3 Mose 11:40 - ŊMALƐ KRƆŊKRƆŊ LƐ

⁴⁰ Mɔ fɛɛ mɔ ni yeɔ kooloo ni egbo lɛ loo lɛ eko lɛ, efɔ etadei ahe; ehe tseee kɛyashi gbɛkɛ. Mɔ ni woɔ kooloo lɛ gbonyo lɛ, efɔ etadei ahe, ehe tseee kɛyashi gbɛkɛ.

Ṅmãle̱ Kroṅkroṅ Le̱

⁴⁰ Ni moni *yeo̱ egbonyo le̱ eko le̱, efo̱ etadei le̱ ahe, ni ehe tšee ke̱-yaši gbe̱ke̱. Ni moni wóo̱ egbonyo le̱; efo̱ etadei le̱ ahe, ni ehe tšee ke̱-yaši gbe̱ke̱. *2 Mose 22,31.

3 Mose 11:40 ပူးပေါင်းရင်းမြစ်များ

2 Mose 22:31

“Nyɛaatsɔ̃ mɛi krɔŋkrɔŋ nyɛhã mi. No hewɔ lɛ, loo ni ŋaŋ kooloo etserɛ lɛ lɛ nyɛkayea, ashɛrɛ ashwie ahã gbei.

Yesaia 1:16

Nyɛjua nyɛhe koni nyɛhãa nyɛhe atsea; nyɛkɛ nyɛnifɔɔjianii lɛ ajea mihiɛ, ni nyɛkpaa efɔŋfeemɔ.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Ezekiel 4:14

Kɛkɛ ni mikɛɛ akɛ, “Ao, Nuŋtsɔ Yehowa, mibuleko mihe dã, kɛjɛ miblahiaŋ aahu kɛbashi amrɔ nɛɛ lɛ. Miyeko nɔ ko ni lɛ diɛŋtsɛ egbo loo kooloo ko tserɛ lɛ dã. Asaŋ hu loo ko ni ahiɔ esako minaa dã.

Ezekiel 44:31

Osɔfoi lɛ akaye loofɔlɔ ko aloo kooloo ko ni gbo lɛ diɛŋtsɛ edɛŋ gbele, aloo kooloo ko tserɛ lɛ ni egbo.”

3 Mose 11:25

Mɔ fɛɛ mɔ ni aaakɔ kooloi nɛɛ ateŋ eko ni egbo he nɔ ko ehiɛ yɛ edɛ̃ lɛ, efɔ etadei lɛ ahe; ehe tseee kɛyashi gbɛkɛ.

3 Mose 11:28

Mɔ ni aaawo kooloi nɛɛ ateŋ eko gbonyo lɛ, efɔ etadei ahe; shi ehe tseee kɛyashi gbɛkɛ. Nyɛbua kooloi nɛɛ akɛ kooloi ni ahe tseee.

3 Mose 11:39

“Kɛ kooloi ni ayeɔ lɛ eko gbo lɛ, mɔ fɛɛ mɔ ni taa egbonyo lɛ he lɛ, ehe tseee kɛyashi gbɛkɛ.

3 Mose 14:46

Mɔ fɛɛ mɔ ni boteɔ shĩa lɛ mli be mli ni ala agbo lɛ mli lɛ, ehe tseee kɛyashi gbɛkɛ;

3 Mose 15:15

Osɔfo lɛ kɛ ekome afee esha afɔle ni ekɛ ekome hu afee shãa afɔle, koni ekpãtã ehã lɛ yɛ Yehowa hiɛ yɛ nu ni hoɔ lɛ hewɔ.

3 Mose 15:27

Mɔ fɛɛ mɔ ni taa nibii nɛɛ eko he lɛ, ehe tseee. Efɔ etadei ahe, ni ekɛ nu aju ehe; ehe tseee kɛyashi gbɛkɛ.

3 Mose 16:26

Agbɛnɛ mɔ ni kɛ too kpakpo lɛ tee eya ŋmɛɛ ehe ehã Azazel lɛ afɔ etadei ahe, ni ekɛ nu aju ehe dani eba nsra lɛ mli.

3 Mose 16:28

Mɔ ni yashã lɛ afɔ etadei ahe, ni ekɛ nu aju ehe; no sɛɛ fɛɛ dani eba shitoohe lɛ mli.”

3 Mose 22:6

loo mɔ fɛɛ mɔ ni taa nibii nɛɛ eko he lɛ, ehe tseee kɛyashi hulu aaanyɔ shi. Ni kɛ ejuko ehe lɛ ekaye nikeenii krɔŋkrɔŋi lɛ eko.

3 Mose 22:8

Ekaye kooloo ni egbo lɛ diɛŋtsɛ edɛŋ gbele loo kooloi etserɛ lɛ. Kɛji eye lɛ ebaatsɔ̃ mɔ ni he tseee; mi ji Yehowa.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

4 Mose 19:19

Mɔ ni he tse lɛ kɛ nu nɛɛ baashwã mɔ ni he tseee lɛ nɔ yɛ gbi ni ji etɛ̃ lɛ, kɛ nɔ ni ji kpawo lɛ nɔ. Gbi ni ji kpawo lɛ nɔ lɛ ebaatsuu mɔ ni ebule ehe lɛ he; ni gbɔmɔ nɛɛ baafɔ etadei lɛ ahe, ni ebaaju ehe, ni gbi lɛ gbɛkɛ lɛ mɔ ni kulɛ ehe tseee lɛ he aaatse.

1 Korintobii 10:21

Nyɛnyɛŋ Nuŋtsɔ lɛ kpulu lɛ kɛ mumɔi fɔ̃ji akpulu fɛɛ nyɛnu shi kome; nyɛnyɛŋ Nuŋtsɔ lɛ okplɔ̃ lɛ nɔ nii kɛ mumɔi fɔ̃ji anɔ lɛ nɔ nii fɛɛ nyɛye shi kome.

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

5 Mose 14:21

“Nyɛkayea kooloo ni lɛ diɛŋtsɛ egbo. Aaanyɛ akɛ kooloo lɛ ahã gbɔ ni nyɛkɛyɔɔ nyɛmaŋ lɛ mli koni eye, aloo ahɔ̃ɔ ahã gbɔ kroko ko, ejaakɛ nyɛ lɛ, Yehowa, nyɛNyɔŋmɔ lɛ, mɛi krɔŋkrɔŋi ji nyɛ. “Nyɛkahoa toobi kɛ lɛ diɛŋtsɛ nɔŋŋ enyɛ fufɔ mli nu.”

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.