3 Mose 10:3 - ŊMALƐ KRƆŊKRƆŊ LƐ

³ Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

Ṅmãle̱ Kroṅkroṅ Le̱

³ Ni Mose kē̱ Aaron ake̱: Ene̱ dši noni Iehowa wie ekē̱: Mei ni *be̱ṅke̱o̱mi le̱ amli aafe mihe kroṅkroṅ ye̱, ni maṅ mū le̱ fẽ hĩe aawo mihĩe nyam ye̱. Ni Aaron bu enā. *1 Pet. 4,17.

3 Mose 10:3 ပူးပေါင်းရင်းမြစ်များ

1 Mose 18:25

Enɛ akagbale bo fɔ̃ŋfɔ̃ akɛ oooye nɛkɛ sane, ni ooogbe jalɔ kɛ gbɔmɔ fɔŋ fɛɛ shi kome, ni jalɔ aaana nɔ tamɔ gbɔmɔ fɔŋ nɔŋŋ lo! Enɛ akagbale bo! Ani shikpɔŋ lɛ fɛɛ nɔ kojolɔ lɛ, ekojoŋ kojomɔ ni ja lo?”

Hiob 2:10

Hiob kɛɛ eŋa lɛ akɛ, “Oowie tamɔ bɔ ni yei kwashiai lɛ wieɔ lɛ. Nɔ kpakpa lɛ wɔhe kɛjɛ Nyɔŋmɔ dɛŋ. Mɛɛba ni nɔ fɔŋ lɛ wɔkahe?” Enɛ fɛɛ mli lɛ, Hiob naa tɛɛɛ shi, ni ewieee wiemɔ gbonyo ko.

Lalai 119:120

Ohe gbeyei naa lɛ, mihe kpokpoɔ; ni miishe odɛ̃ŋ kojomɔi lɛ agbeyei.

Lalai 148:14

Ekɛ ehewalɛ kpele lɛ ewo emaŋbii anɔ. No hewɔ lɛ, emɛi krɔŋkrɔŋ lɛ ajie eyi, Israelbii, ni ji emaŋ ni bɛŋkɛ lɛ lɛ, nyɛjiea Yehowa yi!

Lalai 39:10

Kaagwao mi dɔŋŋ; yii ni oyiɔ mi lɛ, ehã migbede.

Lalai 39:9

Mitɔ mu: mitswaaa misɛŋ, ejaakɛ bo ohã mipiŋ.

Lalai 46:10

“Nyɛfea dioo, ni nyɛnaa nyɛlea akɛ mi, mi ji Nyɔŋmɔ; Awo minɔ gojoo yɛ majimaji lɛ ateŋ, Awo minɔ gojoo yɛ shikpɔŋ muu lɛ fɛɛ nɔ.”

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

Lalai 93:5

Yehowa, okpɔi lɛ anɔkwale ni, Owe lɛ he tse krɔŋkrɔŋ kɛyaashi naanɔ.

2 Mose 14:17

Mahã Ijiptbii lɛ akpliŋ amɛtsui koni amɛnyiɛ Israelbii lɛ asɛɛ, ni maye Farao kɛ eta shwiilii kɛ ekpɔŋɔnɔtalɔi lɛ fɛɛ anɔ kunim.

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 19:22

Asaŋ hã osɔfoi lɛ ni bɛŋkɛɔ Yehowa atsuu amɛhe koni Yehowa akakpãtã amɛhiɛ.”

2 Mose 19:24

Kɛkɛ ni Yehowa kɛɛ Mose akɛ, “Kpelekemɔ shi oya ni okɛ Aaron akwɔ kɛba, shi kaahã osɔfoi lɛ kɛ maŋbii lɛ miiteke akrabatsa lɛ kɛkwɔ gɔŋ lɛ kɛba mi, Yehowa, miŋɔɔ koni mikaplene amɛ.”

2 Mose 30:30

Ofɔ Aaron kɛ ebihii lɛ mu, ni ofee amɛ krɔŋkrɔŋ koni amɛye osɔfo amɛhã mi.

Yesaia 39:8

Hezekia to he ha Yesaia ekɛɛ, “Yehowa naa wiemɔ ni owie nɛɛ hi,” ejaakɛ esusu akɛ elumɔyeli be lɛ baafee shweshweeshwe kɛ toiŋjɔlɛ.

Yesaia 49:3

Ni ekɛɛ mi akɛ, “Israel, mitsulɔ ji bo; bo onɔ baatsɔ̃ ni abaawo mihiɛ nyam.

Yesaia 52:11

Nyɛ mɛi fɛɛ ni nyɛtereɔ Sɔlemɔ we lɛ nibii lɛ, nyɛkataa nɔ ko ni he tseee he; nyɛtsuua nyɛhe, ni nyɛshĩa, nyɛshĩa Babilon nyɛyaa.

Ezekiel 20:41

Kɛji mijie nyɛ kɛjɛ majimaji lɛ amli, ni mibua nyɛnaa kɛjɛ shikpɔji ni agbɛ nyɛ ashwã nɔ lɛ anɔ kɛba lɛ, mana nyɛhe tsui tamɔ nɔ ko ni jeɔ ŋma, ni majie mikrɔŋkrɔŋ ni mi ji lɛ kpo matsɔ̃ɔ yɛ nyɛteŋ ni majimaji aaana.

Ezekiel 28:22

bɔ ni Nuŋtsɔ Yehowa kɛɔ nɛ, bo Sidon, naa mikɛ bo ena, ni mawo mihiɛ nyam yɛ ohewɔ, ni omaŋbii kɛaale akɛ mi ji Yehowa, kɛji migbala mɛi ni yɔɔ omli lɛ atoi ni mikɛtsɔ̃ɔ bɔ ni miyɔɔ krɔŋkrɔŋ miha lɛ.

Ezekiel 38:16

Ooote shi owo mimaŋ Israel; nyɛyifalɛ baaha shikpɔŋ lɛ nɔ. Kɛji gbi lɛ shɛ lɛ mahã otua mishikpɔŋ lɛ, ni bɔ ni mafee bo yɛ majimaji lɛ ahiɛ lɛ, baahã amɛle mi akɛ mɔ krɔŋkrɔŋ ji mi.

Ezekiel 40:46

Ni tsu ni hiɛ kwɛɔ kooyigbɛ lɛ, osɔfoi ni tsuɔ afɔleshãa latɛ lɛ he nii lɛ anɔ ni. Osɔfoi nɛɛ fɛɛ lɛ Zadokbii ni jɛ Levi shwiei lɛ amli ji amɛ. Amɛ pɛ ji mɛi ni bɛŋkɛɔ Yehowa, ni amɛsɔmɔɔ lɛ.”

Ezekiel 42:13

Agbɛnɛ nuu lɛ kɛɛ mi akɛ, “Piai ni yɔɔ kooyigbɛ lɛ kɛ piai ni yɔɔ wuoyigbɛ ni amɛhiɛ kwɛɔ kpo lɛ nɔ gbɛ lɛ, nomɛi ji piai krɔŋkrɔŋi lɛ. Jɛi osɔfoi ni bɛŋkɛɔ Yehowa lɛ yeɔ afɔle krɔŋkrɔŋi ni fe fɛɛ lɛ yɛ. Afɔlei nɛɛ ji niyenii afɔle lɛ kɛ esha afɔle lɛ kɛ sɔ̃ afɔle lɛ, ejaakɛ hei krɔŋkrɔŋi ni.

3 Mose 21:15

Efee enɛ, kɛjeee nakai lɛ eshwiei ni sa akɛ amɛfee krɔŋkrɔŋ lɛ ahe baawo muji. Mi ji Yehowa, ni mijɔɔ enɔ mifee lɛ osɔfonukpa.”

3 Mose 21:17

ni ekɛɛ Aaron akɛ, “Oshwiei lɛ ateŋ mɔ ko ni eje kpa akaba, yɛ amɛyinɔi fɛɛ mli, ni ekɛ niyenii afɔle lɛ bahã mi.

3 Mose 21:21

Nuu fɛɛ nuu ni kpa ko yɔɔ ehe yɛ osɔfo Aaron bihii lɛ ateŋ lɛ, ekatsi ebɛŋkɛ ni ekɛ niyenii afɔle lɛ bahã mi.

3 Mose 21:6

Osɔfo lɛ afee ehe krɔŋkrɔŋ ahã mi, ni ekawo migbɛi lɛ he muji, ejaakɛ Yehowa afɔlei ni akɛ la shãa, ni ji eNyɔŋmɔ lɛ aboloo lɛ, lɛ ekɛbahãa. No hewɔ lɛ, efee ehe krɔŋkrɔŋ.

3 Mose 21:8

Nyɛbua osɔfo lɛ akɛ mɔ krɔŋkrɔŋ, ejaakɛ mi, Yehowa, ji mɔ ni mifeɔ osɔfoi lɛ krɔŋkrɔŋ lɛ.

3 Mose 22:9

“Osɔfoi fɛɛ aye mlai ni miwo nɛɛ anɔ; kɛjeee nakai lɛ amɛaatere sɔ̃, ni amɛaagboi yɛ mimlai krɔŋkrɔŋ lɛ anɔtɔ̃mɔ hewɔ; mi mifeɔ osɔfoi lɛ krɔŋkrɔŋ.

3 Mose 8:35

Nyɛhia Kpee Buu lɛ shinaa lɛ naa nyɔɔŋnyɔɔŋ kɛ shwaneshwane gbii kpawo koni nyɛkɛfee nɔ ni Yehowa efã akɛ afee lɛ. Kɛji nyɛfeee nakai lɛ, nyɛbaagboi. Nakai ji bɔ ni Yehowa wo mi kitã.”

4 Mose 16:5

Kɛkɛ ni ekɛɛ Kora kɛ asafo lɛ ni ekɛba lɛ fɛɛ akɛ, “Wɔ ni ji wɔ leebi lɛ Yehowa baahã ale mɔ ni ji enɔ; mɔ ni ji mɔ krɔŋkrɔŋ lɛ, lɛ ebaahã ebɛŋkɛ lɛ. Mɔ ni Yehowa aaaŋɔ̃ lɛ, lɛ ebaahã ebɛŋkɛ lɛ yɛ afɔleshãa latɛ lɛ he.

4 Mose 20:12

Shi Yehowa kã Mose kɛ Aaron hiɛ, ni ekɛɛ amɛ akɛ, “Akɛni nyɛheee minɔ nyɛyeee koni nyɛhã maŋbii lɛ ana mihewalɛ krɔŋkrɔŋ kpele lɛ, nyɛkɛ asafo nɛɛ eyaŋ shikpɔŋ ni mikɛhãa amɛ lɛ nɔ.”

Mateo 10:37

Mɔ ni dɔɔ tsɛ loo nyɛ he fe mi lɛ, esaaa mi; ni mɔ ni dɔɔ binuu loo biyoo he fe mi lɛ, esaaa mi.

Yohane 12:28

Ataa, wo ogbɛi lɛ hiɛ nyam!” Kɛkɛ ni gbee ko jɛ ŋwɛi kɛɛ, “Mina miwo ehiɛ nyam, ni masaa mawo ehiɛ nyam ekoŋŋ.”

Yohane 14:13

Ni nɔ fɛɛ nɔ ni nyɛɛakpa he fai yɛ migbɛi mli lɛ, mafee, koni Tsɛ lɛ hiɛ aba nyam kɛtsɔ̃ Bi lɛ nɔ.

5 Mose 32:51

ejaakɛ, bo kɛ lɛ fɛɛ, nyɛkwa mi yɛ Israelbii lɛ ateŋ yɛ Meriba nu lɛ he yɛ Kadesh, yɛ Zin ŋa lɛ nɔ; ejaakɛ nyɛwooo mihiɛ nyam akɛ mɔ krɔŋkrɔŋ yɛ Israelbii lɛ ahiɛ.

2 Tesalonikabii 1:10

be ni eeeba koni awo ehiɛ nyam yɛ emɛi krɔŋkrɔŋi lɛ amli ni ana enaakpɛɛnii yɛ eheyelɔi lɛ fɛɛ amli yɛ nakai Gbi lɛ nɔ lɛ, ejaakɛ ahe wɔdase ni wɔye wɔtsɔ̃ɔ nyɛ lɛ aye.

1 Petro 4:17

Ejaakɛ be ni abaaje kojomɔ shishi kɛjɛ Nyɔŋmɔ We lɛ eshɛ etã; shi kɛ wɔnɔ tsutsu ejɛ lɛ, belɛ mɛi ni booo Nyɔŋmɔ Sanekpakpa lɛ toi lɛ, te amɛnaagbee aaafee tɛŋŋ?

1 Samuel 2:30

No hewɔ lɛ, mi, Yehowa, Israel Nyɔŋmɔ lɛ, mikɛɛ akɛ eyɛ mli akɛ mikɛɛ akɛ owe lɛ kɛ otsɛmɛi awe lɛ ni baasɔ̃mɔ mi akɛ osɔfoi kɛya naanɔ, shi agbɛnɛ miigbala nakai shiwoo lɛ sɛɛ, ejaakɛ mɛi ni buɔ mi lɛ, mawo amɛhiɛ nyam: shi mɛi ni ebuuu mi lɛ, abuŋ amɛ ahaŋ nɔ ko nɔ ko.

1 Samuel 3:18

Kɛkɛ ni Samuel gba Eli nɔ fɛɛ nɔ ni eshiuuu lɛ sane lɛ eko nɔ. Kɛkɛ ni Eli to he ekɛɛ, “Lɛ ji Yehowa, nɔ ni hi yɛ lɛ ehiɛ lɛ efee!”

1 Samuel 6:20

Sane nɛɛ hã BetShemeshbii lɛ kɛɛ akɛ; “Namɔ po aaanyɛ Yehowa Nyɔŋmɔ krɔŋkrɔŋ nɛɛ hiɛ adamɔ? Ni kɛ adeka lɛ jɛ wɔŋɔɔ lɛ, namɛi aŋɔɔ po eeeya?”