afɔlei, ni eshãshãa tsofakɛŋma hu yɛ jɛi ekɛja jemawɔji lɛ.

2 Mose 24:5

Ni etsu Israelbii lɛ ateŋ oblahii komɛi, ni amɛkɛ tsina hii yashã afɔle kɛ shidaa afɔle amɛhã Yehowa.

Ezekiel 20:28

Ejaakɛ be ni mihã amɛyashɛ shikpɔŋ ni mikã kitã akɛ mikɛaahã amɛ lɛ nɔ lɛ, gɔŋkpɔ fɛɛ gɔŋkpɔ ni kwɔ, loo tso kusuu fɛɛ tso kusuu ni amɛaana lɛ, amɛyashãa amɛ afɔlei lɛ yɛ jɛi, ni amɛkɛ afɔleshãa nɛɛ wo mimli la; jɛi nɔŋŋ amɛshãa amɛtsofakɛŋmai lɛ yɛ, ni jɛi nɔŋŋ amɛfɔse amɛdãa afɔle lɛ amɛshwie shi yɛ.

Ezekiel 22:9

Mɛi yɛ nyɛteŋ ni yeɔ osheku, bɔ ni afee ni ashwie mɛi alá shi; mɛi komɛi yɛ nyɛteŋ ni amɛyeɔ afɔlei ni ashã ahã amãgãi lɛ, ni mɛi komɛi hu yɛ nyɛteŋ ni bɔɔ nyɛnyɛŋtswi.

Ezekiel 43:27

Kɛji hetsuumɔ gbii lɛ anaa tã lɛ, kɛjɛ gbi ni ji kpaanyɔ lɛ nɔ lɛ kɛyaa lɛ osɔfoi lɛ ashã nyɛshãa afɔlei lɛ kɛ nyɛshidaa afɔlei lɛ yɛ afɔleshãa latɛ lɛ nɔ, kɛkɛ lɛ mana nyɛhe tsui.” Nuŋtsɔ Nyɔŋmɔ kɛɛ.

Ezekiel 44:15

“Osɔfoi lɛ ni jɛ Levi akutso lɛ mli, ni amɛ ji Zadok shwiei, mɛi ni kã he amɛsɔmɔ mi yɛ miHe krɔŋkrɔŋ lɛ, be mli ni Isrealbii lɛ du gbɛ kɛje mihe lɛ, amɛ amɛbaabɛŋkɛ mi ni amɛsɔmɔ mi. Amɛ amɛbaashã fɔ kɛ lá afɔle lɛ amɛha mi. Yehowa kɛɛ.

3 Mose 17:4

ni ekɛbaaa Kpee Buu Krɔŋkrɔŋ lɛ shinaa lɛ naa koni akɛshã afɔle ahã Yehowa yɛ Yehowa Kpee Buu Krɔŋkrɔŋ lɛ hiɛ lɛ, eye lá yi sɔ̃. Lá efɔse eshwie shi lɛ, ni abuŋ lɛ ashiŋ Yehowa bii anɔ dɔŋŋ.

3 Mose 17:6

Osɔfo lɛ atsi lá lɛ eshwie afɔleshãa latɛ lɛ he, yɛ Kpee Buu lɛ shinaa lɛ shi, ni eshã fɔ lɛ koni eje ŋma ni Yehowa sumɔɔ lɛ.

5 Mose 12:2

Fitemɔ nyɛfitea hei fɛɛ ni maji ni nyɛyaashwie lɛ jaa amɛnyɔŋmɔi lɛ yɛ, yɛ gɔji grɔŋŋi lɛ anɔ jio gɔŋkpɔi lɛ anɔ jio, tsei kusukusuu lɛ fɛɛ ashishi jio.