2 Samuel 7:23 - ŊMALƐ KRƆŊKRƆŊ LƐ

²³ Mɛɛ maŋ kroko ko yɔɔ shikpɔŋ lɛ nɔ ni etamɔ omaŋ Israel, ni ji maŋ ni bo Nyɔŋmɔ otee oyakpɔ̃ amɛ; ni ofee amɛ bo diɛŋtsɛ owebii, ni okɛhe gbɛi, ni otsu nibii wuji ni yɔɔ gbeyei ohã amɛ, akɛ ogbɛ maŋ muu kɛ amɛnyɔŋmɔi fɛɛ oshwã yɛ amɛhiɛ?

Ṅmãle̱ Kroṅkroṅ Le̱

²³ Ni mẽ *dšeṅmaṅ kome po yo̱ šikpoṅ ne̱ no̱ ni ke̱ omaṅ Israel ye gbo̱, ni Nyoṅmo̱ yiṅ ete eyakpõ efe le̱dientše̱ emaṅ, ni eke̱-he gbe̱i, ni etšu nii wudši ehãnye ke̱ nii ni yo̱ gbeyei ehã ošikpoṅ le̱, ye̱ omaṅ ni okpo ohã ohe ke̱-dše̱ Mizraim, ke̱-dše̱ dšeṅmãdši ke̱ ame̱nyoṅmo̱i le̱ adeṅ le̱, hĩe? *5 Mose 4,7.

2 Samuel 7:23 ပူးပေါင်းရင်းမြစ်များ

2 Samuel 7:24

Oma omaŋ Israel nɔ mi akɛ bo diɛŋtsɛ omaŋ kɛmiiya naanɔ, ni bo Yehowa otsɔ̃ amɛNyɔŋmɔ.

1 Kronika 17:21

Mɛɛ shikpɔŋ lɛ nɔ maŋ kɛ omaŋ Israel ye egbɔ akɛ maŋ ni Nyɔŋmɔ, oyakpɔ̃ yɛ nyɔŋyeli mli yɛ Ijipt ni ofee lɛ bo diɛŋtsɛ omaŋ koni okɛ nibii wuji ni yɔɔ gbeyei ni otsu ohã amɛ lɛ ahe gbɛi?

Nehemia 1:10

“Mɛnɛɛmɛi ji otsuji kɛ omaŋ ni okɛ ohewalɛ kpeteŋkple lɛ kɛ nyɛmɔ ekpɔ̃ lɛ.

Lalai 106:22

Lɛ Nyɔŋmɔ, mɔ ni efee naakpɛɛnii yɛ Ijipt shikpɔŋ lɛ nɔ, ni efee gbeyei nibii yɛ Ŋshɔ Tsuru lɛŋ lɛ.

Lalai 111:9

Ehã akpɔ̃ ewebii lɛ, ni ekɛ amɛkpãŋ naanɔ kpãŋmɔ, Egbɛi lɛ he tse, ni egbɛi lɛ he yɛ gbeyei.

Lalai 145:6

Mɛi aaagba ohewalɛ nitsumɔi ni yɔɔ gbeyei lɛ, ni majaje ogbojee lɛ matsɔ̃ɔ.

Lalai 147:20

Efeko nakai nɔ ko ehãko maŋ ko maŋ ko dã; emlai lɛ hu, amɛleee. Nyɛjiea Yehowa yi!

Lalai 40:5

Oo Yehowa, miNyɔŋmɔ, Onaakpɛɛ nibii lɛ fa babaoo hã wɔ; ni ojwɛŋmɔ ni oyɔɔ yɛ wɔhe lɛ hu fa naakpa. Mɔ ko bɛ ni akɛ lɛ aaato ohe. Kɛji majaje ni mawie he lɛ, amɛfa fe bɔ ni aaanyɛ akane.

Lalai 44:3

Ejaakɛ jeee amɛ diɛŋtsɛ amɛklante nɔ amɛtsɔ̃ amɛŋɔ shikpɔŋ lɛ; asaŋ jeee amɛnineshiwalɛ hã amɛye kunim; shi moŋ ohewalɛ kɛ onyɛmɔ naa, kɛ ohiɛ ni kã amɛhe lɛ hã amɛye kunim; ejaakɛ oyɛ amɛhe tsuijurɔ.

Lalai 65:5

Oo wɔyiwalaheremɔ Nyɔŋmɔ, otsɔ̃ɔ onifeemɔ nii ni yɔɔ gbeyei anɔ ohereɔ wɔyiwala! Bo ji shikpɔŋ koji ejwɛ lɛ nɔ gbɔmɛi kɛ ŋshɔ sɛɛ gbɔmɛi fɛɛ ahiɛnɔkãmɔ.

Lalai 66:3

Nyɛkɛa Nyɔŋmɔ akɛ, “Onitsumɔi lɛ yɛ gbeyei pam! Ohewalɛ lɛ dalɛ naa sɔŋŋ hewɔ lɛ, ohenyɛlɔi kotoɔ bo kɛ gbeyeishemɔ.

2 Mose 12:12

“Ejaakɛ matsɔ̃ Ijipt shikpɔŋ lɛ nɔ kɛho nakai nyɔɔŋ lɛ mli, ni magbe Ijipt shikpɔŋ lɛ nɔ kromɔbi fɛɛ kromɔbi, gbɔmɔ ni jio, kooloo ni jio, koni mahã Ijipt nyɔŋmɔi lɛ fɛɛ ahe guɔ agbo, mi ji Yehowa.

2 Mose 33:16

ejaakɛ mɛni aaatsɔ̃ɔ akɛ oyɛ mi kɛ omaŋ nɛɛ he miishɛɛ akɛ ja tee ni okɛ wɔ aaatee lɛ, bɔ ni afee ni ana akɛ soro wɔ, ni ji mi kɛ omaŋ lɛ, yɛ maji fɛɛ ni yɔɔ shikpɔŋ lɛ nɔ lɛ ateŋ.”

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

2 Mose 9:15

Kulɛ bɛnɛ mijie mihewalɛ kpo mitsɔ̃ɔ, ni mihã gbele hela etswa bo kɛ omaŋbii, ni nyɛhiɛ ekpãtã momo yɛ shikpɔŋ lɛ nɔ.

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Yeremia 32:20

Ofee okadii kɛ naakpɛɛ nibii yɛ Ijipt shikpɔŋ lɛ nɔ, ni kɛbashi ŋmɛnɛ gbi nɛɛ lɛ oofee nakai nɔŋŋ yɛ Israel kɛ majimaji blublu anɔ, ni okɛhe gbɛi tamɔ bɔ ni eyɔɔ ŋmɛnɛ nɛɛ.

Yeremia 32:21

Otsɔ̃ okadii kɛ naakpɛɛ nibii kɛ ohewalɛ lɛ kɛ onyɛmɔ ni hã ashe gbeyei lɛ nɔ ni ojie owebii kɛje Ijipt shikpɔŋ lɛ nɔ,

Ezekiel 20:9

Shi kɛ̃lɛ, mifeee; mitsake miyiŋtoo lɛ yɛ migbɛi hewɔ, bɔ ni afee ni mikagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ, mɛi ahiɛ ni mihã amɛle mi yɛ, be ni mijie amɛ kɛjɛ Ijipt shikpɔŋ lɛ nɔ lɛ.

4 Mose 6:27

“Kɛji amɛtsɛ migbɛi nɛkɛ amɛkɛjɔɔ Israelbii lɛ, mibajɔɔ maŋbii lɛ.”

Efesobii 1:6

koni akɛjie edromɔ ni ekɛduro wɔ yɛ mɔ ni esumɔɔ lɛ lɛ mli lɛ anunyam lɛ yi.

5 Mose 10:21

Nyɛjiea eyi ejaakɛ lɛ ji nyɛNyɔŋmɔ lɛ; ni asaŋ nyɛna kɛ nyɛhiŋmɛi nibii wuji ni yɔɔ gbeyei ni etsu ehã nyɛ lɛ.

5 Mose 15:15

Kaimɔ akɛ bo hu kulɛ nyɔŋ ji bo yɛ Ijipt shikpɔŋ lɛ nɔ, ni Yehowa kpɔ̃ bo. No hewɔ ni miwoɔ bo nɛkɛ kitã nɛɛ ŋmɛnɛ gbi nɛɛ lɛ.

5 Mose 33:29

Israel, omii ashɛ ohe! Namɔ tamɔ bo, maŋ ni Yehowa ehere oyiwala? Mɔ ni ji oyelikɛbuamɔ tsɛŋ kɛ okunimyeli klante lɛ? Ohenyɛlɔi aaashwie amɛnaa shi amɛhã bo, ni obaanaanaa amɛhei grɔŋŋi lɛ anɔ.”

5 Mose 9:26

Mikpa Yehowa fai mikɛɛ akɛ, ‘Nuŋtsɔ Nyɔŋmɔ, kaakpãtã bo diɛŋtsɛ omɛi lɛ, ni ji gbɔmɛi ni oyakpɔ̃ yɛ Ijipt shikpɔŋ lɛ nɔ kɛ nineshiwalɛ kɛ ohewalɛ lɛ ahiɛ.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Yoshua 7:9

Ejaakɛ Kanaanbii lɛ kɛ shikpɔŋ lɛ nɔ bii fɛɛ baanu he, ni amɛaaba amɛbabɔle wɔ kpula, ni amɛbaakpãtã wɔhiɛ butuu. No hewɔ lɛ, te ofeɔ tɛŋŋ yɛ ogbɛi kpeteŋkple lɛ hewɔ hu?”

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.