3 Mose 10:19 - ŊMALƐ KRƆŊKRƆŊ LƐ

¹⁹ Aaron to he ehã Mose akɛ, “Maŋbii lɛ shã amɛhe esha afɔle kɛ amɛshãa afɔle lɛ ŋmɛnɛ; ni kɛ̃lɛ oshara ebasharã mi nɛɛ. Eji miye esha afɔle ŋmɛnɛ kulɛ ehi yɛ Yehowa hiɛ?”

Ṅmãle̱ Kroṅkroṅ Le̱

¹⁹ Ni Aaron wie etšõ Mose ake̱: Na, ṅme̱ne̱ ame̱ke̱ ame̱he eša-afo̱le ke̱ ame̱šā̃-afo̱le eba Iehowa hĩe, ni ne̱ke̱ nibii ne̱ ebafemi ne̱; ni miye eša-afo̱le ṅme̱ne̱ dšikũle̱, ani ehĩ ye̱ Iehowa hĩe lo?

3 Mose 10:19 ပူးပေါင်းရင်းမြစ်များ

Yesaia 1:11

Yehowa kɛɛ, “Mɛni nyɛfɔlei babaoo lɛ ji hã mi? Shãa afɔlei ni nyɛkɛ gwantɛŋ hii shãa lɛ kɛ kooloi ni eshwishwii afɔi lɛ eje mitsine. Tsinahii kɛ gwantɛŋbii kɛ tookpakpoi alá lɛ, mitaooo dɔŋŋ.

Yesaia 1:15

Kɛji nyɛhole nyɛniji anɔ nyɛmiisɔle lɛ, mibatsɔ̃ mihiɛ mato afã; nyɛbaasɔle kakadaŋŋ nɛ, shi miboŋ nyɛ toi. Lá ewu nyɛniji ahe tsɔ̃.

Yeremia 14:12

Tsɛbelɛ amɛbaahi ŋmaa nɛ, shi miboŋ amɛfaikpamɔ blɔmɔ lɛ toi; ni amɛbaashã shãa afɔlei kɛ niyenii afɔle hu nɛ, shi mimɔŋ mli; ni mikɛ ta kɛ hɔmɔ kɛ hela baaplenee amɛ.”

Yeremia 6:20

Mɛni mifeɔ krɔbɔo ni jɛ Sheba, kɛ maŋsɛɛ shɔŋŋ sinamon ni jeɔ ŋma he? Shãa afɔlei ni nyɛshãa nyɛhãa mi lɛ, miheee; nyɛkooloo afɔlei lɛ hu esaa mihiɛ.

Hosea 9:4

Amɛnyɛŋ amɛfɔse wain amɛshwie shi yɛ maŋsɛɛ shikpɔŋ lɛ nɔ amɛhã Yehowa, aloo amɛshã afɔlei ni sa amɛhã lɛ. Enɛ hewɔ lɛ, nii ni amɛaaye lɛ aaabule mɛi fɛɛ ni aaaye eko tamɔ yara nɔ nii buleɔ mɔ lɛ. Ejaakɛ nii ni amɛaaye lɛ amɛ diɛŋtsɛ amɛhɔmɔ kɛkɛ amɛkɛaagbe, shi ekoeko shɛŋ Yehowa hiɛ.

3 Mose 10:20

Be ni Mose nu wiemɔ nɛɛ lɛ, ena akɛ eja.

3 Mose 9:12

Mose gbe kooloo ni akɛbaashã shãa afɔle lɛ hu. Ebihii lɛ kɛ lá lɛ bahã lɛ, ni ekɛshwã afɔleshãa latɛ lɛ koji ejwɛ lɛ he kɛkpe.

3 Mose 9:8

Aaron tsi kɛtee afɔleshãa latɛ lɛ he, ni egbe tsinanuu fioo lɛ ekɛshã esha afɔle ehã lɛ diɛŋtsɛ ehe.

Maleaki 1:10

Yehowa, Taiatsɛ kɛɛ akɛ, “Mina ni kulɛ nyɛteŋ mɔ ko ŋamɔ Sɔlemɔ we lɛ shinai lɛ koni nyɛkayashɛre la yakatswaa yɛ mifɔleshãa latɛ lɛ nɔ dɔŋŋ. Minaaa nyɛhe miishɛɛ, ni mimɔŋ nikeenii ni nyɛkɛbahãa mi lɛ hu mli.

Maleaki 1:13

Nɔ ni nyɛkɛɔ ji, ‘Mɛɛ tɔlɛ po ji enɛ, ni nyɛshoɔ nyɛgugɔŋ nyɛwoɔ mi.’ Bɔ ni Yehowa, Taiatsɛ lɛ, kɛɔ nɛ, ‘Mɔ ko nii ni ayashɔ̃ akranaŋ naa, loo kooloo akpaketsɛ loo helatsɛ nyɛkɛbahãa akɛ nyɛfɔle. Aso nyɛsusuɔ akɛ mamɔ nɛkɛ afɔle mli kɛ miishɛɛ lo?

Maleaki 2:13

Asaŋ nɔ ni ji enyɔ hu ni nyɛfeɔ nɛ. Nyɛwoɔ yara ni nyɛdɔmɔɔ ŋtsɔi, ni nyɛkɛ nyɛyaafonu fɔɔ Yehowa afɔleshãa latɛ lɛ, ejaakɛ nyɛfɔleshãa nibii lɛ esaaa Yehowa hiɛ dɔŋŋ aahu po ni eeemɔ mli kɛ tsuijurɔ yɛ nyɛdɛŋ.

5 Mose 12:7

Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

5 Mose 26:14

Miyeko nii nɛɛ ni mijie lɛ eko yɛ mikɔmɔyeli beiaŋ lɛ, mifiteko nii lɛ eko be ni mibule mihe lɛ, mikɛ eko hu eshãko afɔle mihãko gbonyo ko. Miye Yehowa, miNyɔŋmɔ lɛ, gbee nɔ, ni mifee nɔ fɛɛ nɔ ni owo mi shi akɛ mifee lɛ.

Filipibii 4:4

Nyɛmii ashɛa yɛ Nuŋtsɔ lɛ mli daa! Miikɛɛ ekoŋŋ! Nyɛmii ashɛa!

Hebribii 7:27

Ehe Ehĩaaa lɛ, tamɔ nakai osɔfonukpai lɛ, akɛ gbi fɛɛ gbi lɛ eshã lɛ diɛŋtsɛ ehe eshai ahe afɔle tsutsu, dani eshã maŋ lɛ hu nɔ. Ejaakɛ efee enɛ shi kome nyɔŋlo, be ni eŋɔ lɛ diɛŋtsɛ ehe eshã afɔle lɛ!

Hebribii 9:8

Enɛ Mumɔ Krɔŋkrɔŋ lɛ kɛtsɔ̃ɔ faŋŋ akɛ gbii abɔ ni klɛŋklɛŋ buu lɛ mã shi lolo nɛɛ, belɛ gbɛ ni akɛyaa He Krɔŋkrɔŋ lɛ anako ajie shi atsɔ̃ɔ.