2 Samuel 7:16 - ŊMALƐ KRƆŊKRƆŊ LƐ

¹⁶ Mibahã owe lɛ kɛ omaŋtsɛyeli fɛɛ ama shi shiŋŋ daa kɛaatee naanɔ; omaŋtsɛ sɛi lɛ baama shi shiŋŋ kɛaatee naanɔ.’ ”

Ṅmãle̱ Kroṅkroṅ Le̱

¹⁶ Ši owe ke̱ omaṅtše̱yeli le̱ aadamo̱ ši šiṅṅ ye̱ ohĩe ke̱-ate nāno̱: omaṅtše̱sẽi le̱ aamã ši šiṅṅ ke̱-ate nāno! Lal. 72,17. Ies. 55,8.

2 Samuel 7:16 ပူးပေါင်းရင်းမြစ်များ

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

2 Samuel 22:51

Ohã maŋtsɛ lɛ eye kunim wuji yɛ majimaji lɛ anɔ, ni osumɔɔ mɔ ni ofɔ lɛ mu owo lɛ maŋtsɛ, ni ji David kɛ eshwiei fɛɛ kɛyaa naanɔ.

2 Samuel 7:13

Lɛ ji mɔ ni baama Sɔlemɔ we ehã mi ni mahã emaŋtsɛ sɛi lɛ ama shi shiŋŋ kɛya naanɔ.

2 Samuel 7:17

Natan gba David wiemɔi nɛɛ kɛ ninaa nɛɛ bɔ ni ajie atsɔ̃ɔ lɛ lɛ pɛpɛɛpɛ.

1 Maŋtsɛmɛi 2:4

Kɛkɛ lɛ shi ni Yehowa wo mi lɛ baaba mli. No ji, ‘Kɛji oshwiei lɛ kɛ amɛtsui fɛɛ kɛ amɛsusuma fɛɛ aaaba amɛjeŋ yɛ mihiɛ, ni amɛaaye mi anɔkwa lɛ, no lɛ nuu ni aaaye maŋtsɛ yɛ Israel ebɔŋ bo.’

1 Maŋtsɛmɛi 9:5

no lɛ maye shi ni miwo otsɛ David lɛ nɔ akɛ, ‘Bo oshwiei amli aaajɛ aye Israel nɔ maŋtsɛ daa’ lɛ.

2 Maŋtsɛmɛi 19:34

Ejaakɛ mi diɛŋtsɛ mafã maŋ nɛɛ he, ni mahere eyiwala, yɛ mi diɛŋtsɛ mihiɛ nyam hewɔ, kɛ shi ni miwo mitsulɔ David lɛ hu hewɔ.’ ”

2 Maŋtsɛmɛi 8:19

Shi kɛ̃lɛ Yehowa sumɔɔɔ akɛ ekpãtãa Yuda hiɛ yɛ etsulɔ David hewɔ; ejaakɛ ewo lɛ shi akɛ eeehã lɛ kɛ eshwiei atsɔ̃ kane ni baakudɔ Yuda kɛaatee naanɔ.

2 Kronika 6:16

No hewɔ lɛ, Yehowa, Israel Nyɔŋmɔ, agbɛnɛ ye shi kroko lɛ hu ni owo otsulɔ, mitsɛ David, lɛ nɔ, ni ji nɔ ni okɛɛ lɛ akɛ, ‘Mihaŋ nuu ni aaajɛ oshwiei lɛ ateŋ ata Israel maŋtsɛ sɛi lɛ nɔ lɛ abɔ bo kɛji amɛaaye mimlai lɛ anɔ kadikadi tamɔ ofee lɛ.’

Hiob 36:7

Ehiŋmɛi kãa jalɔ he, ni ehãa amɛtsɔ̃mɔɔ tamɔ maŋtsɛmɛi ni tara sɛii anɔ ni awoɔ amɛnɔ gojoo.

Lalai 45:6

Omaŋtsɛ sɛi lɛ Nyɔŋmɔ maŋtsɛ sɛi ni, ni ema shi kɛmiiya naanɔ. Olumɔyeli tsi lɛ, jalɛ saneyeli tsi ni.

Lalai 72:5

Amɛshe bo gbeyei gbii abɔ ni hulu yɔɔ nɛɛ; amɛshe bo gbeyei gbii abɔ ni nyɔɔŋtsere yɔɔ nɛɛ yɛ yinɔi fɛɛ kwa mli.

Lalai 89:4

‘Oshwiei ji mɛi ni baaye maŋtsɛ kɛya naanɔ fɛɛ; ni mahã omaŋtsɛ sɛi lɛ ama shi kɛya yinɔi fɛɛ.’ ”

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Yeremia 17:25

no lɛ nyɛmaŋtsɛmɛi ni taa David maŋtsɛ sɛi lɛ nɔ baaya nɔ atsɔ̃ agboi nɛɛ amli ni amɛtara tayaa shwiilii amli kɛ okpɔŋɔi anɔ, ni amɛshishi lumɛi lɛ hu aaatara okpɔŋɔi anɔ kɛtsɔ̃ maŋ nɛɛ agboi lɛ amli kɛba maŋ lɛ mli; ni Yudabii kɛ Yerusalɛmbii hu aaafee nakai, ni gbɔmɛi baahi Yerusalɛm maŋ nɛɛ mli kɛaate naanɔ.

Yeremia 33:17

Ejaakɛ bɔ ni mi, Yehowa, mikɛɔ nɛ, ‘Nuu ni baata Israel maŋtsɛ sɛi lɛ nɔ lɛ ebɔŋ David kɔkɔɔkɔ.

Ezekiel 37:25

Amɛaahi shikpɔŋ ni nyɛtsɛmɛi lɛ hi nɔ lɛ nɔ, shikpɔŋ ni mikɛhã mitsulɔ Yakob lɛ. Amɛ kɛ amɛbii kɛ amɛbii abii baahi nɔ kɛya naanɔ; ni mitsulɔ David baaye amɛnɔ lumɔ kɛya naanɔ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Mateo 16:18

Ni mi hu miikɛɛ bo akɛ, bo ji Petro lɛ, ni nɛkɛ tɛsaa nɛɛ nɔ matswa misafo lɛ mama, ni gbohiiaje agboi lɛ nyɛŋ enɔ aye.

Yohane 12:34

Asafo lɛ here lɛ nɔ akɛ, “Wɔ lɛ wɔnu yɛ Mla lɛ mli akɛ Kristo lɛ hiɔ shi kɛyaa naanɔ; ni te feɔ tɛŋŋ ni bo lɛ okɛɔ akɛ ja awo Gbɔmɔ Bi lɛ nɔ lɛ? Namɔ ji nɛkɛ Gbɔmɔ Bi nɛɛ?”

Hebribii 1:8

Shi Bi lɛ, ekɛɛ yɛ ehe akɛ, “Ao Nyɔŋmɔ, omaŋtsɛ sɛi lɛ ma shi kɛmiiya naanɔi anaanɔ, ni omaŋtsɛ tso lɛ, jalɛ maŋtsɛ tso ni.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

1 Samuel 25:28

Ofainɛ, okɛ tɔ̃mɔ fɛɛ tɔ̃mɔ ni mitɔ̃ lɛ afa mi. Bɔ fɛɛ bɔ ni fee lɛ Yehowa baahã owe aye ejurɔ, ni ehe shi, ejaakɛ minuŋtsɔ miiwu Yehowa tai lɛ ehã lɛ, ni akana nɔ fɔŋ ko nɔ fɔŋ ko yɛ ogbɛfaŋ owala be fɛɛ.