3 Mose 14:13 - ŊMALƐ KRƆŊKRƆŊ LƐ

¹³ Egbe gwantɛŋbi lɛ yɛ he ni agbeɔ esha afɔle kɛ shãa afɔle lɛ yɛ lɛ, yɛ He Krɔŋkrɔŋ lɛ, ejaakɛ sɔ̃ afɔle lɛ jio, esha afɔle lɛ jio, fɛɛ lɛ osɔfo lɛ nɔ ni; eji nɔ ko krɔŋkrɔŋ naakpa.

Ṅmãle̱ Kroṅkroṅ Le̱

¹³ ni egbe tōgwanteṅbi le̱ ye̱ he ní agbeo̱ eša-afo̱le ke̱ šā̃-afo̱le le̱ ye̱ le̱, ye̱ hekroṅkroṅ le̱; edšake̱ *bo̱ni ẽša-afo̱le le̱ dši oso̱fo le̱ nõ le̱, nakai noṅṅ sõ-afo̱le le hũ dši enõ: nõkroṅkroṅ ní fè ſẽ ni. *7,7.

3 Mose 14:13 ပူးပေါင်းရင်းမြစ်များ

3 Mose 4:24

Ekɛ enine aŋmɛ too kpakpo lɛ yiteŋ, ni egbe too lɛ yɛ he ni agbeɔ shãa afɔle kooloi lɛ yɛ lɛ, yɛ Yehowa hiɛ lɛ. Esha afɔle ni.

3 Mose 1:11

Egbe kooloo lɛ yɛ afɔleshãa latɛ lɛ masɛi yɛ ekooyigbɛ yɛ Yehowa hiɛ. Aaron bihii osɔfoi lɛ kɛ kooloo lɛ lá lɛ aba ni amɛkɛbashwã afɔleshãa latɛ lɛ he koji ejwɛ lɛ he kɛkpe.

2 Mose 29:11

ni ogbe tsina lɛ yɛ Yehowa hiɛ yɛ Kpee Buu lɛ shinaa lɛ naa.

3 Mose 4:4

Ekɛ tsinanuu lɛ aba Kpee Buu lɛ shinaa lɛ naa yɛ Yehowa hiɛ; ekɛ enine afɔ̃ tsinanuu lɛ yiteŋ ni egbe lɛ.

3 Mose 2:3

Niyenii afɔle lɛ mli nɔ ni shwɛɔ yɛ nɔ ni ashãa lɛ sɛɛ lɛ Aaron kɛ ebihii lɛ anɔ ni; eji nɔ ni yɔɔ krɔŋkrɔŋ jogbaŋŋ diɛŋtsɛ, ejaakɛ afɔle ni ashãa ahãa Yehowa lɛ eko ni.

3 Mose 21:22

Gbɔmɔ ni tamɔ nakai lɛ eeenyɛ eye aboloo ni ji nii ni yɔɔ krɔŋkrɔŋ kɛ nii ni yɔɔ krɔŋkrɔŋ fe fɛɛ lɛ amli lɛ eko moŋ,

3 Mose 10:17

“Mɛɛba nyɛyeee esha afɔle lɛ yɛ he ko ni yɔɔ krɔŋkrɔŋ? Nɔ ko ni yɔɔ krɔŋkrɔŋ naakpa ji afɔle lɛ ni Yehowa kɛhã nyɛ koni nyɛkɛ kpãtã yɛ Yehowa hiɛ koni nyɛjie maŋ lɛ he esha lɛ kɛya lɛ.

3 Mose 1:5

Enɛ sɛɛ lɛ egbe tsinanuu lɛ yɛ Yehowa hiɛ, ni Aaron bihii osɔfoi lɛ kɛ kooloo lɛ lá lɛ aba ni amɛkɛbashwã afɔleshãa latɛ lɛ ni ma Kpee Buu lɛ shinaa lɛ naa koji ejwɛ lɛ he lɛ kɛkpe.

Ezekiel 42:13

Agbɛnɛ nuu lɛ kɛɛ mi akɛ, “Piai ni yɔɔ kooyigbɛ lɛ kɛ piai ni yɔɔ wuoyigbɛ ni amɛhiɛ kwɛɔ kpo lɛ nɔ gbɛ lɛ, nomɛi ji piai krɔŋkrɔŋi lɛ. Jɛi osɔfoi ni bɛŋkɛɔ Yehowa lɛ yeɔ afɔle krɔŋkrɔŋi ni fe fɛɛ lɛ yɛ. Afɔlei nɛɛ ji niyenii afɔle lɛ kɛ esha afɔle lɛ kɛ sɔ̃ afɔle lɛ, ejaakɛ hei krɔŋkrɔŋi ni.

3 Mose 2:10

Niyenii afɔle lɛ mli nɔ ni shwɛɔ yɛ nɔ ni ashã lɛ sɛɛ lɛ Aaron kɛ ebihii lɛ anɔ ni. Eji nɔ ni yɔɔ krɔŋkrɔŋ jogbaŋŋ diɛŋtsɛ, ejaakɛ afɔlei ni ashãa ahãa Yehowa mli eko ni.

3 Mose 7:2

Kooloo ni akɛbaashã sɔ̃ afɔle lɛ agbe lɛ yɛ he ni agbeɔ kooloo ni akɛshãa shãa afɔle lɛ yɛ lɛ nɔŋŋ. Kooloo lɛ lá lɛ afɔse ashwie afɔleshãa latɛ lɛ koji ejwɛ lɛ fɛɛ he.