2 Samuel 8:11 - ŊMALƐ KRƆŊKRƆŊ LƐ

¹¹ Maŋtsɛ David jɔɔ nibii nɛɛ hu anɔ eke akɛ akɛsɔmɔ Yehowa tamɔ bɔ ni ejɔɔ jwiɛtɛi kɛ shika ni eshɔ̃ kɛjɛ majimaji ni eye amɛnɔ lɛ amli kɛba lɛ nɔ lɛ.

Ṅmãle̱ Kroṅkroṅ Le̱

¹¹ Ene̱mei hũ maṅtše̱ David dšō̱ no̱ ke̱ Iehowa, ake̱fata dſie̱te̱i ke̱ šika ní dše̱ dšeṅmãdši fẽ ní eye ame̱no̱ le̱ adeṅ ni edšō̱ no̱ eke le̱ he:

2 Samuel 8:11 ပူးပေါင်းရင်းမြစ်များ

2 Samuel 8:10

etsu ebi, Yoram, Maŋtsɛ David ŋɔɔ koni eyaŋa lɛ ni ehã lɛ aekoo ehã lɛ, yɛ Hadadezer nɔ kunim ni eye lɛ hewɔ, ejaakɛ Hadadezer kɛ Toi lɛ amɛkɛ amɛhe wuwuu tai saŋŋ. Yoram hiɛ jwiɛtɛi nibii kɛ shika nibii kɛ akɔɔble nibii ekɛbake David.

1 Maŋtsɛmɛi 7:51

Be ni Maŋtsɛ Solomon gbe Sɔlemɔtsu lɛ he nitsumɔ lɛ naa lɛ, eŋɔ̃ nibii fɛɛ ni etsɛ David ejɔɔ nɔ eke, ni ji jwiɛtɛi kɛ shika lɛ kɛba ekɛbato Yehowa we lɛ nitoohe lɛ mli.

1 Kronika 18:11

Maŋtsɛ David jɔɔ nibii nɛɛ anɔ eke Yehowa, ni ekɛfata jwiɛtɛi kɛ shika ni eloo momo sa yɛ majimaji fɛɛ ni eye amɛnɔ kunim lɛ amli kɛba lɛ he. Maji nɛɛ ji Edom kɛ Moab kɛ Amon kɛ Filistia kɛ Amalek.

1 Kronika 29:2

No hewɔ lɛ, misaa nibii mito, bɔ ni manyɛ, yɛ miNyɔŋmɔ lɛ Sɔlemɔ we lɛ hewɔ: shika kɛ jwiɛtɛi kɛ akɔɔble kɛ dade kɛ tso ni akɛbaatsu amɛhe nibii srɔtoi, dani soro ojarawa tɛi srɔtoi kɛ tɛi ni akɛmamɔɔ nibii amli akɛyeɔ sama, kɛ tɛi ni kpɛlɛɔ kɛ tɛi ni yɔɔ ŋwãtãŋwãtã kɛ tɛi ni akɛkaa shikpɔŋ.

2 Kronika 5:1

Be ni Solomon ekwɛ ni agbe nibii fɛɛ ni atsuɔ yɛ Yehowa Sɔlemɔtsu lɛ he naa lɛ, eloo jwiɛtɛi kɛ shika kɛ nibiinibii lɛ fɛɛ ni etsɛ David ejɔɔ nɔ eke Yehowa lɛ kɛba, ni ekɛbato Sɔlemɔtsu lɛ nitoohe lɛ.

Mika 4:13

Yehowa kɛɛ, “Yerusalɛmbii, nyɛtea shi; ni nyɛgbea nyɛhenyɛlɔi lɛ tamɔ agbeɔ ŋmãa! Mahã nyɛhe awa tamɔ tsinanuu kɛ eklontoi ni wa tamɔ dade kɛ ekoklotoi hu ni wa tamɔ akɔɔble. Nyɛaaye maji pii anɔ kunim; ni nyɛaajɔɔ haanii ni amɛshɔ̃ aklanaŋ naa lɛ nɔ nyɛhã mi, mi ni ji je lɛ fɛɛ Nuŋtsɔ lɛ.”