3 Mose 16:6 - ŊMALƐ KRƆŊKRƆŊ LƐ

⁶ Aaron kɛ tsinanuu ni ji lɛ diɛŋtsɛ enɔ lɛ abashã esha afɔle kɛjie lɛ diɛŋtsɛ ehe eshai kɛ ewe lɛ he eshai.

Ṅmãle̱ Kroṅkroṅ Le̱

⁶ Ni Aaron aṅõ eša-afo̱le tšinanū ní dši *le̱dientše̱ enõ le̱ ke̱-ba, ni eke̱-kpãtã ehã le̱dientše̱ ehe ke̱ ewe le̱. *Heb. 7,27.

3 Mose 16:6 ပူးပေါင်းရင်းမြစ်များ

Hiob 1:5

Kɛji aŋmɛ okplɔ̃ lɛ kɛbɔle bihii lɛ anɔ kɛkpe lɛ, Hiob teɔ shi daa leebi maŋkpa, ni eyashãa shãa afɔlei ehãa ebii lɛ ateŋ mɔ fɛɛ mɔ, yɛ amɛyibɔ naa koni akɛtsuu amɛhe. Ejaakɛ Hiob kɛɔ akɛ, “Benɛ mibihii lɛ ateŋ mɔ ko efee esha ko ni aleee, ni ekwa Nyɔŋmɔ yɛ etsuiŋ. Enɛ ji nɔ ni Hiob feɔ daa.”

Ezekiel 43:19

ŋɔɔ tsina oblanyo ohã osɔfoi ni ji Levibii ni jɛ Zadok weku lɛ mli lɛ mɛi ni bɛŋkɛɔ mi ni amɛsɔmɔɔ mi lɛ, koni amɛkɛshã esha he afɔle.

Ezekiel 43:27

Kɛji hetsuumɔ gbii lɛ anaa tã lɛ, kɛjɛ gbi ni ji kpaanyɔ lɛ nɔ lɛ kɛyaa lɛ osɔfoi lɛ ashã nyɛshãa afɔlei lɛ kɛ nyɛshidaa afɔlei lɛ yɛ afɔleshãa latɛ lɛ nɔ, kɛkɛ lɛ mana nyɛhe tsui.” Nuŋtsɔ Nyɔŋmɔ kɛɛ.

3 Mose 16:3

Nii ni Aaron kɛbote He Krɔŋkrɔŋ lɛ nɛ: tsinanuu oblanyo ni akɛfee esha afɔle kɛ ojwɛni ni akɛfee shãa afɔle.

3 Mose 16:7

Agbɛnɛ ekɛ too kpakpoi enyɔ lɛ abadamɔ Yehowa hiɛ yɛ Kpee Buu lɛ shinaa lɛ naa.

3 Mose 9:7

Kɛkɛ ni Mose kɛɛ Aaron akɛ, “Tsi obɛŋkɛ afɔleshãa latɛ lɛ ni oshã esha afɔle kɛ shãa afɔle ohã ohe koni okɛfɔ ohe esha kɛ maŋ lɛ he esha. Oshã afɔle nɛɛ koni okɛfɔ maŋ lɛ he eshai, tamɔ bɔ ni Yehowa wo kitã lɛ.”

Hebribii 7:27

Ehe Ehĩaaa lɛ, tamɔ nakai osɔfonukpai lɛ, akɛ gbi fɛɛ gbi lɛ eshã lɛ diɛŋtsɛ ehe eshai ahe afɔle tsutsu, dani eshã maŋ lɛ hu nɔ. Ejaakɛ efee enɛ shi kome nyɔŋlo, be ni eŋɔ lɛ diɛŋtsɛ ehe eshã afɔle lɛ!

Hebribii 9:12

ni asaŋ jeee too kpakpoi loo tsinabii alá nɔ etsɔ̃, shi moŋ etsɔ̃ lɛ diɛŋtsɛ elá lɛ nɔ ebote He Krɔŋkrɔŋ lɛ mli shi kome nyɔŋlo ekɛna naanɔ kpɔ̃mɔ lɛ.

Hebribii 9:7

shi buu ni ji enyɔ lɛ, osɔfonukpa lɛ kɛkɛ yaa mli shi kome daa afi, ni eyaaa ni ehiɛɛɛ lá, ni ekɛyahãa yɛ lɛ diɛŋtsɛ kɛ maŋ lɛ tɔ̃mɔi ni amɛleee lɛ ahewɔ lɛ.