3 Mose 1:4 - ŊMALƐ KRƆŊKRƆŊ LƐ

⁴ Ekɛ enine aŋmɛ afɔleshãa kooloo lɛ yiteŋ, ni abaaŋɔ kooloo lɛ akɛshã afɔle ni akɛkpãtã ehe esha lɛ ahã lɛ.

Ṅmãle̱ Kroṅkroṅ Le̱

⁴ Ni eke̱ enine aṅmẽ šā̃-afo̱le le̱ yiteṅ, ni eye enãdšiaṅ, koni aṅõ-kpãtã ahãle̱. 2 Mose 29,10.

3 Mose 1:4 ပူးပေါင်းရင်းမြစ်များ

2 Mose 28:38

Nii nɛɛ ahi Aaron hiɛnaa tuuŋtu koni tɔ̃mɔi fɛɛ ni Israelbii lɛ etɔ̃ yɛ nikee lɛ hãmɔ mli lɛ akã Aaron nɔ.

2 Mose 29:10

“Ohã akɛ tsinanuu lɛ aba Kpee Buu lɛ shinaa lɛ naa, ni Aaron kɛ ebihii lɛ kɛ amɛniji ashwie tsina lɛ yiteŋ,

2 Mose 29:15

“Asaŋ oŋɔ toi ojwɛnii lɛ ateŋ ekome, ni Aaron kɛ ebihii lɛ kɛ amɛniji ashwie eyiteŋ,

2 Mose 29:19

“Omɔ too ojwɛni kome lɛ hu agbɛnɛ, ni Aaron kɛ ebihii lɛ kɛ amɛniji ashwie eyiteŋ,

2 Mose 29:33

Amɛye nii ni akɛkpãtãa ni akɛwo amɛ osɔfo, ni asaŋ akɛfee amɛ krɔŋkrɔŋ lɛ. Mɔ folo ko akaye nii nɛɛ eko ejaakɛ nɔ krɔŋkrɔŋ ni.

Yesaia 56:7

amɛ ji mɛi ni mikɛaaba Zion, ni ji migɔŋ krɔŋkrɔŋ lɛ nɔ, ni maha amɛnya yɛ miSɔlemɔ we lɛ. Amɛshãa afɔlei lɛ kɛ amɛfɔlei krokomɛi lɛ aaasa mihiɛ yɛ mifɔleshãa latɛ lɛ nɔ. Ejaakɛ aaatsɛ miwe lɛ akɛ gbɔmɛi fɛɛ aSɔlemɔ we.

Ezekiel 45:15

Too he mla nɛ: Israel weku fɛɛ weku ajie too kome yɛ toi ohai enyɔ mli ekɛbashã afɔle. Akɛ nibii nɛɛ ashã niyenii afɔle kɛ shãa afɔle kɛ shidaa afɔle koni akɛkpãtã nyɛhe eshai lɛ aha nyɛ. Nuŋtsɔ Yehowa kɛɛ.

Daniel 9:24

“Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

3 Mose 16:21

Ekɛ eniji enyɔ lɛ fɛɛ ashwie too kpakpo ni hiɛ kã lɛ yiteŋ, ni ejaje Israelbii lɛ atɔ̃mɔi kɛ amɛmla tɔ̃mɔi ni ji amɛhe eshai lɛ fɛɛ eshwie too kpakpo lɛ yiteŋ. Etu lɛ ewo nuu ko ni mɛɔ yɛ jɛi lɛ dɛŋ koni eyaŋmɛɛ ehe ni eya ŋa lɛ nɔ.

3 Mose 16:24

Eju ehe kɛ nu yɛ He Krɔŋkrɔŋ lɛ, ni ekɔlɔ lɛ diɛŋtsɛ etadei lɛ. Eje kpo ni eyashã lɛ diɛŋtsɛ eshãa afɔle lɛ kɛ maŋ lɛ shãa afɔle kooloo lɛ koni ekɛkpãtã ehã lɛ diɛŋtsɛ ehe kɛ maŋ lɛ hu.

3 Mose 22:21

Kɛji mɔ ko kɛ naanyobɔɔ afɔle tamɔ akɛ tsina loo too, loo afɔle ni ewo he shi eto, loo afɔle ni eeshã yɛ tsuijurɔ naa lɛ, miiba abahã Yehowa lɛ, esaaa akɛ kpa ko ahi kooloo lɛ he; esa akɛ efee kooloo ni eye emuu koni esa Yehowa hiɛ.

3 Mose 3:13

Ekɛ enine aŋmɛ kooloo lɛ yitso nɔ, ni egbe lɛ yɛ Kpee Buu lɛ hiɛ. Osɔfoi lɛ kɛ kooloo lɛ lá lɛ ashwã afɔleshãa latɛ lɛ koji ejwɛ lɛ he kɛkpe.

3 Mose 3:2

Mɔ lɛ kɛ enine aŋmɛ tsina lɛ yitso nɔ, ni egbe kooloo lɛ yɛ Kpee Buu lɛ shinaa lɛ naa, ni Aaron bihii osɔfoi lɛ kɛ kooloo lɛ lá lɛ abashwã afɔleshãa latɛ lɛ he koji ejwɛ lɛ he kɛkpe.

3 Mose 3:8

ni ekɛ enine aŋmɛ kooloo lɛ yitso nɔ, ni egbe lɛ yɛ Kpee Buu lɛ shinaa lɛ hiɛ. Osɔfoi lɛ kɛ kooloo lɛ lá lɛ ashwã afɔleshãa latɛ lɛ he koji lɛ ahe kɛkpe.

3 Mose 4:15

Maŋ onukpai lɛ kɛ amɛniji ashwie tsina lɛ yiteŋ yɛ Yehowa hiɛ, ni agbe tsina lɛ yɛ Yehowa hiɛ.

3 Mose 4:20

Bɔ ni efee esha afɔle tsinanuu lɛ loo lɛ, nakai pɛpɛɛpɛ efee tsinanuu nɛɛ hu loo lɛ, koni ekpãtã ehã maŋ lɛ koni akɛ amɛtɔ̃mɔ lɛ afa amɛ.

3 Mose 4:24

Ekɛ enine aŋmɛ too kpakpo lɛ yiteŋ, ni egbe too lɛ yɛ he ni agbeɔ shãa afɔle kooloi lɛ yɛ lɛ, yɛ Yehowa hiɛ lɛ. Esha afɔle ni.

3 Mose 4:26

Eshã too kpakpo lɛ mli fɔ lɛ fɛɛ yɛ afɔleshãa latɛ lɛ nɔ, tamɔ bɔ ni eshã naanyobɔɔ afɔlei akooloi lɛ amli fɔ lɛ koni kɛtsɔ nɛkɛ gbɛ nɔ lɛ osɔfo lɛ akpãtã ahã lɛ yɛ etɔ̃mɔ lɛ hewɔ, ni akɛbaafa lɛ.

3 Mose 4:29

Ekɛ enine aŋmɛ esha afɔle too lɛ yiteŋ, ni egbe too lɛ yɛ he ni agbeɔ shãa afɔle kooloi lɛ yɛ lɛ.

3 Mose 4:31

Ejie too lɛ mli fɔ lɛ fɛɛ tamɔ ajieɔ shidaa afɔlei akooloi amli fɔ lɛ, ni eshã fɔ lɛ yɛ afɔleshãa latɛ lɛ nɔ koni eje ŋma ewo Yehowa, koni osɔfo lɛ akpãtã ehã lɛ, ni akɛ etɔ̃mɔ lɛ baafa lɛ.

3 Mose 4:33

Ekɛ enine aŋmɛ esha afɔle kooloo lɛ yitso nɔ, ni egbe lɛ koni akɛshã esha afɔle yɛ he ni agbeɔ shãa afɔle kooloi lɛ yɛ lɛ.

3 Mose 4:35

Ejie too lɛ mli fɔ lɛ fɛɛ tamɔ ajieɔ naanyobɔɔ afɔle gwantɛŋ lɛ mli fɔ lɛ koni eshã no kɛ niyenii afɔlei yɛ afɔleshãa latɛ lɛ nɔ ehã Yehowa. Ni osɔfo lɛ baakpãtã ahã lɛ, ni akɛ ehe esha lɛ baafa lɛ.

3 Mose 4:4

Ekɛ tsinanuu lɛ aba Kpee Buu lɛ shinaa lɛ naa yɛ Yehowa hiɛ; ekɛ enine afɔ̃ tsinanuu lɛ yiteŋ ni egbe lɛ.

3 Mose 5:6

ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

3 Mose 6:7

Osɔfo lɛ akpãtã ahã lɛ yɛ Yehowa hiɛ, ni akɛ nɔ fɛɛ nɔ ni efee lɛ aaafa lɛ.”

3 Mose 8:14

Kɛkɛ ni Mose kɛ tsinanuu ni akɛshãa esha afɔle lɛ ba. Aaron kɛ ebihii lɛ kɛ amɛniji shwie esha afɔle tsinanuu lɛ yiteŋ.

3 Mose 8:18

Agbɛnɛ Mose kɛ too ojwɛni ni akɛshãa shãa afɔle ba. Aaron kɛ ebihii lɛ kɛ amɛniji shwie too ojwɛni lɛ yiteŋ,

3 Mose 8:22

Agbɛnɛ Mose kɛ too ojwɛni ni ji enyɔ ni agbeɔ akɛ afɔle kɛji aawo osɔfo lɛ ba. Aaron kɛ ebihii lɛ kɛ amɛniji shwie too ojwɛni lɛ yiteŋ,

3 Mose 9:7

Kɛkɛ ni Mose kɛɛ Aaron akɛ, “Tsi obɛŋkɛ afɔleshãa latɛ lɛ ni oshã esha afɔle kɛ shãa afɔle ohã ohe koni okɛfɔ ohe esha kɛ maŋ lɛ he esha. Oshã afɔle nɛɛ koni okɛfɔ maŋ lɛ he eshai, tamɔ bɔ ni Yehowa wo kitã lɛ.”

4 Mose 15:25

Osɔfo lɛ akpãtã ahã Israel asafo muu lɛ fɛɛ, ni akɛ tɔ̃mɔ lɛ aaafa amɛ, ejaakɛ amɛhiɛ kãaa he, ni asaŋ, tɔ̃mɔ lɛ hewɔ ni amɛhiɛ amɛdɛŋ shãa afɔle kɛ niyenii afɔle ni akɛhãa Yehowa lɛ.

4 Mose 15:28

Osɔfo lɛ akpãtã yɛ Yehowa hiɛ ehã mɔ ni efee esha lɛ ni akɛaafa lɛ.

4 Mose 25:13

ni mijɔɔ osɔfoyeli lɛ nɔ mihã lɛ kɛ eshwiei kɛmiiya naanɔ, ejaakɛ eye awuŋã yɛ mi, mihewɔ, ni ehã akɛ tɔ̃mɔ ni maŋ lɛ tɔ̃ lɛ efa amɛ.’ ”

4 Mose 8:10

Israelbii asafo lɛ kɛ amɛniji ashwie Levibii lɛ ayitsei anɔ be mli ni ohã Levibii lɛ ebadamɔ Yehowa Buu lɛ hiɛ lɛ.

4 Mose 8:12

Levibii lɛ kɛ amɛniji ashwie tsinahii lɛ ayiteŋ; ni okɛ ekome ashã esha he afɔle, ni okɛ ekome hu ashã shãa afɔle okɛhã Yehowa koni okɛkpãtã ohã Levibii lɛ.

Romabii 12:1

No hewɔ lɛ, anyɛmimɛi, mikɛ Nyɔŋmɔ mlitsɔlɛ miikpa nyɛ fai akɛ nyɛŋɔ nyɛgbɔmɔtsei lɛ nyɛdamɔ shi akɛ afɔle ni hiɛ kã ni he tse ni sa Nyɔŋmɔ hiɛ; enɛ ji jamɔ ni sa.

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

Romabii 5:11

Shi jeee no kɛkɛ, shi asaŋ wɔshwãa wɔfɔ̃ɔ Nyɔŋmɔ nɔ hu yɛ wɔNuŋtsɔ Yesu Kristo, mɔ nɔ ni tsɔ̃ ni agbɛnɛ wɔna kpãtãmɔ lɛ hewɔ.

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.

Hebribii 10:4

ejaakɛ anyɛŋ akɛ tsinai kɛ too kpakpoi alá ajie eshai.

1 Yohane 2:2

Lɛ ji wɔhe eshai lɛ ahe kpãtãmɔnɔ; shi jeee wɔnɔ lɛ kɛkɛ, shi moŋ jeŋ muu lɛ fɛɛ nɔ lɛ hu.