3 Mose 11:39 - ŊMALƐ KRƆŊKRƆŊ LƐ

³⁹ “Kɛ kooloi ni ayeɔ lɛ eko gbo lɛ, mɔ fɛɛ mɔ ni taa egbonyo lɛ he lɛ, ehe tseee kɛyashi gbɛkɛ.

Ṅmãle̱ Kroṅkroṅ Le̱

³⁹ Ni ké̱ koloi ní ayeo̱ le̱ eko gbo le̱, moni taä egbonyo le̱ he le, ehe tšee ke̱-yaši gbe̱ke̱.

3 Mose 11:39 ပူးပေါင်းရင်းမြစ်များ

Ezekiel 4:14

Kɛkɛ ni mikɛɛ akɛ, “Ao, Nuŋtsɔ Yehowa, mibuleko mihe dã, kɛjɛ miblahiaŋ aahu kɛbashi amrɔ nɛɛ lɛ. Miyeko nɔ ko ni lɛ diɛŋtsɛ egbo loo kooloo ko tserɛ lɛ dã. Asaŋ hu loo ko ni ahiɔ esako minaa dã.

3 Mose 11:24

Ni enɛɛmɛi buleɔ nyɛ. Kɛ nyɛye lɛ nyɛkɛbaabule nyɛhe. Mɔ fɛɛ mɔ ni taa kooloi nɛɛ agbohii ahe lɛ, ehe tseee kɛyashi gbɛkɛ.

3 Mose 11:28

Mɔ ni aaawo kooloi nɛɛ ateŋ eko gbonyo lɛ, efɔ etadei ahe; shi ehe tseee kɛyashi gbɛkɛ. Nyɛbua kooloi nɛɛ akɛ kooloi ni ahe tseee.

3 Mose 11:31

Nyɛbua enɛɛmɛi akɛ nii ni he tseee yɛ kooloi ni eyi shikpɔŋ lɛ nɔ tɔ lɛ ateŋ. Mɔ fɛɛ mɔ ni taa eko ni egbo he lɛ, ehe tseee kɛyashi gbɛkɛ.

3 Mose 11:38

Shi kɛ aafɔ dumɔnii lɛ yɛ nu mli, ni gbonyo lɛ gbee nɔ lɛ, wu lɛ he tseee.

3 Mose 11:40

Mɔ fɛɛ mɔ ni yeɔ kooloo ni egbo lɛ loo lɛ eko lɛ, efɔ etadei ahe; ehe tseee kɛyashi gbɛkɛ. Mɔ ni woɔ kooloo lɛ gbonyo lɛ, efɔ etadei ahe, ehe tseee kɛyashi gbɛkɛ.

3 Mose 14:46

Mɔ fɛɛ mɔ ni boteɔ shĩa lɛ mli be mli ni ala agbo lɛ mli lɛ, ehe tseee kɛyashi gbɛkɛ;

3 Mose 15:15

Osɔfo lɛ kɛ ekome afee esha afɔle ni ekɛ ekome hu afee shãa afɔle, koni ekpãtã ehã lɛ yɛ Yehowa hiɛ yɛ nu ni hoɔ lɛ hewɔ.

3 Mose 15:5

Mɔ fɛɛ mɔ ni taa saa lɛ he lɛ afɔ etadei ahe ni ekɛ nu aju ehe; ehe tseee kɛyashi gbɛkɛ.

3 Mose 15:7

Mɔ ni taa mɔ ni he hoɔ nu lɛ he lɛ, efɔ etadei ahe, ni ekɛ nu aju ehe; ehe tseee kɛyashi gbɛkɛ.

3 Mose 16:26

Agbɛnɛ mɔ ni kɛ too kpakpo lɛ tee eya ŋmɛɛ ehe ehã Azazel lɛ afɔ etadei ahe, ni ekɛ nu aju ehe dani eba nsra lɛ mli.

3 Mose 17:15

“Mɔ fɛɛ mɔ ni yeɔ kooloo ni egbo lɛ diɛŋtsɛ edɛŋ gbele aloo kooloo ni kooloo awuyelɔ ko tserɛ emli lɛ, Israelnyo ji lɛ jio, gbɔ ni ebato Israel shikpɔŋ lɛ nɔ ji lɛ jio, efɔ etadei ahe ni ekɛnu aju ehe; ebaahi shi kɛyashi gbɛkɛ dani ehe baatse.

3 Mose 22:4

“Aaron shwiei lɛ ateŋ mɔ fɛɛ mɔ ni miiye hewolo nɔ hela gbeyeigbeyei aloo ehe miiho nu akaye niyenii krɔŋkrɔŋ lɛ eko kɛyashi beyinɔ ni ehe aaatse.

3 Mose 22:6

loo mɔ fɛɛ mɔ ni taa nibii nɛɛ eko he lɛ, ehe tseee kɛyashi hulu aaanyɔ shi. Ni kɛ ejuko ehe lɛ ekaye nikeenii krɔŋkrɔŋi lɛ eko.

3 Mose 22:8

Ekaye kooloo ni egbo lɛ diɛŋtsɛ edɛŋ gbele loo kooloi etserɛ lɛ. Kɛji eye lɛ ebaatsɔ̃ mɔ ni he tseee; mi ji Yehowa.

4 Mose 19:11

“Mɔ fɛɛ mɔ ni aaata gbonyo ko he lɛ, ebule ehe kɛyaashi gbii kpawo.

4 Mose 19:16

Mɔ fɛɛ mɔ ni baata mɔ ko ni enyɔ yɛ klante naa gbonyo he, loo mɔ ni egbo lɛ diɛŋtsɛ edɛŋ gbele gbonyo aloo eeeta gbonyo wu loo gbonyobu ko he yɛ jwɛiaŋ lɛ, ebule ehe kɛyashi gbii kpawo.

4 Mose 19:7

No sɛɛ lɛ, osɔfo lɛ afɔ etadei ahe, ni eju ehe dani ebote maŋbii lɛ ashitoohe lɛ mli. Shi enɛ fɛɛ sɛɛ lɛ osɔfo lɛ he tseee aahu kɛyashi gbi lɛ gbɛkɛ.