3 Mose 17:11 - ŊMALƐ KRƆŊKRƆŊ LƐ

¹¹ Nɔ fɛɛ nɔ ni hiɛ kã lɛ, elá lɛ mli ewala yɔɔ, ni no hewɔ ni Yehowa fã akɛ afɔse lá lɛ fɛɛ ashwie afɔleshãa latɛ lɛ nɔ koni akɛjie maŋ lɛ he eshai lɛ. Ejaakɛ lá ni ji wala lɛ akɛjieɔ eshai yɛ gbɔmɔ he.

Ṅmãle̱ Kroṅkroṅ Le̱

¹¹ Edšake̱ helo le̱ wala ye̱ elá le̱ mli, ni mi le̱ miṅõ-hãnye ye̱ afo̱lešãlate̱ le̱ no̱, koni aṅõ-kpãtã ahã nyesusumai le̱; edšake̱ *lá ake̱-kpãtãa ahãa susuma. *Heb. 9,22.

3 Mose 17:11 ပူးပေါင်းရင်းမြစ်များ

1 Mose 9:4

Shi loo ni lá ni ji ewala yɔɔ mli lɛ nyɛkayea.

3 Mose 1:5

Enɛ sɛɛ lɛ egbe tsinanuu lɛ yɛ Yehowa hiɛ, ni Aaron bihii osɔfoi lɛ kɛ kooloo lɛ lá lɛ aba ni amɛkɛbashwã afɔleshãa latɛ lɛ ni ma Kpee Buu lɛ shinaa lɛ naa koji ejwɛ lɛ he lɛ kɛkpe.

3 Mose 16:11

“Aaron kɛ etsinanuu lɛ aba akɛ esha afɔle ahã lɛ diɛŋtsɛ ehe kɛ ewe lɛ, ni egbe.

3 Mose 17:12

No hewɔ ni Yehowa kɛɛ Israelbii lɛ akɛ amɛ jio, gbɔ ni ebato amɛ jio, amɛkaye loo ni lá yɔɔ mli lɛ.

3 Mose 17:14

ejaakɛ bɔɔ nii fɛɛ ni hiɛ kã lɛ, amɛlá lɛ mli amɛwala yɔɔ; ni no hewɔ ni mikɛɛ Israelbii lɛ akɛ amɛkaye loo ko loo ko lá lɛ. Bɔɔnɔ fɛɛ bɔɔnɔ lɛ elá mli ewala yɔɔ. Mɔ fɛɛ mɔ ni yeɔ lá lɛ abuŋ lɛ ashiŋ Nyɔŋmɔ webii anɔ.

3 Mose 4:25

Agbɛnɛ osɔfo lɛ kɛ ewao atsɔ esha afɔle too lɛ lá lɛ mli, ni ekɛ lá lɛ adiki shãa afɔle afɔleshãa latɛ lɛ koji lɛ ahe. Enɛ sɛɛ lɛ etsi la ni eshwɛ lɛ fɛɛ eshwie shãa afɔle afɔleshãa latɛ lɛ shishi.

3 Mose 4:26

Eshã too kpakpo lɛ mli fɔ lɛ fɛɛ yɛ afɔleshãa latɛ lɛ nɔ, tamɔ bɔ ni eshã naanyobɔɔ afɔlei akooloi lɛ amli fɔ lɛ koni kɛtsɔ nɛkɛ gbɛ nɔ lɛ osɔfo lɛ akpãtã ahã lɛ yɛ etɔ̃mɔ lɛ hewɔ, ni akɛbaafa lɛ.

3 Mose 8:15

Mose gbe tsinanuu lɛ. Ekɛ ewao tsɔ lá lɛ eko, ni ekɛkpa afɔleshãa latɛ lɛ koji lɛ ahe kɛkpe, koni ekɛtsuu he. Mose tsi lá ni eshwɛ lɛ eshwie afɔleshãa latɛ lɛ shishi. Efee enɛ ekɛtsuu afɔleshãa latɛ lɛ he, ni ejɔɔ nɔ ehã Yehowa.

Mateo 20:28

Tamɔ bɔ ni Gbɔmɔ Bi lɛ baaa ni asɔmɔ lɛ, shi eba sɔ̃ɔmɔ moŋ ni ekɛ esusuma lɛ ahã yɛ mɛi pii akpɔ̃mɔ hewɔ lɛ.”

Mateo 26:28

Ejaakɛ enɛ ji mila ni ji kpãŋmɔ hee lɛ nɔ lɛ, ni afɔse ashwie shi yɛ mɛi pii ahewɔ hã eshaifaa lɛ.

Marko 14:24

Ni ekɛɛ amɛ akɛ, “Enɛ ji milá ni ji kpãŋmɔ lɛ nɔ ni afɔse ashwie shi yɛ mɛi pii ahewɔ lɛ.

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

Romabii 5:9

No hewɔ lɛ, agbɛnɛ ni abu wɔ bem yɛ elá lɛ hewɔ lɛ, aaatsɔ̃ enɔ ahere wɔyiwala kɛjɛ mlifu lɛ mli aahu.

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

5 Mose 12:23

shi moŋ nyɛmiaa nyɛhiɛ koni nyɛkaye loo lɛ lá lɛ eko; ejaakɛ lá lɛ wala ni. No hewɔ lɛ, nyɛkayea wala lɛ kɛ loo lɛ fɛɛ.

Kolosebii 1:14

lɛ emli wɔna kpɔ̃mɔ lɛ ni ji wɔhe eshai faa lɛ yɛ.

Kolosebii 1:20

Nyɔŋmɔ tsɔ̃ esɛŋmɔtso nɔ lá lɛ nɔ ekɛ hejɔlɛ ba, ni etsɔ̃ enɔ ekɛ nibii fɛɛ kpãtã, nii ni yɔɔ shikpɔŋ lɛ nɔ kɛ nii ni yɔɔ ŋwɛi lɛ.

Hebribii 13:12

No hewɔ lɛ, Yesu hu, bɔ ni afee ni ekɛ lɛ diɛŋtsɛ elá lɛ atsuu maŋ lɛ he lɛ, agbo lɛ sɛɛ ena amanehulu lɛ yɛ.

Hebribii 9:22

Ni shwɛ fioo ni lá akɛtsuuɔ nii fɛɛ he yɛ Mla lɛ naa; ni kɛ ashwieee lá shi lɛ, akɛfaaa.

1 Petro 1:2

yɛ Tsɛ Nyɔŋmɔ lɛ le ni ele eto momo lɛ naa. Nyɔŋmɔ fee enɛ kɛtsɔ̃ Mumɔ lɛ hetsuumɔ nɔ, koni amɛkase toiboo ni akɛ Yesu Kristo lá lɛ ashwã amɛnɔ. Dromɔ kɛ hejɔlɛ afa ahã nyɛ!

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

1 Yohane 2:2

Lɛ ji wɔhe eshai lɛ ahe kpãtãmɔnɔ; shi jeee wɔnɔ lɛ kɛkɛ, shi moŋ jeŋ muu lɛ fɛɛ nɔ lɛ hu.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,