3 Mose 10:6 - ŊMALƐ KRƆŊKRƆŊ LƐ

⁶ Mose kɛɛ Aaron kɛ ebihii ni ji Eleazar kɛ Itamar akɛ, “Nyɛkahãa nyɛyiteŋ fea tsaŋtsaŋ aloo nyɛgbalaa nyɛtadei kɛtsɔ̃ɔ akɛ nyɛmiiye ŋkɔmɔ. Kɛ nyɛfee nakai lɛ, nyɛbaagboi, ni Yehowa mli baawo maŋ muu lɛ fɛɛ la. Nyɛhãa nyɛwekumɛi, Israel maŋ muu lɛ fɛɛ, afoa shãa ni Yehowa ehã la eshã nyɛnyɛmimɛi lɛ ni amɛgboi nɛɛ.

Ṅmãle̱ Kroṅkroṅ Le̱

⁶ Ni Mose kē̱ Aaron ke̱ ebihĩĩ Eleazar ke̱ Itamar le̱ ake̱: *Nyekakpo̱a nyeyii, ni nyekagblaä nyetadei hũ, ní nyebagboi, ni emli wo asafo mū le̱ fẽ la; ši nyehãa nyenyemimei le̱, Israel we mũ le̱ fẽ, afó šã ní Iehowa ešã ne̱. *21,10.

3 Mose 10:6 ပူးပေါင်းရင်းမြစ်များ

2 Samuel 24:1

Yehowa mli bafu Israelbii lɛ ekoŋŋ, ni etsɔ̃ David nɔ, ni egbala amɛtoi. Yehowa kɛɛ David akɛ, “Yaa ni oyakane Israelbii kɛ Yudabii lɛ.”

Ezra 7:5

Abishua kɛ Finehas kɛ Eleazar kɛ osɔfonukpa Aaron.

2 Mose 33:5

Ejaakɛ Yehowa kɛɛ Mose akɛ, “Kɛɛmɔ Israelbii lɛ akɛ, ‘Maŋ ni kuɛŋ ti ji nyɛ, ni kɛji mibaye hiŋmɛitswaa kome kɛkɛ yɛ nyɛteŋ lɛ mibaplene nyɛ. No hewɔ lɛ, nyɛkpɔlɔa jwinei lɛ yɛ nyɛhe koni makwɛ nɔ ni mafee yɛ nyɛhe.’ ”

2 Mose 6:23

Aaron ŋɔ Aminadab biyoo Elisheba, ni ji Nahashon nyɛmiyoo lɛ. Ekɛ lɛ fɔ Nadab kɛ Abihu kɛ Eleazar kɛ Itamar.

Yeremia 7:29

“Yerusalɛmbii, nyɛkua nyɛyi nyɛshwiea, nyɛwoa yara yɛ gɔji kpataai lɛ anɔ, ejaakɛ Yehowa ekwa, ni ekpoo yinɔbii ni emli efu amɛ nɛɛ!

3 Mose 13:45

“Mɔ ni yeɔ kpiti lɛ egbala etadei, ni ehiɛ eyitso efolo. Eha enaabu nɔ, ni ebolɔ akɛ, ‘Mihe tseee, mihe tseee!’

Mika 1:16

Yudabii, nyɛshɛa nyɛyi kɛyea ŋkɔmɔ yɛ nyɛbii ni nyɛsumɔ lɛ ahewɔ. Nyɛkpɔa nyɛyi kuekue tamɔ akpaŋa yiteŋ, ejaakɛ abaaŋɔ nyɛbii lɛ anom kɛaaje nyɛhe kɛya.

4 Mose 1:53

Shi Levibii lɛ ashishii amɛbui lɛ kɛbɔle miKpee Buu Krɔŋkrɔŋ lɛ; amɛbu he bɔ ni afee ni mɔ folo ko akabɛŋkɛ Buu lɛ ni no yatsɛ mimlifu bahã Israelbii lɛ.”

4 Mose 14:6

Kɛkɛ ni Yoshua, Nun bi lɛ, kɛ Kaleb, Yefune bi lɛ, ni ji hii ni atsu ni amɛyasara shikpɔŋ lɛ amɛkwɛ lɛ ateŋ mɛi enyɔ lɛ, gbala amɛtadei;

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

4 Mose 18:5

Bo kɛ obii lɛ pɛ akwɛ He Krɔŋkrɔŋ lɛ kɛ afɔleshãa latɛ lɛ he nitsumɔi lɛ fɛɛ anɔ bɔ ni afee ni mimli akafu Israelbii lɛ dɔŋŋ.

4 Mose 20:25

Ŋɔ̃ɔ Aaron kɛ ebinuu Eleazar koni okɛ amɛ aya Hor Gɔŋ lɛ nɔ.

4 Mose 5:18

Agbɛnɛ osɔfo lɛ afɛne yoo lɛ yitsɔi yɛ eyiteŋ beiaŋ ni edamɔ Yehowa afɔleshãa latɛ lɛ hiɛ lɛ, ni ekɛ mamu, ni ji niyenii afɔle ni akɛjieɔ mɔ shi lɛ, ahã yoo lɛ ni ehiɛ. Osɔfo lɛ ahiɛ nu ni joɔ ni gbalaa loomɔ kɛbaa lɛ,

5 Mose 33:9

Amɛkɛɛ yɛ amɛtsɛ kɛ amɛnyɛ he akɛ, ‘Wɔbuuu amɛ, ni amɛkwa amɛnyɛmimɛi, ni amɛshi amɛmusuŋbii asɛɛ, ejaakɛ amɛmɔ owiemɔ lɛ mli, ni amɛye okpãŋmɔ lɛ nɔ.

Yoshua 22:18

hewɔ ni nyɛkpaleɔ ŋmɛnɛ gbi nɛɛ yɛ Yehowa sɛɛ nɛɛ? Kɛji nyɛtse Yehowa hiɛ atua ŋmɛnɛ lɛ, wɔ lɛ, lɛ hu emli aaafu Israel asafo muu lɛ fɛɛ.

Yoshua 22:20

Be ni Zera bi Akan yata musunii he lɛ, ani jeee Israel asafo muu lɛ fɛɛ Yehowa mli fu lo? Bɛjeee lɛ ekome kɛkɛ ehiɛ kpãtã yɛ etɔ̃mɔ lɛ hewɔ?”

Yoshua 7:1

Israelbii lɛ tɔ̃, ni amɛyayeee kɔkɔ ni abɔ amɛ yɛ musunii lɛ gbɛfaŋ lɛ nɔ, ejaakɛ Akan, ni ji Zabdi bi Karmi bi lɛ, ni jɛ Zera we yɛ Yuda akutso lɛŋ lɛ, kɔlɔ musunii lɛ eko. Enɛ hã Yehowa mli fu Israelbii lɛ naakpa.

Yoshua 7:11

Naa, Israel etɔ̃ minɔ; amɛgbo toi, ni kɔkɔ ni mibɔ amɛ lɛ, amɛyayeee nɔ, ni amɛkɔlɔ musunii lɛ eko tete amɛkɛfutu amɛnibii amli; ni asaŋ amɛju, ni amɛmale hu.