3 Mose 11:7 - ŊMALƐ KRƆŊKRƆŊ LƐ

⁷ Nyɛkayea kplotoo, ejaakɛ ehe tseee. Eyɛ koklotoi ni agbala mli moŋ, shi egɔiii eniyenii etaaa.

Ṅmãle̱ Kroṅkroṅ Le̱

⁷ ke̱ kplokō, edšake̱ okoklotoi le̱ agbla ni adša mli kwrā moṅ, ši le̱ le̱ ego̱ii eniyenii etaa, ehe tšee hããnye.

3 Mose 11:7 ပူးပေါင်းရင်းမြစ်များ

Yesaia 65:4

Amɛyataraa tɛkploi ni afu gbohii yɛ mli amli, ni amɛyatsɛɔ sisai gbɛkɛgbɛkɛ yɛ jɛi; amɛyeɔ kplotoo loo tete, ni amɛfaa wonu ni akɛ wɔŋ naa loo hoo.

Yesaia 66:17

Yehowa kɛɛ akɛ, “Mɛi ni feɔ amɛhe krɔŋkrɔŋ, ni amɛtsuuɔ amɛhe kɛha tsei kɛ tɛi ajamɔ ni amɛtoɔ srɛnɛɛ kɛyaa wɔkoiaŋ, ni amɛyayeɔ kplotoo kɛ obishi kɛ kwakwe loo lɛ, amɛnaagbee eshɛ.

Yesaia 66:3

“Mɔ ni gbeɔ tsina lɛ, etamɔ mɔ ni gbeɔ gbɔmɔ nɔŋŋ; mɔ ni kɛ toobi shãa afɔle lɛ, etamɔ mɔ ni kɛ gbee shãa afɔle nɔŋŋ; mɔ ni shãa niyenii afɔle lɛ, etamɔ mɔ ni kɛ kplotoo lá bahãa nɔŋŋ; mɔ ni shãa krɔbɔo afɔle lɛ, etamɔ mɔ ni jaa wɔŋ nɔŋŋ. Mɛi nɛɛ fɛɛ ekɔlɔ amɛ diɛŋtsɛ amɛgbɛi, ni amɛnaa nihiinii ni amɛfeɔ lɛ he miishɛɛ.

3 Mose 11:3

nii fɛɛ ni yɔɔ koklotoi ni agbala mli aloo aja mli, ni asaŋ amɛgɔiɔ amɛniyenii ni amɛtaa.

3 Mose 11:8

Nyɛkayea kooloi nɛɛ aloo; nyɛkataa amɛgbohii ahe hu, ejaakɛ amɛhe tseee.

Mateo 7:6

Nyɛkɛ nɔ ni yɔɔ krɔŋkrɔŋ lɛ akahãa shifɔji; asaŋ nyɛkashɛrɛa nyɛdiagbai nyɛshwiea kplotoi ahiɛ, ni amɛbanaana nɔ yɛ amɛnajiashi, ni amɛtsɔ̃mɔ amɛhe amɛbatserɛ nyɛ.”

Luka 15:15

Ni eyiŋ etee ni ekɛ ehe yakpɛtɛ nakai shikpɔŋ lɛ nɔ bii lɛ eko he; ni ehã etee ebɔi lɛ amli ni eyalɛ kplotoi.

Luka 8:33

Ni mumɔi fɔ̃ji lɛ je nuu lɛ mli, ni amɛyabote kplotoi lɛ amli, ni kuu muu lɛ fɛɛ wo foi kɛkpeleke gɔŋ lɛ kɛyashwie kpaakpo lɛ mli, ni amɛgboi.

5 Mose 14:8

Nyɛkayea kplotoo hu ejaakɛ agba enane kokloto mli enyɔ moŋ nɛ, shi egɔiii eniyenii etaaa. Nyɛkayea kooloi nɛɛ ateŋ ekoeko loo; ni kɛji agbe eko lɛ ehe tete po nyɛkataa.