3 Mose 1:14 - ŊMALƐ KRƆŊKRƆŊ LƐ

¹⁴ “Shi kɛji loofɔlɔ mɔ lɛ kɛbaa ebashã shãa afɔle ehã Yehowa lɛ, no lɛ ehiɛ kosɛɛ okpo loo shĩa okpo pɛmpɛoo.

Ṅmãle̱ Kroṅkroṅ Le̱

¹⁴ Ši ke̱dši loflõ eke̱-bašã šā̃-afo̱le ehã Iehowa le̱, eke̱ kose̱-okpoi lo šĩa-okpobii le̱ eko aba.

3 Mose 1:14 ပူးပေါင်းရင်းမြစ်များ

1 Mose 15:9

Nyɔŋmɔ kɛɛ lɛ akɛ, “Kɛ tsinayoo ni eye afii etɛ̃ kɛ too abotiayoo ni eye afii etɛ̃ kɛ ojwɛni ni eye afii etɛ̃ kɛ kosɛɛ okpo kɛ shĩa okpo aba.”

3 Mose 12:8

“Shi kɛji yoo lɛ naaa too gwantɛŋbi yinii lɛ, no lɛ ekɛ kosɛɛ okpoi enyɔ loo shĩa okpoi enyɔ aba. Akɛ ekome ashã shãa afɔle, koni akɛ ekome hu ashã esha afɔle. Osɔfo lɛ akpãtã ahã lɛ, ni ehe aaatse yɛ lá ni hoɔ lɛ gbɛfaŋ.”

3 Mose 5:10

Loofɔlɔ ni ji enyɔ lɛ ekɛfee shãa afɔle yɛ gbɛnaa ni ato lɛ naa; koni osɔfo lɛ akpãtã ahã lɛ yɛ esha ni efee lɛ hewɔ koni akɛfa lɛ.

3 Mose 5:11

Shi kɛji enyɛɛɛ kosɛɛ okpoi enyɔ loo okpobii enyɔ ehã lɛ, no lɛ ekɛ mã kilo kome aba akɛ esha afɔle yɛ esha ni efee lɛ hewɔ. Ekɛ mu akawo mli, ni ekɛ ohɛ hu akafɔ̃ nɔ, ejaakɛ esha afɔle ni.

3 Mose 5:7

Shi kɛji enyɛɛɛ too ehe lɛ, no lɛ ekɛ kosɛɛ okpoi enyɔ loo okpobii enyɔ aba ebahã Yehowa akɛ sɔ̃ afɔle yɛ esha ni efee lɛ hewɔ; okpo kome akɛ esha afɔle kɛ ekome hu akɛ shãa afɔle.

Mateo 11:29

Nyɛwoa mipã lɛ nyɛfɔ̃a nyɛnɔ, ni nyɛkasea mi; shi mihe jɔ, ni mibaa mihe shi kɛjɛ mitsui mli; ni nyɛaana hejɔɔmɔ nyɛhã nyɛsusumai lɛ.

Mateo 21:12

Ni Yesu tee Sɔlemɔ we lɛ ni eyashwie mɛi ni hɔ̃ɔ nii kɛ mɛi ni heɔ nii yɛ Sɔlemɔ we lɛ, ni etsirɛ shikatsakelɔi lɛ akplɔ̃i lɛ kɛ mɛi ni hɔ̃ɔ okpoi lɛ asɛii lɛ etswiatswia shi.

Luka 2:24

ni amɛyashã afɔle tamɔ bɔ ni akɛɛ yɛ Nuŋtsɔ lɛ Mla lɛ mli akɛ, “Kosɛɛ okpoi enyɔ loo shĩa okpoi bibii enyɔ” lɛ.

2 Korintobii 8:12

Ejaakɛ kɛ tsui yɛ he lɛ, no lɛ bɔ ni mɔ ko hãa kɛjɛɔ nɔ ni eyɔɔ mli lɛ saa Nyɔŋmɔ hiɛ; jeee kɛjɛ nɔ ni ebɛ mli.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.