2 Samuel 7:9 - ŊMALƐ KRƆŊKRƆŊ LƐ

⁹ ni he fɛɛ he ni oyaa lɛ mifata ohe, ni miplenee ohenyɛlɔi fɛɛ yɛ ohiɛ, ni mihã ona gbɛi kpeteŋkple tamɔ gbɔmɛi wuji ni yɔɔ shikpɔŋ lɛ nɔ lɛ.

Ṅmãle̱ Kroṅkroṅ Le̱

⁹ ni hefẽhe ni oyaã le̱ mifata ohe, ni miplenē ohenye̱lo̱i le̱ fẽ ye̱ ohĩe, ni mihã oná gbe̱i kpeteṅkple tamo̱ gbomei agboi ni yo̱ šikpoṅ le̱ no̱ le̱ agbe̱i.

2 Samuel 7:9 ပူးပေါင်းရင်းမြစ်များ

1 Mose 12:2

Mahã otsɔ̃ maŋ kpeteŋkple, ni majɔɔ bo, ni mahã ogbɛi ahehee, ni oootsɔ̃ jɔɔmɔ!

2 Samuel 22:1

Be ni Yehowa jie David yɛ ehenyɛlɔi lɛ fɛɛ kɛ Saul hu dɛŋ lɛ, David la lala nɛɛ:

2 Samuel 22:30

Anɔkwa, bo ohewalɛ mikɛyeɔ henyɛlɔi anɔ, ni miNyɔŋmɔ hewalɛ mikɛhuruɔ henyɛlɔ gbogbo.

2 Samuel 22:43

Mishimɔ amɛ muɛmuɛ tamɔ mlu; minaanaa amɛnɔ tamɔ gbɛteŋ ŋmɔtɔ.

2 Samuel 23:1

David, Ishai bi lɛ ni Nyɔŋmɔ wo enɔ gojoo lɛ, mɔ hu ni Yakob Nyɔŋmɔ lɛ ehala ni eto lɛ maŋtsɛ lɛ, folɔ lalai kɛ ŋɔɔmɔ nɛɛ ehã Israel. Wiemɔi nɛɛ ji enaagbee wiemɔi.

2 Samuel 5:10

David hewalɛ tee nɔ eshwere ejaakɛ Yehowa, ni ji Nyɔŋmɔ Taiatsɛ lɛ, fĩ esɛɛ.

2 Samuel 8:13

David gbɛi hehee kɛteke nɔ. Be ni eku esɛɛ kɛjɛ ta lɛ ebaa lɛ, eyagbe Edombii akpei nyɔŋma kɛ kpaanyɔ yɛ Ŋoo Jɔɔ lɛ mli.

2 Samuel 8:14

No sɛɛ lɛ, David shi asraafoi eto Edom shikpɔŋ lɛ nɔ fɛɛ, ni Edombii fɛɛ tsɔmɔ David tsuji. Yehowa hã David ye kunim yɛ he fɛɛ he.

2 Samuel 8:6

Kɛkɛ ni David shi asraafoi eto Siriabii lɛ ashikpɔŋ lɛ nɔ, ni Siriabii lɛ tsɔmɔ David tsuji, ni etsũ amɛ onia. Yehowa hã David ye kunim yɛ he fɛɛ he.

1 Kronika 17:8

ni he fɛɛ he ni otee lɛ mifata ohe, ni miplenee ohenyɛlɔi fɛɛ yɛ ohiɛ, ni mihã ona gbɛi kpeteŋkple tamɔ gbɔmɛi wuji ni yɔɔ shikpɔŋ lɛ nɔ lɛ.

Lalai 21:6

Ojɔɔ lɛ kɛmiiya naanɔ. Na ni enaa bo hãa emii shɛɔ ehe.

Lalai 89:23

Mibakpãtã ehenyɛlɔi ahiɛ yɛ ehiɛ, ni mibatswia mɛi ni nyɛɔ lɛ lɛ nii.

Luka 1:52

Ekpa ojei kɛjɛ amɛsɛ̃ii anɔ, ni ewo mɛi ni ji humii lɛ anɔ.

Yoshua 6:27

Yehowa bu Yoshua he, ni no hewɔ lɛ, egbɛi hehe yɛ shikpɔŋ lɛ nɔ fɛɛ.

1 Samuel 18:14

ni eko fɛɛ eko mli lɛ David yayeɔ kunim, ejaakɛ Yehowa kɛ lɛ yɛ.

1 Samuel 18:30

Be nɛɛ mli fɛɛ lɛ Filistibii amaŋtsɛmɛi fãfãa tai; shi be fɛɛ be ni amɛaafã ta lɛ, David yeɔ Filistibii lɛ anɔ kunim fe Saul tsuji krokomɛi fɛɛ. Enɛ hã David gbɛi hehe naakpa.

1 Samuel 2:8

Eteɔ ohiafo shi kɛjɛɔ mlu mli, ni ewoɔ mɔ ni efi lɛ nɔ yɛ tumo nɔ, koni amɛ kɛ abladei atara shi, ni amɛna sɛii ni yɔɔ nyam anɔ amɛtara, ejaakɛ je lɛ shishitoo lɛ enɔ ni, ni lɛ etswa je lɛ ema nɔ.

1 Samuel 31:6

Bɔ ni Saul kɛ ebihii etɛ̃ lɛ kɛ oblanyo ni hiɛɔ Saul tawuunii lɛ kɛ Saul he gbɔmɛi fɛɛ gboi shi kome yɛ nakai gbi lɛ nɔ nɛ.

1 Samuel 5:10

No hewɔ lɛ, amɛhã awo Nyɔŋmɔ Kpãŋmɔ Adeka lɛ kɛtee Ekron. Shi be ni akɛ Nyɔŋmɔ Kpãŋmɔ Adeka lɛ yashɛ jɛi lɛ, Ekronbii lɛ bolɔ amɛkɛɛ, “Naa, akɛ Israel Nyɔŋmɔ lɛ Kpãŋmɔ Adeka lɛ eba wɔŋɔɔ koni ebagbe wɔ kɛ wɔbii.”