3 Mose 11:25 - ŊMALƐ KRƆŊKRƆŊ LƐ

²⁵ Mɔ fɛɛ mɔ ni aaakɔ kooloi nɛɛ ateŋ eko ni egbo he nɔ ko ehiɛ yɛ edɛ̃ lɛ, efɔ etadei lɛ ahe; ehe tseee kɛyashi gbɛkɛ.

Ṅmãle̱ Kroṅkroṅ Le̱

²⁵ Ni mofẽmo ní ko̱ ame̱gbohĩĩ le̱ eko hĩeo̱ le̱, efo̱ etadei le̱ ahe, ni ehe tšee ke̱-yaši gbe̱ke̱.

3 Mose 11:25 ပူးပေါင်းရင်းမြစ်များ

Lalai 51:2

Fɔ mihe nishaianii lɛ fɛɛ oshwie, koni ohã mihe atse,

Lalai 51:7

Mihe esha lɛ okɛ awrɔke afɔ, koni mihe atse; juu mihe, ni mayɛ futaa fe ayilɔ.

2 Mose 19:10

Yehowa kɛɛ Mose akɛ, “Yaa maŋbii lɛ aŋɔɔ, ni otsuu amɛhe ŋmɛnɛ kɛ wɔ ni ohã amɛfɔ amɛtadei ahe,

2 Mose 19:14

Mose kpeleke shi kɛjɛ gɔŋ lɛ nɔ kɛba maŋ lɛ ŋɔɔ, ni etsuu maŋ lɛ he, ni amɛfɔfɔɔ amɛtadei ahe.

3 Mose 11:24

Ni enɛɛmɛi buleɔ nyɛ. Kɛ nyɛye lɛ nyɛkɛbaabule nyɛhe. Mɔ fɛɛ mɔ ni taa kooloi nɛɛ agbohii ahe lɛ, ehe tseee kɛyashi gbɛkɛ.

3 Mose 11:26

Kooloo fɛɛ kooloo ni yɔɔ koklotoi ni agbalako mli, ni asaŋ egɔiii nii ni eye momo lɛ, ehe tseee. Mɔ fɛɛ mɔ ni aaata eko he lɛ, mɔ lɛ he tseee.

3 Mose 11:28

Mɔ ni aaawo kooloi nɛɛ ateŋ eko gbonyo lɛ, efɔ etadei ahe; shi ehe tseee kɛyashi gbɛkɛ. Nyɛbua kooloi nɛɛ akɛ kooloi ni ahe tseee.

3 Mose 11:40

Mɔ fɛɛ mɔ ni yeɔ kooloo ni egbo lɛ loo lɛ eko lɛ, efɔ etadei ahe; ehe tseee kɛyashi gbɛkɛ. Mɔ ni woɔ kooloo lɛ gbonyo lɛ, efɔ etadei ahe, ehe tseee kɛyashi gbɛkɛ.

3 Mose 13:6

Kɛji gbi ni ji kpawo lɛ osɔfo lɛ kwɛ ekoŋŋ, ni kɛ hela lɛ elaaje, ni elɛɛko yɛ hewolo lɛ nɔ lɛ, no lɛ osɔfo lɛ aŋɔ gbɔmɔ lɛ akɛ mɔ ko ni he tse; hela lɛ gbɛ̃i ni. Helatsɛ lɛ afɔ etadei ahe, koni ehe atse.

3 Mose 14:46

Mɔ fɛɛ mɔ ni boteɔ shĩa lɛ mli be mli ni ala agbo lɛ mli lɛ, ehe tseee kɛyashi gbɛkɛ;

3 Mose 14:47

ni mɔ fɛɛ mɔ ni aaawɔ shĩa lɛ afɔ etadei ahe; ni mɔ ni aaaye nii yɛ shĩa lɛ afɔ etadei ahe.

3 Mose 14:8

Mɔ ni atsuɔ ehe lɛ afɔ etadei lɛ ahe. Eshɛ eyiteŋ tsɔi fɛɛ, ni ekɛ nu aju ehe koni ehe atse. No sɛɛ lɛ, eba shitoohe lɛ mli, shi ekabote ebuu lɛ mli gbii kpawo.

3 Mose 15:13

Kɛji mɔ ni he hoɔ nu lɛ hela lɛ tã lɛ, emɛ gbii kpawo. Efɔ etadei ahe ni ekɛ nuhiŋmɛi ni hoɔ mli nu aju ehe; kɛkɛ lɛ ehe baatse.

3 Mose 15:15

Osɔfo lɛ kɛ ekome afee esha afɔle ni ekɛ ekome hu afee shãa afɔle, koni ekpãtã ehã lɛ yɛ Yehowa hiɛ yɛ nu ni hoɔ lɛ hewɔ.

3 Mose 15:5

Mɔ fɛɛ mɔ ni taa saa lɛ he lɛ afɔ etadei ahe ni ekɛ nu aju ehe; ehe tseee kɛyashi gbɛkɛ.

3 Mose 16:26

Agbɛnɛ mɔ ni kɛ too kpakpo lɛ tee eya ŋmɛɛ ehe ehã Azazel lɛ afɔ etadei ahe, ni ekɛ nu aju ehe dani eba nsra lɛ mli.

3 Mose 16:28

Mɔ ni yashã lɛ afɔ etadei ahe, ni ekɛ nu aju ehe; no sɛɛ fɛɛ dani eba shitoohe lɛ mli.”

3 Mose 17:15

“Mɔ fɛɛ mɔ ni yeɔ kooloo ni egbo lɛ diɛŋtsɛ edɛŋ gbele aloo kooloo ni kooloo awuyelɔ ko tserɛ emli lɛ, Israelnyo ji lɛ jio, gbɔ ni ebato Israel shikpɔŋ lɛ nɔ ji lɛ jio, efɔ etadei ahe ni ekɛnu aju ehe; ebaahi shi kɛyashi gbɛkɛ dani ehe baatse.

3 Mose 22:6

loo mɔ fɛɛ mɔ ni taa nibii nɛɛ eko he lɛ, ehe tseee kɛyashi hulu aaanyɔ shi. Ni kɛ ejuko ehe lɛ ekaye nikeenii krɔŋkrɔŋi lɛ eko.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

4 Mose 19:10

Lɛ mɔ ni ebaaloo tsinayoo lɛ lamlu lɛ hu, ebaafɔ etadei ahe. Lɛ hu ehe tseee kɛyaashi gbi lɛ gbɛkɛ. Akpɔ nɛɛ baakã shi daa ahã Israelbii kɛ mɛi kpɔ̃ji ni ebato amɛ gbɔ fɛɛ.

4 Mose 19:19

Mɔ ni he tse lɛ kɛ nu nɛɛ baashwã mɔ ni he tseee lɛ nɔ yɛ gbi ni ji etɛ̃ lɛ, kɛ nɔ ni ji kpawo lɛ nɔ. Gbi ni ji kpawo lɛ nɔ lɛ ebaatsuu mɔ ni ebule ehe lɛ he; ni gbɔmɔ nɛɛ baafɔ etadei lɛ ahe, ni ebaaju ehe, ni gbi lɛ gbɛkɛ lɛ mɔ ni kulɛ ehe tseee lɛ he aaatse.

4 Mose 19:7

No sɛɛ lɛ, osɔfo lɛ afɔ etadei ahe, ni eju ehe dani ebote maŋbii lɛ ashitoohe lɛ mli. Shi enɛ fɛɛ sɛɛ lɛ osɔfo lɛ he tseee aahu kɛyashi gbi lɛ gbɛkɛ.

4 Mose 19:8

Mɔ ni shã tsina lɛ hu afɔ etadei ahe, ni eju ehe. Lɛ hu ehe tseee kɛyashi gbi lɛ gbɛkɛ.

4 Mose 31:24

Gbi ni ji kpawo lɛ nɔ lɛ nyɛfɔa nyɛtadei lɛ ahe koni nyɛhe atse; ni no sɛɛ dani nyɛba shitoohe lɛ mli.”

Yohane 13:8

Petro kɛɛ lɛ akɛ, “Kaafɔ minaji ahe kɔkɔɔkɔ.” Yesu here lɛ nɔ akɛ, “Kɛji mifɔɔɔ onaji ahe lɛ, obɛ gbɛfaŋ nɔ ko yɛ miŋɔɔ.”

Bɔfoi 22:16

Ni agbɛnɛ mɛɛba oshashaoɔ shi? Tee shi ni ohã abaptisi bo, ni afɔ ohe eshai lɛ ashwie ahã bo, ni osɔle otsɛ Nuŋtsɔ lɛ.

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

Hebribii 9:10

ejaakɛ nibii nɛɛ kɔɔ niyenii kɛ ninumɔnii kɛ hejuu srɔtoi ni ji heloo gbɛnaanii ni ato akɛ afee kɛkɛ ahe kɛyashi be ni aaasaa nibii fɛɛ afee amɛ ehee.

1 Petro 3:21

Ni agbɛnɛ baptisimɔ ni nakai nu lɛ ji ehe okadi lɛ hereɔ nyɛ hu nyɛyiwala. Ejeee hewolo nɔ mujijiemɔ, shi moŋ eji kpãŋmɔ ni ajɛɔ henilee kpakpa mli akɛ Nyɔŋmɔ kpãŋɔ, kɛtsɔ̃ Yesu Kristo shitee lɛ nɔ,

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.