2 Samuel 7:24 - ŊMALƐ KRƆŊKRƆŊ LƐ

²⁴ Oma omaŋ Israel nɔ mi akɛ bo diɛŋtsɛ omaŋ kɛmiiya naanɔ, ni bo Yehowa otsɔ̃ amɛNyɔŋmɔ.

Ṅmãle̱ Kroṅkroṅ Le̱

²⁴ Ni omã omaṅ Israel no̱ mĩ́ ofe bodientše̱ omaṅ ke̱-mīya nāno̱, ni bo Iehowa otšṍ ame̱-Nyoṅmo̱.

2 Samuel 7:24 ပူးပေါင်းရင်းမြစ်များ

1 Mose 17:7

“Mahã mikpãŋmɔ ni kã mi kɛ bo teŋ lɛ ama shi shiŋŋ, ni eeetsɔ̃ naanɔ kpãŋmɔ ehã oshwiei ni aaaba yɛ osɛɛ lɛ yɛ amɛyinɔi fɛɛ mli; matsɔ̃ Nyɔŋmɔ mahã bo kɛ oshwiei ni aaaba yɛ osɛɛ lɛ.

1 Mose 17:8

Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

2 Samuel 7:23

Mɛɛ maŋ kroko ko yɔɔ shikpɔŋ lɛ nɔ ni etamɔ omaŋ Israel, ni ji maŋ ni bo Nyɔŋmɔ otee oyakpɔ̃ amɛ; ni ofee amɛ bo diɛŋtsɛ owebii, ni okɛhe gbɛi, ni otsu nibii wuji ni yɔɔ gbeyei ohã amɛ, akɛ ogbɛ maŋ muu kɛ amɛnyɔŋmɔi fɛɛ oshwã yɛ amɛhiɛ?

2 Samuel 7:25

“Agbɛnɛ, Yehowa Nyɔŋmɔ, maa shi ni owo yɛ mi, otsulɔ, kɛ ewe lɛ he lɛ nɔ mi kɛya naanɔ; ofee nɔ ni okɛɛ lɛ,

1 Kronika 17:22

Ofee Israel bo diɛŋtsɛ omaŋ kɛmiiya naanɔ, ni bo, Yehowa, otsɔ̃ amɛNyɔŋmɔ.

Lalai 48:14

“Nyɔŋmɔ nɛɛ lɛ ji wɔNyɔŋmɔ kɛmiiya naanɔ. Lɛ nɔŋŋ eeetsɔ̃ɔ wɔ gbɛ kɛaatee naanɔ.

2 Mose 15:2

Yehowa ji mihewalɛ kɛ milala, ni lɛ etsɔ̃ miyiwalaherelɔ. Lɛ ji miNyɔŋmɔ, ni majie eyi, mitsɛmɛi aNyɔŋmɔ ni, ni mawo ehiɛ nyam.

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

Yesaia 12:2

Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Yeremia 31:1

Yehowa kɛɛ akɛ, “Be ko miiba, ni nakai be lɛ mibatsɔ̃ Israel akutsei lɛ fɛɛ aNyɔŋmɔ, ni amɛ hu amɛbaatsɔ̃ miwebii.

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 32:38

ni amɛbaatsɔ̃ miwebii, ni mibatsɔ̃ amɛNyɔŋmɔ.

Hosea 1:10

Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

Yohane 1:12

Shi mɛi abɔ ni here lɛ, ni amɛhe egbɛi lɛ nɔ amɛye lɛ, ehã amɛ hegbɛ akɛ amɛtsɔ̃mɔ Nyɔŋmɔ bii,

5 Mose 26:18

Yehowa hu egba mli kpoo ekɛɛ bo, ŋmɛnɛ gbi nɛɛ, akɛ lɛ diɛŋtsɛ emaŋ ji bo tamɔ bɔ ni ewo bo shi lɛ, ni eebi bo koni oye ekitãi lɛ fɛɛ nɔ,

5 Mose 27:9

Kɛkɛ ni Mose kɛɛ Israel muu lɛ fɛɛ, yɛ osɔfoi ni ji Levibii lɛ ahiɛ, akɛ, “Israelbii, nyɛfea diŋŋ ni nyɛboa toi. Ŋmɛnɛ gbi nɛɛ lɛ nyɛtsɔ̃ Yehowa, nyɛNyɔŋmɔ lɛ, diɛŋtsɛ maŋ;

5 Mose 32:6

Aso Yehowa shidaa moŋ nɛ, kwashiai ni bɛ yitseiaŋ? Aso jeee lɛ ji nyɛtsɛ, mɔ ni bɔ nyɛ, mɔ ni fee nyɛ mɛi komɛi, ni ehã nyɛnane mɔ shi lɛ?

1 Petro 2:10

nyɛ ni sa lɛ nyɛjeee maŋ, shi agbɛnɛ lɛ Nyɔŋmɔ maŋ ji nyɛ, nyɛ ni anaaa nyɛ mɔbɔ, shi agbɛnɛ ana nyɛ mɔbɔ lɛ.