2 Samuel 7:22 - ŊMALƐ KRƆŊKRƆŊ LƐ

²² Anɔkwa, oda kpeteŋkple, Ofe, ejaakɛ mɔ ko mɔ ko kɛ bo yeee egbɔ, ni asaŋ yɛ nii fɛɛ ni wɔnu kɛ wɔtoi lɛ naa lɛ, osɛɛ lɛ nyɔŋmɔ ko nyɔŋmɔ ko bɛ.

Ṅmãle̱ Kroṅkroṅ Le̱

²² Nohewo̱ le̱, Iehowa Nyoṅmo̱, oda kpeteṅkple! Edšake̱ mokomoko ke̱o yee egbo̱, ni asaṅ nii fẽ ní wo̱ke̱ wo̱toii enu le̱ anā le̱, nyoṅmo̱ ko nyoṅmo̱ ko be̱ ye̱ ose̱.

2 Samuel 7:22 ပူးပေါင်းရင်းမြစ်များ

2 Samuel 22:32

Yehowa pɛ ji Nyɔŋmɔ, ni Nyɔŋmɔ pɛ ji wɔhefãlɔ.

1 Maŋtsɛmɛi 8:23

ni ekɛɛ, “Yehowa, Israel Nyɔŋmɔ! Nyɔŋmɔ ko bɛ ŋwɛi yɛ yiteŋ gbɛ loo shikpɔŋ lɛ nɔ yɛ shishigbɛ ni tamɔ bo, ni otoɔ kpãŋmɔ kɛ mɔbɔnalɛ ohãa otsuji ni boɔ bo toi kɛ amɛtsui fɛɛ lɛ.

1 Kronika 16:25

Ejaakɛ Yehowa je agbo, ni esa yijiemɔ kpeteŋkple ni esa gbeyeishemɔ fe nyɔŋmɔi srɔtoi fɛɛ.

2 Kronika 2:5

Tsu ni mibama lɛ baada kpeteŋkple diɛŋtsɛ ejaakɛ wɔNyɔŋmɔ lɛ eda fe nyɔŋmɔi krokomɛi fɛɛ.

Lalai 135:5

Ejaakɛ mile akɛ Yehowa je agbo, ni wɔNuŋtsɔ lɛ, efe nyɔŋmɔi fɛɛ.

Lalai 145:3

Yehowa je agbo; ni esa yijiemɔ babaoo, ni egbojee lɛ anaaa naa.

Lalai 44:1

Oo Nyɔŋmɔ, wɔnu kɛ wɔtoi; wɔblematsɛmɛi lɛ egba wɔ nibii ni otsu yɛ amɛyinɔ, yɛ blema bei lɛ amli.

Lalai 48:1

Yehowa je agbo, ni esa yijiemɔ kpele, yɛ wɔNyɔŋmɔ lɛ maŋ lɛŋ, yɛ egɔŋ krɔŋkrɔŋ lɛ nɔ.

Lalai 86:10

Ejaakɛ oje agbo, ni ofeɔ naakpɛɛnii. Bo okoome pɛ ji Nyɔŋmɔ.

Lalai 86:8

Oo Nuŋtsɔ, nyɔŋmɔi lɛ ateŋ eko eko bɛ ni tamɔ bo; ni nitsumɔ ko nitsumɔ ko bɛ ni kɛ onitsumɔ yeɔ hegbɔ.

Lalai 89:6

Ejaakɛ namɔ yɔɔ atatuiaŋ ni ekɛ bo, Yehowa, ye hegbɔ? Ŋwɛibii lɛ ateŋ namɔ yɔɔ ni etamɔ Yehowa?

Lalai 89:8

Oo Yehowa, Nyɔŋmɔ Taiatsɛ, Oo! Namɔ ji hewalɛtsɛ tamɔ bo, Yehowa? Onɔkwayeli ebɔle ohe kpula kɛkpe!

Lalai 96:4

Ejaakɛ Yehowa je agbo, ni esa yijiemɔ babaoo, ni esa akɛ asheɔ lɛ gbeyei fe nyɔŋmɔi fɛɛ.

2 Mose 10:2

koni ogba obii kɛ obii abii nibii ni mifee yɛ Ijipt, kɛ naakpɛɛ okadii ni mifee yɛ amɛteŋ, ni okpã owo amɛtoiiaŋ koni nyɛna nyɛle akɛ mi ji Yehowa.”

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 8:10

Farao jie naa akɛ, “Wɔ”. Mose kɛɛ lɛ akɛ, “Aaafee bɔ ni obi lɛ koni okɛna ole akɛ mɔ ko mɔ ko bɛ ni tamɔ Yehowa wɔNyɔŋmɔ lɛ.

2 Mose 8:6

No hewɔ lɛ, Aaron kpã enine mli yɛ Ijipt nu ni buabua shi lɛ anɔ. Kɛkɛ ni kɔkɔdenei lɛ ba, ni amɛbaha Ijipt shikpɔŋ lɛ nɔ fɛɛ.

2 Mose 9:14

ejaakɛ agbɛnɛ lɛ mahã haomɔi srɔtoi fɛɛ aba bo diɛŋtsɛ kɛ otsuji lɛ kɛ omaŋbii lɛ anɔ koni okɛna ole akɛ mɔ ko mɔ ko bɛ ni tamɔ mi yɛ je lɛ mli fɛɛ.

Yesaia 40:18

Belɛ namɔ nyɛkɛaato Nyɔŋmɔ he, ni mɛni yɔɔ su ni tamɔ esu?

Yesaia 40:25

Namɔ nyɛkɛaato mi mihe, ni ekɛ mi aaaye egbɔ? Mɔ Krɔŋkrɔŋ lɛ kɛɛ.

Yesaia 45:18

Ejaakɛ bɔ ni Yehowa mɔ ni bɔ ŋwɛi lɛ, Nyɔŋmɔ mɔ ni shɔ̃ shikpɔŋ lɛ, ni ewaje lɛ ema shi shiŋŋ, ni ebɔɔɔ lɛ koni ekã shi efolo, shi ebɔ lɛ koni ahi nɔ lɛ kɛɛ nɛ, “Mi ji Yehowa, ni kɛjɛ mi, misɛɛ lɛ mɔ ko bɛ dɔŋŋ.”

Yesaia 45:22

“Jeŋ gbɔmɛi fɛɛ, nyɛkua nyɛsɛɛ kɛbaa miŋɔɔ, koni ahere nyɛyiwala. Ejaakɛ mi pɛ ji Nyɔŋmɔ, ni kɛjɛ misɛɛ lɛ mɔ ko bɛ dɔŋŋ.

Yesaia 45:5

“Mi ji Yehowa, ni mɔ ko mɔ ko bɛ dɔŋŋ; mi misɛɛ lɛ Nyɔŋmɔ ko Nyɔŋmɔ ko bɛ. Mahã ona hewalɛ tsɛbelɛ oleee mi,

Ezekiel 36:22

“No hewɔ lɛ, kɛɛmɔ Israel we lɛ akɛ bɔ ni Nuŋtsɔ Yehowa kɛɔ nɛ, nyɛ Israel we, jeee nyɛhewɔ mafee nɔ ko, shi moŋ, migbɛi krɔŋkrɔŋ ni nyɛgbe he guɔ yɛ majimaji lɛ ateŋ, hei ni nyɛyahi lɛ, hewɔ.

Ezekiel 36:32

Nuŋtsɔ Yehowa kɛɛ akɛ, bo Israel we, nyɛnaa nyɛlea akɛ jeee nyɛhewɔ mafee enɛ nɛɛ; nyɛhiɛ agboia ni nyɛhiɛ ashwiea shi yɛ nyɛjeŋba hewɔ.

Daniel 2:45

Bɔ ni ona tɛ ko ni jeee gbɔmɔ adesa nine ni kpɔ lɛ kɛjɛ gɔŋ ko he, ni ebafuflu amãgã ni akɛ dade kɛ akɔɔble kɛ su kɛ jwiɛtɛi kɛ shika fee lɛ, Nyɔŋmɔ kpeteŋkple lɛ ejie nɔ ni baaba wɔsɛɛ ko lɛ etsɔ̃ɔ bo, Nii. Lamɔ ni migba Nii nɛɛ, eji anɔkwale; ni eshishi ni mitsɔ̃ɔ lɛ hu yɛ mli nyɔŋma shiishi.”

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

5 Mose 3:24

‘Nuŋtsɔ Yehowa, ogbojee kɛ ohewalɛ lɛ eshishi kɛkɛ oje ojieɔ otsɔ̃ɔ otsulɔ nɛɛ; ejaakɛ mɛɛ Nyɔŋmɔ yɔɔ dɔŋŋ, yɛ ŋwɛi jio, shikpɔŋ lɛ nɔ jio, ni aaanyɛ hewalɛ naa nibii wuji ni otsu nɛɛ etsu?

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

5 Mose 4:35

Ahã nyɛna nibii nɛɛ koni nyɛkɛle akɛ Yehowa koome ji Nyɔŋmɔ, ni lɛ esɛɛ lɛ nyɔŋmɔ ko bɛ dɔŋŋ.

5 Mose 4:39

No hewɔ lɛ, nyɛnaa nyɛlea ŋmɛnɛ, ni nyɛkɛtoa nyɛyiŋ, akɛ Yehowa ji ŋwɛi kɛ shikpɔŋ lɛ fɛɛ Nyɔŋmɔ; lɛ esɛɛ lɛ mɔ ko bɛ dɔŋŋ.

1 Samuel 2:2

“Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.