2 Samuel 7:8 - ŊMALƐ KRƆŊKRƆŊ LƐ

⁸ “No hewɔ lɛ, kɛɛmɔ mitsulɔ David akɛ, mi, Yehowa Taiatsɛ lɛ, miikɛɛ lɛ akɛ, ‘Too okpalaa, ni miŋɔ bo, ni mifee bo Israel nɔyelɔ,

Ṅmãle̱ Kroṅkroṅ Le̱

⁸ Nohewo̱ le̱ agbe̱ne̱ kē̱mo̱ mitšũlo̱ David ne̱ke̱: Bo̱ni Iehowa Zebaot kē̱ ne̱: Mi miyakplao ke̱-dše̱ tōialè̱he ke̱ tōi ase̱, koni obaye mimaṅ Israel no̱ lumo̱; 1 Sam. 16,11-13.

2 Samuel 7:8 ပူးပေါင်းရင်းမြစ်များ

2 Samuel 12:7

Kɛkɛ ni Natan kɛɛ David akɛ, “Bo ji nakai nuu lɛ. Ni naa nɔ ni Yehowa, Israel Nyɔŋmɔ lɛ, kɛɛ, ‘Miwo bo Israel maŋtsɛ, ni mihere oyiwala yɛ Saul dɛŋ;

2 Samuel 14:13

Kɛkɛ ni Tekoayoo lɛ kɛɛ akɛ, “Mɛɛba mɔ ni okɛ Nyɔŋmɔ webii lɛ yeɔ nɛkɛ sane? Bɔ ni obua sane lɛ he ohã nɛɛ lɛ, belɛ gbii abɔ ni maŋtsɛ eyakpalako ebi ni enyɔ kooŋ lɛ kɛbako lɛ, maŋtsɛ miibu lɛ diɛŋtsɛ nɔŋŋ ehe fɔ mɔ.

2 Samuel 23:1

David, Ishai bi lɛ ni Nyɔŋmɔ wo enɔ gojoo lɛ, mɔ hu ni Yakob Nyɔŋmɔ lɛ ehala ni eto lɛ maŋtsɛ lɛ, folɔ lalai kɛ ŋɔɔmɔ nɛɛ ehã Israel. Wiemɔi nɛɛ ji enaagbee wiemɔi.

2 Samuel 24:17

Be ni David na bɔfo lɛ ni tswiaa maŋbii lɛ anii lɛ, David kɛɛ Yehowa akɛ, “Naa, mi mifee esha lɛ; ni mi mitɔ̃ lɛ, shi gbɔmɛi ni tamɔ toi humii nɛɛ, amɛ lɛ amɛfeko nɔ ko. Ofainɛ, gbalamɔ mi kɛ mitsɛ we lɛ moŋ toi.”

2 Samuel 5:2

Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

2 Samuel 6:21

Shi David hã Mikal hetoo, ni ekɛɛ lɛ akɛ, “Naa, Yehowa, mɔ ni shi otsɛ kɛ ewe lɛ fɛɛ sɛɛ ni ebaŋɔ mi, ni ewo mi Israel, ni ji lɛ diɛŋtsɛ emaŋ lɛ, nɔ lumɔ lɛ, lɛ ehiɛ nyam mijo mikɛwo lɛ; ni majo ŋmɛnɛ, ni majo wɔ mikɛwo ehiɛ nyam.

1 Maŋtsɛmɛi 3:6

Ni Solomon kɛɛ lɛ akɛ, “Ofee mitsɛ David ejurɔ, ni osumɔ lɛ kɛ suɔmɔ kpele, ejaakɛ eye bo anɔkwa; eja, ni ekɛ bo hi shi kɛ tsui krɔŋŋ. Ni bo hu osumɔ lɛ, ni ohã lɛ binuu koni eta esɛ̃i lɛ nɔ, tamɔ bɔ ni eba mli ŋmɛnɛ nɛɛ.

1 Maŋtsɛmɛi 8:16

Nɔ ni ekɛɛ akɛ, ‘Kɛjɛ gbi nɔ ni miyajie mimaŋ Israel kɛjɛ Ijipt kɛba nɛɛ, mihalako maŋ ko maŋ ko yɛ Israel akutsei lɛ fɛɛ ateŋ ni emã tsu koni aja mi yɛ mli. Shi mikɔ bo David pɛ koni oye mimaŋ Israel nɔ.’

1 Kronika 17:7

“No hewɔ lɛ, kɛɛmɔ mitsulɔ David akɛ, mi, Yehowa Taiatsɛ lɛ, miikɛɛ lɛ akɛ, ‘Mi miŋɔ bo yɛ toi asɛɛ yɛ ŋa nɔ, ni mifee bo mimaŋ Israel nɔyelɔ,

1 Kronika 21:17

Ni David kɛɛ Nyɔŋmɔ akɛ, “Ataa, mi mifã akɛ ayakane maŋbii lɛ. Mi ji mɔ ni etɔ̃ ni efee efɔŋ naakpa lɛ, shi jeee maŋbii nɛɛ; amɛleee he eko, ni amɛhe bɛ mli. No hewɔ lɛ, Yehowa, miNyɔŋmɔ, toigbalamɔ lɛ kɛgbala mi kɛ mitsɛwe lɛ toi koni omaŋbii lɛ aye amɛhe.”

Amos 7:15

ni kooloo mikpalaa ni Yehowa tsɛ mi; ni Yehowa kɛɛ mi akɛ, ‘Yaa, ni oyagba otsɔ̃ɔ Israelbii lɛ.’

Bɔfoi 7:46

David nɛɛ hiɛ ba nyam yɛ Nyɔŋmɔ hiɛ, ni ekpa fai ni ahã emã shihilɛhe ko eha Yakob Nyɔŋmɔ lɛ.

1 Samuel 10:1

Kɛkɛ ni Samuel jie mu kɛ tɔ ko, ni efɔse mu lɛ eshwie Saul yiteŋ. Kɛkɛ ni eshwɔ Saul naa ni ekɛɛ lɛ akɛ, “Naa, Yehowa efɔ bo mu koni oye ewebii lɛ anɔ akɛ amɛlumɔ, koni ohere amɛ yɛ amɛhenyɛlɔi ni ebɔle amɛ lɛ adɛŋ. Ni okadi ni atoɔ bo yɛ he akɛ Yehowa efɔ bo mu koni oye emɛi lɛ anɔ lumɔ nɛ.

1 Samuel 2:8

Eteɔ ohiafo shi kɛjɛɔ mlu mli, ni ewoɔ mɔ ni efi lɛ nɔ yɛ tumo nɔ, koni amɛ kɛ abladei atara shi, ni amɛna sɛii ni yɔɔ nyam anɔ amɛtara, ejaakɛ je lɛ shishitoo lɛ enɔ ni, ni lɛ etswa je lɛ ema nɔ.

1 Samuel 9:16

“Wɔ benɛ mli lɛ mibatsu nuu ko ni jɛ Benyamin akutso lɛ mli oŋɔɔ koni ofɔ lɛ mu, ni owo lɛ mimaŋ Israel maŋtsɛ. Lɛ ebaahere mimaŋbii lɛ yɛ Filistibii lɛ adɛŋ. Mina amɛnɔnaa lɛ, ni minu tsɛmɔ ni amɛtsɛɔ koni ahere amɛ lɛ.”