2 Samuel 8:3 - ŊMALƐ KRƆŊKRƆŊ LƐ

³ David ye Zoba Maŋtsɛ Hadadezer, Rehob bi lɛ, hu nɔ kunim, be ni Hadadezer yiŋ etee akɛ eyaapele hewalɛ ni eyɔɔ yɛ shikpɔŋ ni kã Eufrate Faa lɛ naa lɛ he lɛ.

Ṅmãle̱ Kroṅkroṅ Le̱

³ Ni asaṅ David tſia Hadadezer, Rehob bi le̱, ni dši Zoba maṅtše̱ le̱, nii, beni eyiṅ ete ake̱ eyaple̱ ešikpoṅ ni ye̱ Eufrate fā le̱ nā le̱ he le̱.

2 Samuel 8:3 ပူးပေါင်းရင်းမြစ်များ

1 Mose 15:18

Ni nakai gbi lɛ, Nyɔŋmɔ kɛ Abram kpãŋ ni ekɛɛ, “Oshwiei lɛ mikɛ nɛkɛ shikpɔŋ nɛɛ baahã, kɛjɛ Ijipt faa lɛ naa kɛyashi faa kpeteŋkple ni ji Eufrate Faa lɛ naa.

2 Samuel 10:15

Be ni Siriabii lɛ na akɛ Israelbii lɛ eye amɛnɔ lɛ, amɛbua amɛtabilɔi lɛ anaa kɛkpe.

2 Samuel 10:16

Maŋtsɛ Hadadezer tsu kɛtee koni ayaŋɔ Siriabii lɛ ni yɔɔ Eufrate Faa lɛ bokãgbɛ lɛ kɛba. Ni amɛba Helam ni Maŋtsɛ Hadadezer tatsɛ Shobak lɛ nyiɛ amɛhiɛ.

2 Samuel 10:19

Be ni maŋtsɛmɛi fɛɛ ni yɔɔ Hadadezer shishi lɛ na akɛ Israel eye amɛnɔ lɛ, amɛ kɛ Israel bakpãtã, ni amɛsɔmɔ Israel. Kɛjɛ no sɛɛ lɛ Siriabii lɛ she gbeyei akɛ amɛaate shi amɛyaye amɛbua Amonbii lɛ.

2 Samuel 10:6

Amonbii lɛ na akɛ amɛyata David he. No hewɔ lɛ, amɛtsu kɛtee ni ayabɔ Siriabii tabilɔi ni nyiɛɔ nane akpei nyɔŋmai enyɔ apaa kɛjɛ Bet-Rehob kɛ Zoba. Amɛyabɔ Maaka maŋtsɛ lɛ kɛ etabilɔi akpe kɛ Tob tabilɔi hu akpei nyɔŋma kɛ enyɔ apaa.

2 Samuel 23:36

Igal, Natan bi lɛ ni jɛ Zoba lɛ bi lɛ, kɛ Bani ni jɛ Gad lɛ kɛ

1 Maŋtsɛmɛi 4:21

Solomon ye maŋtsɛyelii fɛɛ nɔ lumɔ kɛjɛ Eufrate Faa lɛ naa, kɛ Filistibii lɛ ashikpɔŋ lɛ nɔ kɛyashwie Ijipt husui lɛ anɔ. Amɛtsu onia amɛhã Solomon, ni amɛsɔmɔ lɛ ewala gbii abɔ fɛɛ.

1 Kronika 18:3

Asaŋ David fã ta ewo Siria Zoba Maŋtsɛ Hadadezer hu, ni eye enɔ kunim kɛyashwie Hamat tɔ̃ɔ, ejaakɛ Hadadezer nɛɛ fã kɛtee akɛ eyaaŋɔ Eufrate Faa lɛ he shikpɔŋ lɛ ekɛwo eshishi.

2 Kronika 8:3

Solomon fã ta kɛtee ni eyaŋɔ Hamat-Zoba shikpɔŋ lɛ,

Lalai 60:1

Oo Naa Nyɔŋmɔ, okwa wɔ, okumɔ wɔhe afabaŋ, omli efu wɔ. Kuu osɛɛ oba wɔŋɔɔ ekoŋŋ.

Lalai 72:8

Elumɔyeli aaahe shi kɛaajɛ ŋshɔnaa kɛyagbee ŋshɔnaa; kɛaajɛ Eufrate Faa lɛ naa kɛyashi je lɛ naagbeehei kɛ̃.

2 Mose 23:31

Mafo husu mahã nyɛ kɛjɛ Ŋshɔ Tsuru lɛ naa kɛyashi Filistibii lɛ aŋshɔ lɛ naa, agbɛnɛ kɛjɛ shiaŋa lɛ nɔ kɛyashi Eufrate Faa lɛ naa, ejaakɛ mahã nyɛye shikpɔŋ lɛ nɔ bii lɛ anɔ kunim koni nyɛshwie amɛ.

5 Mose 11:24

He fɛɛ he ni nyɛnane aaasa lɛ jɛi aaatsɔ̃ nyɛnɔ. Nyɛshikpɔŋ lɛ baajɛ shiaŋa lɛ nɔ yɛ wuoyigbɛ, kɛyanina Lebanon gɔji lɛ yɛ kooyigbɛ; ni ebaajɛ Eufrate Faa lɛ naa yɛ bokãgbɛ kɛyamɔ Mediterenia Ŋshɔ lɛ yɛ anaigbɛ.

1 Samuel 14:47

Be ni Saul batsɔ̃ Israel maŋtsɛ lɛ, ekɛ Israel henyɛlɔi fɛɛ ni ebɔle Israel kɛkpe lɛ wu. Ekɛ Moabbii lɛ kɛ Amonbii lɛ kɛ Edombii lɛ kɛ Zoba maŋtsɛmɛi lɛ kɛ Filistibii lɛ fɛɛ wuwuu tai. Ni he fɛɛ he ni Saul tsɔ̃ɔ lɛ eyeɔ kunim.