3 Mose 1:13 - ŊMALƐ KRƆŊKRƆŊ LƐ

¹³ Shi mɔ lɛ kɛ nu afɔ kooloo lɛ mlinii lɛ kɛ enaji lɛ ahe. No sɛɛ lɛ, osɔfo lɛ ni tsuɔ nii nakai gbi lɛ kɛ nomɛi hu baashi nɔ, ni eshã kooloo muu lɛ fɛɛ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.

Ṅmãle̱ Kroṅkroṅ Le̱

¹³ ni emlinii le̱ ke̱ nãdši le̱ eke̱ nu afo̱ he, ni oso̱fo le̱ ke̱ fẽ aba ni ebašã ye̱ afo̱lešãlate̱ le̱ no̱; šā̃-afo̱le ni, afo̱le ní ake̱ la šãa ní dšeo̱ ṅma woo̱ Iehowa ni.

3 Mose 1:13 ပူးပေါင်းရင်းမြစ်များ

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

2 Kronika 4:6

Agbɛnɛ hu afee okpolui agboi nyɔŋma koni akɛmamɔ Sɔlemɔtsu lɛ wuoyigbɛ, ni akɛ enumɔ hu amãmɔ kooyigbɛ. Akɛ okpolui nɛɛ baafɔ loo ni akɛba akɛbaashã afɔle ni ashãa fɛɛ lɛ he. Akɔɔble botoku lɛ mli nu lɛ eyɛ hã osɔfoi lɛ ahejuu.

Ezekiel 40:38

Pia ko kɛ enaa shinaa yɛ shimaamɔnii lɛ ni yɔɔ agboi lɛ ahe lɛ amasɛi. Jɛi ji he ni afɔɔ kooloi ni akɛbaashã afɔlei lɛ ahe yɛ.

3 Mose 1:9

Nuu lɛ kɛ nu afɔ kooloo lɛ mlinii lɛ kɛ enaji lɛ ahe; ni osɔfo lɛ ashã kooloo muu lɛ fɛɛ yɛ afɔleshãa latɛ lɛ nɔ; shãa afɔle ni, afɔle ni akɛ la shãa kooloo lɛ fɛɛ ni. Afɔle nɛɛ jeɔ ŋma woɔ Yehowa.

3 Mose 2:11

“Nyɛkɛ niyenii afɔle ko niyenii afɔle ko ni akɛ mã sha fee akabahãa Yehowa, ni nyɛkashãa nɔ ko ni mã sha loo wo yɔɔ mli akɛ shãa afɔle nyɛhãa Yehowa.

3 Mose 2:2

koni ekɛbahã Aaron bihii osɔfoi lɛ. Osɔfo ni yɔɔ nitsumɔ nakai gbi lɛ nɔ lɛ akpiti mã lɛ kɛ mu lɛ ekɔkɔ obɔ̃ kɛ tsofakɛŋma lɛ fɛɛ koni ashã yɛ afɔleshãa latɛ lɛ nɔ akɛ afɔle muu ni akɛbahã Yehowa he odaseyeli nɔ. Eji shãa afɔle, ni ejeɔ ŋma ewoɔ Yehowa.

3 Mose 3:5

Osɔfoi lɛ kɛshwie afɔleshãa latɛ lɛ nɔ koni ashã: shãa afɔle ni jeɔ ŋma ewoɔ Yehowa ni.

3 Mose 4:31

Ejie too lɛ mli fɔ lɛ fɛɛ tamɔ ajieɔ shidaa afɔlei akooloi amli fɔ lɛ, ni eshã fɔ lɛ yɛ afɔleshãa latɛ lɛ nɔ koni eje ŋma ewo Yehowa, koni osɔfo lɛ akpãtã ehã lɛ, ni akɛ etɔ̃mɔ lɛ baafa lɛ.

3 Mose 6:14

Ŋmãa afɔle lɛ he mla nɛ: “Aaron bihii osɔfoi lɛ kɛ ŋmãa afɔle lɛ aba abahã Yehowa yɛ afɔleshãa latɛ lɛ hiɛ.

4 Mose 15:3

kɛji nyɛkɛ tsina loo too baashã afɔle nyɛkɛhã mi, Yehowa, lɛ, shãa afɔle ni jio, gbee afɔle ni jio, afɔle ni akɛmiiye shiwoo ko nɔ ni jio, tsuijurɔ naa afɔle ni jio, nyɛgbii juji ni ato lɛ eko nɔ afɔle ni jio, afɔle lɛ ŋma asa mi, Yehowa, mihiɛ.

4 Mose 15:4

Mɔ ni baashã afɔle lɛ ekɛ niyenii hu afata kooloo lɛ he kɛba. Niyenii nɛɛ afee ŋmãa mamu kilo kome ni akɛ mu lita kome efutu mli,

4 Mose 28:11

“Nyɔŋ fɛɛ nyɔŋ klɛŋklɛŋ gbi lɛ nɔ lɛ, nyɛshãa afɔle nyɛkɛhãa Yehowa. Nyɛkɛ tsina oblahii enyɔ kɛ ojwɛni kome kɛ gwantɛŋ bihii kpawo ni eye afifi ni kpa ko bɛ amɛhe ashãa.

4 Mose 28:8

Gbɛkɛnaashi lɛ oshã gwantɛŋbi kome lɛ hu; ni no hu akɛ niyenii afɔle kɛ dãa afɔle afata he tamɔ leebi nɔ lɛ nɔŋŋ koni efee afɔle ni ashãa ni ejeɔ ŋma ewoɔ Yehowa.”

5 Mose 12:27

koni kooloo afɔle ni ashãa lɛ loo lɛ kɛ lá lɛ fɛɛ lɛ, nyɛshã yɛ Yehowa, nyɛNyɔŋmɔ lɛ, afɔleshãa latɛ lɛ nɔ. Shi afɔlei krokomɛi lɛ agbɛfaŋ lɛ, nyɛtsia lá lɛ nyɛshwiea afɔleshãa latɛ lɛ nɔ; shi loo lɛ nyɛyea.