3 Mose 10:9 - ŊMALƐ KRƆŊKRƆŊ LƐ

⁹ “Bo kɛ obihii lɛ, nyɛkanua wain loo dãa ni wa ko be mli ni nyɛyaa Kpee Buu lɛ mli lɛ. Kɛ nyɛnu dãa lɛ, nyɛbaagboi. Oshwiei fɛɛ aye akpɔ nɛɛ nɔ.

Ṅmãle̱ Kroṅkroṅ Le̱

⁹ Nyekanua wein alo dā̃ ní wa ko, bo ke̱ obihĩĩ le̱ fẽ, be mli ní nyeya kpē-bū le̱ṅ le̱, koni nyekagboi! Nāno̱ akpo̱ dši no hã nyeyino̱i le̱ fẽ, Ezek. 44,21. 1 Tim. 3,3. Tit. 1,7.

3 Mose 10:9 ပူးပေါင်းရင်းမြစ်များ

2 Mose 27:21

Aaron kɛ ebihii lɛ asu kane lɛ ama muhɔɔ ni etsĩ Kpãŋmɔ Adeka lɛ hiɛ lɛ hiɛ yɛ Kpee Buu Krɔŋkrɔŋ lɛ mli, ni amɛkwɛ koni kane nɛɛ atso kɛjɛ gbɛkɛ kɛyashi leebi yɛ mi, Yehowa, mihiɛ. Enɛ atsɔ̃ akpɔ ni kã shi hã Israelbii ayinɔbii fɛɛ.”

Abe̱i 20:1

Wain lɛ hefɛoyelɔ ni, ni dãa ni wa lɛ hoofeelɔ ni; ni mɔ fɛɛ mɔ ni dãa hãa eduɔ gbɛ lɛ, eleee nii.

Yesaia 28:7

Wain ehã osɔfoi lɛ kɛ gbalɔi lɛ ahiɛ miidĩ amɛ; dãa ni wa ehã amɛmiididã. Osɔfoi lɛ kɛ gbalɔi lɛ miididã kɛ dãa ni wa. Wain ehã amɛlului, ni amɛmiididãa kɛ dãa ni wa. Amɛnãaa ninaa kpakpa koni amɛgba pɛpɛɛpɛ; dãa hãaa amɛnyɛ amɛbua sane he jogbaŋŋ.

Ezekiel 44:21

Osɔfo ko osɔfo ko akanu wain kɛji eeya mligbɛ kpo lɛ nɔ lɛ.

Hosea 4:11

Yehowa kɛɛ akɛ, “Wain momo kɛ wain hee fɛɛ hãa nilee ŋmɛɔ mɔ.

3 Mose 10:8

Yehowa kɛɛ Aaron akɛ,

3 Mose 3:17

Israelbii akaye kooloo fɔ loo lá. Enɛ atsɔ̃ akpɔ ni akã shi ahã nyɛ kɛ nyɛshwiei fɛɛ kɛmiiya naanɔ yɛ he fɛɛ he ni nyɛaahi.”

4 Mose 6:20

Enɛ sɛɛ lɛ osɔfo lɛ ahe afɔle lɛ ni efɔ̃ kɛya kɛba yɛ Yehowa hiɛ akɛ afɔle krɔŋkrɔŋ. Nii nɛɛ ji nɔ krɔŋkrɔŋ ni akɛhãa osɔfo lɛ kɛfataa too lɛ tsitsinaa lɛ kɛ eshuɔ lɛ he. Agbɛnɛ Nazirnyo lɛ baanyɛ enu wain kɛjɛ enɛ sɛɛ.

4 Mose 6:3

ekanu wain loo dãa ni wa; ekanu vinega ni akɛ wainyibii loo dãa ni wa fee. Nɔ fɛɛ nɔ ni akɛ wainyibii fee lɛ ekanu; ni wainyibii ŋmɔŋ jio, nɔ ni aka lɛ egbiŋ jio, ekaye.

Luka 1:15

Ejaakɛ eeetsɔ̃ agbo yɛ Nuŋtsɔ lɛ hiɛ. Ni enuŋ wain loo dãa ni wa ko, Ni Mumɔ Krɔŋkrɔŋ aaayi lɛ obɔ̃ kɛaajɛ enyɛ musuŋ beebe.

Efesobii 5:18

Ni nyɛkatɔrɔa dãa, nɔ mli ni yakayaka jeŋba yɔɔ lɛ, shi moŋ nyɛyimɔa obɔ̃ kɛ Mumɔ lɛ,

1 Timoteo 3:3

jeee dãanulɔ, jeee ninekpokpookpotsɛ, shi moŋ mɔ ni he jɔ, mɔ ni beee, mɔ ni hiɛ ekɔ̃ɔɔ shika nɔ,

1 Timoteo 3:8

Asafo mli sɔ̃ɔlɔi lɛ hu esa akɛ amɛfee gbɔmɛi ni hiɛ tsii, jeee lilɛintatsɛmɛi, jeee mɛi ni sumɔɔ dãa, jeee hiɛjoolɔi,

1 Timoteo 5:23

Kaanu nu kɛkɛ dɔŋŋ, shi nuu wain fioo yɛ omusu kɛ ohelai ni yeɔ bo kpitiokpitio lɛ ahewɔ.

Tito 1:7

Ejaakɛ nɔkwɛlɔ lɛ, esaaa akɛ kpa ko hiɔ ehe, akɛni Nyɔŋmɔ we nɔ tsulɔnukpa ji lɛ lɛ. Ekafee ehe mɔ ni feɔ lɛ diɛŋtsɛ etsuinaanii, jeee mlifutsɛ, jeee dãanulɔ, jeee ninekpokpookpotsɛ, jeee hiɛjoolɔ.