3 Mose 1:3 - ŊMALƐ KRƆŊKRƆŊ LƐ

³ Kɛji tsina ekɛbaa afɔleshãa lɛ, ehiɛ tsinanuu ni kpa ko bɛ ehe ebahã. Ekɛ kooloo lɛ aba Kpee Buu lɛ shinaa lɛ naa koni Yehowa ahe efɔle lɛ.

Ṅmãle̱ Kroṅkroṅ Le̱

³ Ké̱ tšina eke̱-yašã šā̃-afo̱le le̱, eke̱ tšinanū ní kpa ko be̱ ehe abahã; ake̱-ba kpē-bū le̱ šĩnā le̱ nā, koni eke̱-sa Iehowa hĩe. 17,4.

3 Mose 1:3 ပူးပေါင်းရင်းမြစ်များ

1 Mose 22:13

Kɛkɛ ni Abraham wo ehiɛ nɔ; eyaakwɛ ehe lɛ, naa ojwɛni ko yɛ esɛɛgbɛ ni eklontoi elalaa koo. Abraham tee eyamɔ ojwɛni lɛ, ni eŋɔ lɛ eshã shãa afɔle lɛ yɛ ebi lɛ najiaŋ.

1 Mose 22:2

Nyɔŋmɔ kɛɛ lɛ akɛ, “Ŋɔɔ obi Isak ni ji obi koome ni odɔɔ ehe lɛ, ni oyiŋ oya Moria Shikpɔŋ lɛ nɔ, ni okɛ lɛ ayashã afɔle yɛ jɛi, yɛ gɔji lɛ ateŋ ekome ni matsɔ̃ɔ bo lɛ nɔ.”

1 Mose 22:8

Abraham to he akɛ, “Mibi, Nyɔŋmɔ diɛŋtsɛ aaahã too gwantɛŋ ni akɛshã shãa afɔle lɛ!” Kɛkɛ ni amɛyi enyɔ lɛ fɛɛ amɛkɛshwie nɔ kɛtee.

1 Mose 8:20

Kɛkɛ ni Noa ma afɔleshãa latɛ ehã Yehowa. Eŋɔ shĩaŋ kooloi ni he tse lɛ fɛɛ mli eko kɛ loofɔji ni he tse lɛ fɛɛ mli eko, ni ekɛshã shãa afɔle yɛ afɔleshãa latɛ lɛ nɔ.

2 Kronika 29:32

Afɔlei ni asafo lɛ bahã akɛ Yehowa shãa afɔle lɛ ji tsinai nyɔŋmai kpawo kɛ ojwɛnii oha, kɛ toobii hu ohai enyɔ.

2 Kronika 35:12

ni amɛ jiejie kooloi lɛ hei ni ashãa lɛ, ni amɛjara amɛhã maŋbii lɛ yɛ amɛtsɛmɛi awei kuikui lɛ anaa koni amɛkɛhã Yehowa tamɔ bɔ ni aŋma yɛ Mose Wolo lɛ mli lɛ. Nakai nɔŋŋ amɛfee tsinai lɛ hu.

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Lalai 40:8

MiNyɔŋmɔ, eŋɔɔ minaa akɛ mafee osuɔmɔnaanii; Omla lɛ yɛ mitsui mli.”

2 Mose 12:5

Nyɛŋɔa toobi ni kpa bɛ ehe, nuu ni eye afi, yɛ too gwantɛŋi loo too abotiai lɛ ateŋ.

2 Mose 24:5

Ni etsu Israelbii lɛ ateŋ oblahii komɛi, ni amɛkɛ tsina hii yashã afɔle kɛ shidaa afɔle amɛhã Yehowa.

2 Mose 29:18

ni oma too ojwɛni muu lɛ fɛɛ naa la yɛ afɔleshãa latɛ lɛ nɔ. Eji afɔle ni akɛ la shãa ahãa mi, Yehowa; ni misumɔɔ eŋma lɛ.

2 Mose 29:4

“Ŋɔɔ Aaron kɛ ebihii lɛ kɛba Kpee Buu lɛ shinaa lɛ naa, ni okɛ nu aju amɛhe.

2 Mose 29:42

Etsɔ̃ afɔle ni ashãa daa yɛ nyɛyinɔi fɛɛ amli, yɛ mi Yehowa, mihiɛ yɛ Kpee Buu lɛ shinaa lɛ shi. Jɛi mikɛ nyɛ aaakpe yɛ, ni mikɛ bo awie yɛ.

2 Mose 32:6

Enɔ jetsɛremɔ lɛ maŋbii lɛ te shi maŋkɛ mra, ni amɛshãshãa shãa afɔlei, ni amɛkɛ niyenii afɔlei hu ba, ni maŋ lɛ ho tara shi, ni amɛye nii, ni amɛnu nii hu, ni no sɛɛ lɛ amɛte shi amɛshwɛ.

2 Mose 35:21

Amɛku amɛsɛɛ amɛba, ni mɔ fɛɛ mɔ ni sane lɛ eta etsui mli lɛ, mɔ fɛɛ mɔ ni ena he tsuijurɔ lɛ, hiɛ edɛŋ nikee ebahã Yehowa koni akɛtsu Kpee Buu lɛ kɛ ehe sɔ̃ɔmɔ nibii lɛ fɛɛ kɛ hewulamɔ nibii krɔŋkrɔŋi lɛ hu ahe nii.

2 Mose 35:29

Israelbii lɛ bake Yehowa nii yɛ tsuijurɔ naa. Nuu fɛɛ nuu kɛ yoo fɛɛ yoo ni nu he yɛ etsuiŋ akɛ ehã nɔ ko lɛ, ekɛbake, koni akɛtsu nitsumɔi srɔtoi fɛɛ ni Yehowa ekɛɛ akɛ atsɔ̃ Mose nine nɔ atsu lɛ.

2 Mose 35:5

Nyɛkɛ nikee nii abahãa Yehowa; mɔ fɛɛ mɔ ni yɔɔ he tsuijurɔ akɛ ehã lɛ, lɛ ekɛ nikee abahã Yehowa: shika kɛ jwiɛtɛi kɛ akɔɔble,

2 Mose 36:3

ni ekɛ nibii lɛ fɛɛ ni Israelbii lɛ kɛbake Yehowa, yɛ tsuijurɔ naa, koni akɛtsu Kpee Buu Krɔŋkrɔŋ lɛ he nii lɛ hã amɛ. Maŋbii lɛ kã he amɛkɛ tsuijurɔ naa nibii lɛ miiba amɛkɛmiike daa leebi.

2 Mose 38:1

Bezaleel kɛ tso kpɛ afɔleshãa latɛ lɛ. Latɛ lɛ kɛlɛ ninetalɔi enumɔ kɛ elɛɛmɔ hu ninetalɔi enumɔ; ekɛlɛ kɛ elɛɛmɔ ye egbɔ, shi ekwɔlɛ ninetalɔi etɛ̃.

Yesaia 1:11

Yehowa kɛɛ, “Mɛni nyɛfɔlei babaoo lɛ ji hã mi? Shãa afɔlei ni nyɛkɛ gwantɛŋ hii shãa lɛ kɛ kooloi ni eshwishwii afɔi lɛ eje mitsine. Tsinahii kɛ gwantɛŋbii kɛ tookpakpoi alá lɛ, mitaooo dɔŋŋ.

Ezekiel 20:40

Nuŋtsɔ Yehowa kɛɛ, “Shi migɔŋ krɔŋkrɔŋ lɛ, ni ji Israel Gɔŋ ni kwɔ lɛ nɔ lɛ, jɛi Israel we lɛ fɛɛ ni yɔɔ shikpɔŋ lɛ nɔ lɛ aaasɔmɔ mi yɛ; mana amɛhe tsui yɛ jɛi, ni mabi nyɛfɔlei lɛ kɛ nyɛnikeenii kpakpai lɛ kɛ nyɛkeenii krɔŋkrɔŋi lɛ fɛɛ shi.

Ezekiel 40:39

Okpɔlɔi enyɔ mamɔ agbo lɛ koi lɛ fã kome lɛ mli, ni okpɔlɔi enyɔ mamɔ afã kroko lɛ hu mli. Okpɔlɔi nɛɛ anɔ agbeɔ kooloo ni akɛshãa shãa afɔle kɛ esha afɔle kɛ sɔ̃ he afɔlei lɛ yɛ.

3 Mose 1:10

“Shi kɛji too gwantɛŋ loo abotia mɔ lɛ kɛbaa ebashã shãa afɔle lɛ, ehiɛ gwantɛŋ nuu loo abotia nuu ni kpa ko bɛ ehe kɛba.

3 Mose 14:10

Gbi ni ji kpaanyɔ lɛ nɔ lɛ mɔ ni atsuɔ ehe lɛ kɛ gwantɛŋbii enyɔ ni kpa ko bɛ amɛhe kɛ gwantɛŋ yoo kome ni eye afi ni kpa ko bɛ ehe kɛ ŋmãa mamu kiloi etɛ̃ ni akɛ mu ewo mli kɛ mu lita mlijai etɛ̃ mli ekome aba.

3 Mose 16:7

Agbɛnɛ ekɛ too kpakpoi enyɔ lɛ abadamɔ Yehowa hiɛ yɛ Kpee Buu lɛ shinaa lɛ naa.

3 Mose 17:4

ni ekɛbaaa Kpee Buu Krɔŋkrɔŋ lɛ shinaa lɛ naa koni akɛshã afɔle ahã Yehowa yɛ Yehowa Kpee Buu Krɔŋkrɔŋ lɛ hiɛ lɛ, eye lá yi sɔ̃. Lá efɔse eshwie shi lɛ, ni abuŋ lɛ ashiŋ Yehowa bii anɔ dɔŋŋ.

3 Mose 17:8

“Israelnyo fɛɛ Israelnyo loo gbɔ ni ebato Israelbii lɛ ni shãa shãa afɔle loo

3 Mose 17:9

afɔle kroko ehãa Yehowa yɛ he kroko ni ekɛbaaa Kpee Buu lɛ shinaa lɛ naa lɛ, abuŋ lɛ ashiŋ Nyɔŋmɔ maŋbii lɛ anɔ.

3 Mose 23:12

Gbi nɔ ni nyɛkɛ ŋmɔshi nikpamɔ nii afɔle lɛ baaba lɛ, nyɛhiɛa nyɛdɛŋ gwantɛŋbi ni eye afi ni kpa ko bɛ ehe akɛ shãa afɔle nyɛbahãa Yehowa.

3 Mose 23:18

Nyɛkɛ gwantɛŋbii kpawo ni amɛye afifii, ni kpa ko bɛ amɛhe kɛ tsina oblanyo kome kɛ ojwɛnii enyɔ afata aboloi lɛ ahe. Akɛ kooloi lɛ kɛ amɛhe niyenii afɔle lɛ kɛ dãa lɛ fɛɛ baafee shãa afɔle akɛhã Yehowa. Afɔle ni ashãa ni ejeɔ ŋma ewoɔ Yehowa ni.

3 Mose 3:1

“Kɛji mɔ ko miiba ebashã toiŋjɔlɛ naanyobɔɔ afɔle ehã Yehowa lɛ, ekɛ etsinai lɛ ateŋ eko, tsina lɛ nuu ni jio, yoo ni jio, efee kooloo ni kpa ko bɛ ehe.

3 Mose 4:15

Maŋ onukpai lɛ kɛ amɛniji ashwie tsina lɛ yiteŋ yɛ Yehowa hiɛ, ni agbe tsina lɛ yɛ Yehowa hiɛ.

3 Mose 4:23

kɛji ahã ele tɔ̃mɔ ni etɔ̃ lɛ nɔŋŋ lɛ, ekɛ too kpakpo ni kpa ko bɛ ehe aba ekɛbashã afɔle.

3 Mose 4:3

Kɛji Osɔfonukpa lɛ ni tɔ̃ lɛ, ni no ehã maŋ muu lɛ fɛɛ etɔ̃ lɛ, ekɛ tsina oblanyo ni kpa ko bɛ ehe abashã ehe esha lɛ he afɔle ehã Yehowa.

3 Mose 4:32

Kɛji mɔ ko kɛ gwantɛŋ miiba abashã esha afɔle lɛ, ekɛ gwantɛŋyoo ni kpa ko bɛ ehe aba.

3 Mose 5:15

“Kɛji oniai krɔŋkrɔŋi ni atsuɔ ahãa Yehowa lɛ mɔ ko hãaa egbɛfaŋnɔ, ni no ehã eye sɔ̃ ni eleee lɛ, no lɛ esɔ̃ afɔle ni ekɛbaahã Yehowa nɛ: etoi lɛ ateŋ too ojwɛni ni he bɛ kpa ko. Too lɛ jara adamɔ he krɔŋkrɔŋ lɛ shika jara nɔ, ni akɛfee sɔ̃ afɔle.

3 Mose 5:18

Emɔ too ojwɛni ni kpa ko bɛ ehe yɛ etoi lɛ ateŋ. Abu naa, ni ejara afee sɔ̃ afɔle jara, koni ekɛbahã osɔfo lɛ. Osɔfo lɛ akpãtã ahã lɛ yɛ esha ni efee ni eleee lɛ hewɔ, ni akɛbaafa lɛ.

3 Mose 6:2

“Kɛji mɔ ko fee Nyɔŋmɔ shishi esha yɛ tso ni etso yɛ nɔ ko ni enyɛmi Israelnyo kɛhã lɛ shitoo aloo ekɛto lɛ awaba, aloo eju enyɛmi lɛ nɔ ko, aloo etswa lɛ ojo,

3 Mose 6:8

Yehowa kɛ Mose wie ni ekɛɛ,

3 Mose 7:16

Kɛji afɔle ni mɔ ko kɛba lɛ shiwoo afɔle ni, loo afɔle ni ekɛba yɛ tsuijurɔ naa ni lɛ, no lɛ ebɛ akɛ aye loo lɛ fɛɛ gbi nɔ ni agbe kooloo lɛ nɔŋŋ; shi kɛ loo lɛ eko shwɛ lɛ, aye enɔ jetsɛremɔ.

3 Mose 8:18

Agbɛnɛ Mose kɛ too ojwɛni ni akɛshãa shãa afɔle ba. Aaron kɛ ebihii lɛ kɛ amɛniji shwie too ojwɛni lɛ yiteŋ,

3 Mose 9:2

Mose kɛɛ Aaron akɛ: “Ŋɔɔ tsinanuu fioo kome ni kpa ko bɛ ehe kɛ too ojwɛni kome hu ni kpa ko bɛ ehe ni okɛshã afɔle, ohã Yehowa. Okɛ tsinanuu lɛ ashã esha afɔle ni okɛ too ojwɛni lɛ ashã shãa afɔle.

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Maleaki 1:14

Alomɔ shishiulɔ ni yɔɔ too nuu yɛ etoo ku mli, shi kɛji ewo shi lɛ, ekɛ kooloo ni kpa yɔɔ ehe moŋ bashãa afɔle ehãa Yehowa lɛ, ejaakɛ Maŋtsɛ kpeteŋkple ji mi,’ Yehowa, Taiatsɛ lɛ, kɛɛ, ‘Ni jeŋ majimaji anɔ bii fɛɛ sheɔ mi gbeyei.’ ”

4 Mose 15:3

kɛji nyɛkɛ tsina loo too baashã afɔle nyɛkɛhã mi, Yehowa, lɛ, shãa afɔle ni jio, gbee afɔle ni jio, afɔle ni akɛmiiye shiwoo ko nɔ ni jio, tsuijurɔ naa afɔle ni jio, nyɛgbii juji ni ato lɛ eko nɔ afɔle ni jio, afɔle lɛ ŋma asa mi, Yehowa, mihiɛ.

4 Mose 15:8

Shi kɛji akɛ tsina oblanyo baashã shãa afɔle loo gbee afɔle akɛ akɛmiiye shiwoo ko nɔ loo akɛ shidaa afɔle akɛhã mi, Yehowa, lɛ,

4 Mose 19:2

“Akpɔ ni mi, Yehowa, miwoɔ nɛ: Kɛɛmɔ Israelbii lɛ akɛ amɛbahã bo tsinayoo tsuru ni kpa ko kpa ko bɛ ehe, ni asaŋ akɛ apã woko lɛ, ni akɛ lɛ tsuko nii dã.

4 Mose 23:19

Nyɔŋmɔ jeee gbɔmɔ adesa ni eeemale, aloo gbɔmɔ ni eeeshwa ehe yɛ nɔ ni efee hewɔ. Mɛni ekɛɛ dã ni efeee; aloo ewo ehe shi ni eyeee nɔ?

4 Mose 23:27

Balak kɛɛ Balaam akɛ, “Agbɛnɛ hã wɔya he kroko. Eko lɛ Nyɔŋmɔ aaana he tsui, ni eeeŋmɛ bo gbɛ akɛ olomɔ Israelbii lɛ yɛ jɛi ohã mi.”

4 Mose 23:3

Balaam kɛɛ Balak akɛ, “Yaadamɔ oshãa afɔle lɛ he, koni maya akɛ aleee nɔ mikɛ Yehowa aaakpe lo. Nɔ fɛɛ nɔ ni eeekɛɛ mi lɛ, mibaba mibakɛɛ bo.” Kɛkɛ ni eyi mli etee gɔŋ kpataa ko nɔ.

4 Mose 23:30

Balak fee nɔ ni Balaam kɛɛ lɛ lɛ; ni Balak kɛ tsinanuu kɛ ojwɛni shã afɔle yɛ afɔleshãa latɛ fɛɛ afɔleshãa latɛ nɔ.

4 Mose 28:11

“Nyɔŋ fɛɛ nyɔŋ klɛŋklɛŋ gbi lɛ nɔ lɛ, nyɛshãa afɔle nyɛkɛhãa Yehowa. Nyɛkɛ tsina oblahii enyɔ kɛ ojwɛni kome kɛ gwantɛŋ bihii kpawo ni eye afifi ni kpa ko bɛ amɛhe ashãa.

4 Mose 28:19

Nyɛkɛ tsina oblahii enyɔ kɛ ojwɛni kome kɛ gwantɛŋ bihii kpawo ni eye afifi ni kpa ko bɛ amɛhe ashã afɔle nyɛkɛhãa Yehowa.

4 Mose 28:31

Enɛɛmɛi asɛɛ lɛ ashã daa gbi afɔle ni kã shi lɛ kɛ ehe niyenii afɔle lɛ kɛ dãa afɔle lɛ hu pɛpɛɛpɛ. Nyɛkwɛa koni kpa ko kpa ko akahi afɔlei lɛ ahe.”

4 Mose 29:13

Klɛŋklɛŋ gbi lɛ nɔ lɛ, nyɛkɛ tsinai oblahii nyɔŋma kɛ ejwɛ kɛ ojwɛnii enyɔ kɛ gwantɛŋ bihii nyɔŋma kɛ ejwɛ ni eye afifi ni kpa ko bɛ amɛhe ashã shãa afɔle ni jeɔ ŋma woɔ Yehowa.

4 Mose 29:2

ni nyɛkɛ tsina oblanyo kome kɛ ojwɛni kome kɛ gwantɛŋ bihii kpawo ni eye afifi ni kpa ko bɛ amɛhe ashãa shãa afɔle ni jeɔ ŋma woɔ Yehowa.

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Yohane 1:36

ni be ni Yesu hoɔ lɛ, ekwɛ lɛ ni ekɛɛ, “Naa Nyɔŋmɔ Toobi lɛ!”

Yohane 10:7

No hewɔ lɛ, Yesu saa kɛɛ amɛ ekoŋŋ akɛ, “Anɔkwale mikɛɔ nyɛ akɛ, Mi ji toi lɛ ashinaa lɛ.

Yohane 10:9

Mi ji shinaa lɛ. Mi lɛ, kɛji mɔ ko tsɔ̃ minaa etee mli lɛ, aaahere eyiwala, ni eeetee mli ni eeeje kpo, ni eeena lɛɛnii.

2 Korintobii 8:12

Ejaakɛ kɛ tsui yɛ he lɛ, no lɛ bɔ ni mɔ ko hãa kɛjɛɔ nɔ ni eyɔɔ mli lɛ saa Nyɔŋmɔ hiɛ; jeee kɛjɛ nɔ ni ebɛ mli.

2 Korintobii 9:7

Mɔ fɛɛ mɔ ahã bɔ ni ekpɛ mli momo yɛ etsui mli, ni ekajɛ ŋkɔmɔyeli loo nɔnyɛɛ mli, ejaakɛ tsuijurɔnaa halɔ Nyɔŋmɔ sumɔɔ.

Efesobii 2:18

Ejaakɛ enɔ wɔyi enyɔ lɛ fɛɛ wɔtsɔ̃ɔ wɔnaa gbɛ, yɛ Mumɔ kome mli, kɛyaa Tsɛ lɛ ŋɔɔ.

Efesobii 5:27

koni eŋɔ lɛ edamɔ shi ehã lɛ diɛŋtsɛ ehe akɛ anunyam asafo ni kpa ko loo nɔ kũaikũai ko loo nakai nɔ ko bɛ ehe, shi moŋ efee krɔŋkrɔŋ ni shwamɔ ko bɛ ehe lɛ.

5 Mose 12:27

koni kooloo afɔle ni ashãa lɛ loo lɛ kɛ lá lɛ fɛɛ lɛ, nyɛshã yɛ Yehowa, nyɛNyɔŋmɔ lɛ, afɔleshãa latɛ lɛ nɔ. Shi afɔlei krokomɛi lɛ agbɛfaŋ lɛ, nyɛtsia lá lɛ nyɛshwiea afɔleshãa latɛ lɛ nɔ; shi loo lɛ nyɛyea.

5 Mose 15:21

Shi kɛji kpa ko yɛ kooloo ko he lɛ, akpake ni jio, shwilamɔ ni jio, kpa fɛɛ kpa ni eji lɛ, nyɛkɛ no akashãa afɔle nyɛkɛhãa Yehowa, nyɛNyɔŋmɔ lɛ.

5 Mose 17:1

“Nyɛkaŋɔa tsina loo too ni kpa ko yɔɔ ehe nyɛkɛshãa afɔle nyɛhãa Yehowa, nyɛNyɔŋmɔ lɛ, ejaakɛ eehi nakai kooloo.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?