3 Mose 15:5 - ŊMALƐ KRƆŊKRƆŊ LƐ

⁵ Mɔ fɛɛ mɔ ni taa saa lɛ he lɛ afɔ etadei ahe ni ekɛ nu aju ehe; ehe tseee kɛyashi gbɛkɛ.

Ṅmãle̱ Kroṅkroṅ Le̱

⁵ Ni moni taä esā le̱ he le̱, afo̱ etadei ahe, ni eke̱ nu adšu ehe, ni ehe tšee ke̱-yaši gbe̱ke̱.

3 Mose 15:5 ပူးပေါင်းရင်းမြစ်များ

Lalai 26:6

Oo Yehowa, mifɔɔ midɛ̃ kɛtsɔ̃ɔ akɛ miyeko sɔ̃ ko, ni mibɔleɔ ofɔleshãa latɛ lɛ mijaa bo.

Lalai 51:2

Fɔ mihe nishaianii lɛ fɛɛ oshwie, koni ohã mihe atse,

Lalai 51:7

Mihe esha lɛ okɛ awrɔke afɔ, koni mihe atse; juu mihe, ni mayɛ futaa fe ayilɔ.

2 Mose 19:10

Yehowa kɛɛ Mose akɛ, “Yaa maŋbii lɛ aŋɔɔ, ni otsuu amɛhe ŋmɛnɛ kɛ wɔ ni ohã amɛfɔ amɛtadei ahe,

Yesaia 1:16

Nyɛjua nyɛhe koni nyɛhãa nyɛhe atsea; nyɛkɛ nyɛnifɔɔjianii lɛ ajea mihiɛ, ni nyɛkpaa efɔŋfeemɔ.

Yesaia 22:14

Yehowa, Taiatsɛ lɛ, diɛŋtsɛ ni wie, ni minu kɛ mitoi, ni ekɛɛ akɛ, “Anɔkwa, aŋɔŋ nɛkɛ nɔsha nɛɛ afaŋ nyɛ kɛyaashi beyinɔ ni nyɛaagboi.”

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Ezekiel 36:29

Majie nyɛ kɛjɛ nɔ fɛɛ nɔ ni woɔ nyɛhe muji lɛ mli; mafã, ni ŋmãa aaaba babaoo, ni mihaŋ nyɛye hɔmɔ ko dɔŋŋ.

3 Mose 11:24

Ni enɛɛmɛi buleɔ nyɛ. Kɛ nyɛye lɛ nyɛkɛbaabule nyɛhe. Mɔ fɛɛ mɔ ni taa kooloi nɛɛ agbohii ahe lɛ, ehe tseee kɛyashi gbɛkɛ.

3 Mose 11:25

Mɔ fɛɛ mɔ ni aaakɔ kooloi nɛɛ ateŋ eko ni egbo he nɔ ko ehiɛ yɛ edɛ̃ lɛ, efɔ etadei lɛ ahe; ehe tseee kɛyashi gbɛkɛ.

3 Mose 11:28

Mɔ ni aaawo kooloi nɛɛ ateŋ eko gbonyo lɛ, efɔ etadei ahe; shi ehe tseee kɛyashi gbɛkɛ. Nyɛbua kooloi nɛɛ akɛ kooloi ni ahe tseee.

3 Mose 11:32

Nɔ fɛɛ nɔ ni kooloi nɛɛ ateŋ eko ni egbo aaagbee enɔ lɛ, ehe tseee; nɔ fɛɛ nɔ ni akɛ tso loo mama loo kooloo hewolo fee, loo kpekpe loo nɔ fɛɛ nɔ kɛkɛ ni akɛtsuɔ nii jio, eko fɛɛ eko lɛ akɛwo nu mli. Shi ehe tseee kɛyashi gbɛkɛ. No sɛɛ dani ehe aaatse.

3 Mose 13:34

Gbi ni ji kpawo lɛ nɔ lɛ, osɔfo lɛ akwɛ fafale lɛ ekoŋŋ. Kɛji elɛɛko ni enyɔko mli voo fe hewolo ni bɔle lɛ lɛ, ekɛɛ akɛ mɔ lɛ he tse. Mɔ lɛ afɔ etadei ahe koni ehe atse.

3 Mose 13:6

Kɛji gbi ni ji kpawo lɛ osɔfo lɛ kwɛ ekoŋŋ, ni kɛ hela lɛ elaaje, ni elɛɛko yɛ hewolo lɛ nɔ lɛ, no lɛ osɔfo lɛ aŋɔ gbɔmɔ lɛ akɛ mɔ ko ni he tse; hela lɛ gbɛ̃i ni. Helatsɛ lɛ afɔ etadei ahe, koni ehe atse.

3 Mose 14:27

Ekɛ eninejurɔ wao atsɔ mu ni yɔɔ ebɛku lɛ eko eshwã shii kpawo yɛ Yehowa hiɛ.

3 Mose 15:18

Kɛji nuu ko kɛ yoo ko wɔ, ni nuu lɛ henu je emli lɛ, amɛyi enyɔ lɛ fɛɛ amɛkɛ nu aju amɛhe; amɛhe tseee kɛyashi gbɛkɛ.

3 Mose 15:4

Saa fɛɛ saa ni mɔ ni he hoɔ nu lɛ kãa nɔ lɛ he tseee, ni nɔ fɛɛ nɔ ni etaa nɔ lɛ he tseee.

3 Mose 15:6

Mɔ ni taa mɔ ni he hoɔ nu lɛ sɛi nɔ lɛ afɔ etadei ahe, ni ekɛ nu aju ehe; ehe tseee kɛyashi gbɛkɛ.

3 Mose 16:26

Agbɛnɛ mɔ ni kɛ too kpakpo lɛ tee eya ŋmɛɛ ehe ehã Azazel lɛ afɔ etadei ahe, ni ekɛ nu aju ehe dani eba nsra lɛ mli.

3 Mose 16:28

Mɔ ni yashã lɛ afɔ etadei ahe, ni ekɛ nu aju ehe; no sɛɛ fɛɛ dani eba shitoohe lɛ mli.”

3 Mose 17:15

“Mɔ fɛɛ mɔ ni yeɔ kooloo ni egbo lɛ diɛŋtsɛ edɛŋ gbele aloo kooloo ni kooloo awuyelɔ ko tserɛ emli lɛ, Israelnyo ji lɛ jio, gbɔ ni ebato Israel shikpɔŋ lɛ nɔ ji lɛ jio, efɔ etadei ahe ni ekɛnu aju ehe; ebaahi shi kɛyashi gbɛkɛ dani ehe baatse.

4 Mose 19:10

Lɛ mɔ ni ebaaloo tsinayoo lɛ lamlu lɛ hu, ebaafɔ etadei ahe. Lɛ hu ehe tseee kɛyaashi gbi lɛ gbɛkɛ. Akpɔ nɛɛ baakã shi daa ahã Israelbii kɛ mɛi kpɔ̃ji ni ebato amɛ gbɔ fɛɛ.

4 Mose 19:22

Nɔ fɛɛ nɔ ni mɔ ni ebule ehe aaata he lɛ, ebule nɔ lɛ; ni mɔ ni aaata nii ni abule he lɛ, lɛ hu ebule ehe kɛyaashi gbɛkɛ.”

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?

Hebribii 9:26

ejaakɛ nakai ni kulɛ, esa akɛ ena amanehulu kpitiokpitio kɛjɛ jeŋ shishijee beebe; shi agbɛnɛ lɛ shi kome kɛkɛ ajie lɛ kpo yɛ bei lɛ anaagbee lɛ mli, koni ekɛ lɛ diɛŋtsɛ ehe ni ekɛshã afɔle lɛ ajie esha lɛ.

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.

1 Samuel 20:26

shi Saul ekɛɛɛ nɔ ko nakai gbi lɛ, ejaakɛ esusumɔ ji, “Sane ko eba David nɔ, ni etsuuko ehe, ni no hewɔ lɛ, ehe tseee.”