3 Mose 12:6 - ŊMALƐ KRƆŊKRƆŊ LƐ

⁶ “Kɛji gbii ni ekɛtsuɔ ehe lɛ, yɛ binuu loo biyoo hewɔ lɛ ho lɛ, ekɛ too gwantɛŋ bi ni eye afi aba abahã ni akɛshã shãa afɔle, kɛ shĩa okpo loo kosɛɛ okpo ni akɛshã esha afɔle. Ekɛba Kpee Buu lɛ shinaa lɛ naa ekɛbahã osɔfo lɛ.

Ṅmãle̱ Kroṅkroṅ Le̱

⁶ Ši ke̱dši egbe ehetšūmo̱ gbĩĩ le̱ anā ye̱ binū lo biyō hewo̱ le̱, eke̱ tōgwanteṅbi ní eye afi aba abahã ní ake̱-sã šā̃-afo̱le, ke̱ okpobi lo kose̱-okpo ní ake̱-šã *eša-afo̱le, ni eke̱-ba kpē-bū le̱ šĩnā le̱ nā eke̱-bahã oso̱fo le̱. *5,7.

3 Mose 12:6 ပူးပေါင်းရင်းမြစ်များ

1 Mose 15:9

Nyɔŋmɔ kɛɛ lɛ akɛ, “Kɛ tsinayoo ni eye afii etɛ̃ kɛ too abotiayoo ni eye afii etɛ̃ kɛ ojwɛni ni eye afii etɛ̃ kɛ kosɛɛ okpo kɛ shĩa okpo aba.”

3 Mose 12:2

koni ekɛɛ Israelbii lɛ akɛ, “Kɛji yoo ko na musu, ni efɔ binuu lɛ, ehe tseee gbii kpawo, tamɔ bɔ ni ehe tseee yɛ eyei aniifeemɔ be mli lɛ.

3 Mose 12:5

“Kɛ yoo ko fɔ biyoo lɛ, ehe tseee otsii enyɔ, tamɔ be ni efee yeianii lɛ. Eŋɔ gbii nyɔŋmai ekpaa kɛ ekpaa sɔŋŋ ni ekɛtsuu ehe, ni ekɛjie ehe lá muji lɛ.

3 Mose 12:7

Osɔfo lɛ kɛ afɔle lɛ aba Nyɔŋmɔ hiɛ ni ekpãtã ehã yoo lɛ, koni ehe atse yɛ lá ni hoɔ lɛ lɛ gbɛfaŋ. Enɛ ji mla ni kã shi hã yoo ni fɔɔ nuu loo yoo lɛ.

3 Mose 14:22

Asaŋ ekɛ kosɛɛ okpoi enyɔ loo shĩa okpoi bibii enyɔ aba; emli eko fɛɛ eko ni enine aaashɛ nɔ. Akɛ ekome afee esha afɔle, ni akɛ ekome hu afee shãa afɔle.

3 Mose 15:14

Gbi ni ji kpaanyɔ lɛ nɔ lɛ ekɛ kosɛɛ okpoi enyɔ loo shĩa okpoi enyɔ aya Yehowa hiɛ yɛ Kpee Buu lɛ shinaa lɛ naa ni ekɛyahã osɔfo lɛ.

3 Mose 15:29

Gbi ni ji kpawo lɛ nɔ lɛ ekɛ kosɛɛ okpoi enyɔ loo shĩa okpoi bibii enyɔ aba abahã osɔfo lɛ yɛ Kpee Buu lɛ shinaa lɛ naa.

4 Mose 6:10

Gbi ni ji kpaanyɔ lɛ nɔ lɛ ehiɛ kosɛɛ okpoi enyɔ loo okpoi bibii enyɔ ekɛbahã osɔfo lɛ yɛ Kpee Buu lɛ shinaa lɛ shi.

Luka 2:22

Ni be ni agbe amɛhetsuumɔ lɛ naa yɛ Mose Mla lɛ naa lɛ, amɛkɛ abifao lɛ tee Yerusalɛm, koni amɛkɛ lɛ ayatsɔ̃ɔ Nuŋtsɔ lɛ,

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.