3 Mose 16:2 - ŊMALƐ KRƆŊKRƆŊ LƐ

² “Okɛ onyɛmi Aaron awie koni ekabote He Krɔŋkrɔŋ lɛ mli kɛmiiya muhɔɔ lɛ sɛɛ, yɛ mɔbɔnalɛ sɛi ni bu Kpãŋmɔ Adeka lɛ nɔ lɛ hiɛ lɛ, be fɛɛ be kɛkɛ, koni ekagbo, ejaakɛ mapue yɛ atatu mli yɛ naanɔ ni bu Adeka lɛ nɔ lɛ nɔ.

Ṅmãle̱ Kroṅkroṅ Le̱

² ni Iehowa kē̱ Mose ake̱: Wiemo otšo onyemi Aaron, ake̱ *ekabote hekroṅkroṅ le̱ ke̱-mīya muhō̱ le̱ se̱ ye̱ kpãtãmo̱ sẽi ní bu adeka le̱ no̱ le̱ hĩe le̱ befẽbe, koni ekagbo, edšake̱ mibapue ye̱ atatu mli ye̱ kpãtãmo̱ sẽi le̱ no̱. *2 Mose 26,33. 34.

3 Mose 16:2 ပူးပေါင်းရင်းမြစ်များ

1 Maŋtsɛmɛi 6:16

He Krɔŋkrɔŋ Fe Fɛɛ lɛ amã no yɛ Sɔlemɔtsu lɛ sɛɛgbɛ. Ekɛlɛ ji ninetalɔi nyɔŋmai enyɔ. Ni akɛ tsenedru ŋmoŋmolo fo ekɛ Sɔlemɔtsu lɛ teŋ kɛjɛ ŋwɛi kɛyi shi.

1 Maŋtsɛmɛi 8:6

Ni Osɔfoi lɛ wo Yehowa Kpãŋmɔ Adeka lɛ kɛtee, ni amɛkɛyama egbɛhe yɛ He Krɔŋkrɔŋ Fe Fɛɛ lɛ mli yɛ kerubim lɛ afiji ashishi.

2 Kronika 5:14

ni atatu lɛ hewɔ lɛ osɔfoi lɛ nyɛɛɛ shi amɛdamɔ kɛsɔmɔ dɔŋŋ ejaakɛ Yehowa anunyam ni kpɛlɛɔ nyramnyram lɛ eyi Sɔlemɔtsu lɛ obɔ.

2 Mose 30:10

Aaron kɛ kooloo ni akɛkpãtãa Nyɔŋmɔ yɛ esha ni afee hewɔ lɛ lá lɛ akpa latɛ lɛ akloŋtoi lɛ ahe, ni ekɛkpãtã shi kome daa afi. Efee kpãtãmɔ nii nɛɛ shi kome daa afi yɛ afɔleshãa latɛ lɛ nɔ yɛ yinɔi fɛɛ amli. Eji nii ni yɔɔ krɔŋkrɔŋ jogbaŋŋ diɛŋtsɛ hã mi, Yehowa.”

3 Mose 16:13

Ekɛ ohɛ lɛ ashwie la lɛ nɔ yɛ Yehowa hiɛ yɛ jɛi, ni ohɛ lɛ he lasu kumɔŋŋ lɛ baaha mɔbɔnalɛ sɛi lɛ ni bu Kpãŋmɔ Adeka lɛ nɔ lɛ he, koni Aaron akana ni egbo.

3 Mose 16:34

Enɛ atsɔ̃ akpɔ ni kã shi hã nyɛ kɛmiiya naanɔ, koni akɛkpãtã ahã Israelbii lɛ daa afi shi kome yɛ amɛhe eshai lɛ fɛɛ hewɔ.” Mose fee bɔ ni Yehowa wo lɛ kitã lɛ.

3 Mose 23:27

“Nyɔɔŋ ni ji kpawo nɛɛ nɔ gbi ni ji nyɔŋma lɛ ji esha kpãtãmɔ gbi lɛ. Gbi nɛɛ nɔ lɛ nyɛwaa nyɛhe yi kɛ hɔmɔ; asaŋ nyɛkpea kpee krɔŋkrɔŋ kɛjaa, ni nyɛkɛ nyɛdɛŋ niyenii afɔle ni ashãa abaa abahãa Yehowa.

3 Mose 8:35

Nyɛhia Kpee Buu lɛ shinaa lɛ naa nyɔɔŋnyɔɔŋ kɛ shwaneshwane gbii kpawo koni nyɛkɛfee nɔ ni Yehowa efã akɛ afee lɛ. Kɛji nyɛfeee nakai lɛ, nyɛbaagboi. Nakai ji bɔ ni Yehowa wo mi kitã.”

4 Mose 17:10

Kɛkɛ ni Yehowa kɛɛ Mose akɛ, “Kpalemɔ ni okɛ Aaron tso lɛ ayafɔ̃ Kpãŋmɔ Adeka lɛ hiɛ ekoŋŋ koni akɛto okadi ahã toigbolɔi lɛ bɔ ni afee ni huhuuhu ni amɛwieɔ amɛshiɔ mi lɛ sɛɛ afo, koni amɛkagboi.”

4 Mose 18:7

Shi bo kɛ obihii lɛ pɛ asɔ̃mɔ akɛ osɔfoi yɛ afɔleshãa latɛ lɛ he kɛ muhɔɔ lɛ mligbɛ hu. Miŋɔ osɔfoyeli lɛ mihã nyɛ akɛ sɔɔ̃mɔ ni aŋɔ ke. Mɔ fɛɛ mɔ ni ejeee osɔfo ni eeebɛŋkɛ nibii krɔŋkrɔŋi lɛ, gbe aaagbe lɛ.”

4 Mose 4:19

kɛtsɔ̃ gboimɔ ni amɛaagboi kɛji amɛmiibɛŋkɛ nibii krɔŋkrɔŋi fe fɛɛ lɛ nɔ. Shi moŋ nɔ ni nyɛfee nyɛhã amɛ koni amɛyi ana wala ji akɛ Aaron kɛ ebihii lɛ abote Kpee Buu lɛ mli koni amɛtsɔ̃ɔ Kohatbii lɛ ateŋ mɔ fɛɛ mɔ enitsumɔ kɛ ejatsu hu.

4 Mose 4:5

“Kɛji maŋ lɛ baafã nyiɛmɔ lɛ, Aaron kɛ ebihii lɛ aya Kpee Buu lɛ mli, ni amɛyajie muhɔɔ ni tsiɔ Kpãŋmɔ Adeka lɛ hiɛ lɛ koni amɛkɛ muhɔɔ nɛɛ aha Kpãŋmɔ Adeka lɛ he.

Mateo 27:51

Ni naa, Sɔlemɔtsu lɛ mli muhɔɔ lɛ mli gba enyɔ kɛjɛ ŋwɛi kɛbayi shi, ni shikpɔŋ hoso, ni tɛsai gbala;

Hebribii 6:19

nɔ ni wɔhiɛ tamɔ wɔsusuma sɛkɛ ni tseee ni efi shi shiŋŋ ni ebote mli kɛtee muhɔɔ lɛ sɛɛ tɔ̃ɔ,

Hebribii 9:25

Asaŋ eyaboteee jɛi koni eŋɔ ehe ehã shii abɔ, tamɔ bɔ ni osɔfonukpa lɛ yaboteɔ He Krɔŋkrɔŋ lɛ daa afi kɛ lá ni jeee lɛ diɛŋtsɛ enɔ lɛ;

Hebribii 9:3

Shi muhɔɔ ni ji enyɔ lɛ sɛɛ lɛ buu yɛ jɛi ni atsɛɔ lɛ He Krɔŋkrɔŋ Fe Fɛɛ!

Hebribii 9:5

Ni no nɔ anunyam kerubim ni ha kpãtãmɔ sɛi lɛ nɔ lɛ yɔɔ; nii ni amrɔ nɛɛ wɔnyɛŋ amɛhe wɔwie ekomekome lɛ.

Kpojiemɔ 15:8

Ni Sɔlemɔtsu lɛ yi obɔ̃ kɛ lasu ni jɛ Nyɔŋmɔ anunyam lɛ kɛ ehewalɛ lɛ mli lɛ, ni mɔ ko nyɛ̃ɛɛ Sɔlemɔtsu lɛ mli abote kɛyashi beyinɔ ni aaagbe bɔfoi kpawo lɛ ahaomɔi kpawo lɛ anaa.