2 Samuel 6:21 - ŊMALƐ KRƆŊKRƆŊ LƐ

²¹ Shi David hã Mikal hetoo, ni ekɛɛ lɛ akɛ, “Naa, Yehowa, mɔ ni shi otsɛ kɛ ewe lɛ fɛɛ sɛɛ ni ebaŋɔ mi, ni ewo mi Israel, ni ji lɛ diɛŋtsɛ emaŋ lɛ, nɔ lumɔ lɛ, lɛ ehiɛ nyam mijo mikɛwo lɛ; ni majo ŋmɛnɛ, ni majo wɔ mikɛwo ehiɛ nyam.

Ṅmãle̱ Kroṅkroṅ Le̱

²¹ Ši David kē̱ Mikal ake̱: Iehowa ni dše otše̱ ke̱ ewe le̱ fẽ se̱ ni ehalami ewomi Iehowa maṅ Israel no̱ *lumo̱ le̱ hĩe midšò ye̱, hẽ, le̱ ehĩe madšó ye̱! *5,2.

2 Samuel 6:21 ပူးပေါင်းရင်းမြစ်များ

2 Samuel 5:2

Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

2 Samuel 6:14

David jo kɛ ehewalɛ fɛɛ ekɛwo Yehowa hiɛ nyam, ni emia kɛ klala efod pɛ.

2 Samuel 6:16

Be ni akɛ Kpãŋmɔ Adeka lɛ shɛ Yerusalɛm lɛ, Mikal, Saul biyoo lɛ, bu samflɛ naa, ni ena Maŋtsɛ David ni eehuru ni eejo kɛmiiwo Yehowa hiɛ nyam, ni David he fee Mikal hiɛgbele.

2 Samuel 6:22

Maya nɔ moŋ mawo mihe hiɛgbele fe tsutsu lɛ yɛ bo ohiɛ; shi weyei lɛ ni otsɔ̃ɔ lɛ, amɛ lɛ nyam moŋ mihiɛ aaaba yɛ amɛhiɛ.”

2 Samuel 6:5

David kɛ Israel maŋ muu lɛ fɛɛ nya kɛ lalai kɛ saŋkui kɛ obentai kɛ fabii kɛ miji kɛ ŋoŋoi amɛkɛwo Yehowa hiɛ nyam kɛ amɛnyɛmɔ fɛɛ.

2 Samuel 7:8

“No hewɔ lɛ, kɛɛmɔ mitsulɔ David akɛ, mi, Yehowa Taiatsɛ lɛ, miikɛɛ lɛ akɛ, ‘Too okpalaa, ni miŋɔ bo, ni mifee bo Israel nɔyelɔ,

1 Kronika 15:29

Be ni Yehowa Kpãŋmɔ Adeka lɛ shɛ Yerusalɛm maŋ lɛ mli lɛ, Mikal, ni ji Saul biyoo lɛ, yabu samflɛ naa; ni be ni ena David ni eejo, ni eehuru lɛ David he fee lɛ hiɛgbele.

Bɔfoi 13:22

Ni be ni ekpa lɛ lɛ, etee David shi ni ewo lɛ amɛnɔ maŋtsɛ, ni eye ehe odase ekɛɛ, ‘Mina David, Ishai bi lɛ, nuu ni miyɔɔ ehe tsui ni eeefee misuɔmɔnaanii lɛ fɛɛ lɛ.’

1 Korintobii 10:31

No hewɔ lɛ, nii nyɛyeɔ jio, nii nyɛnuɔ jio, aloo nɔ kroko nyɛfeɔ jio, nyɛfea fɛɛ nyɛkɛwoa Nyɔŋmɔ hiɛ nyam.

1 Samuel 13:14

Shi agbɛnɛ lɛ omaŋtsɛyeli lɛ sɛɛ baafo. Yehowa ŋɔ lɛ diɛŋtsɛ etsui naa gbɔmɔ ni ewo lɛ emaŋ lɛ nɔ lumɔ; mɛni hewɔ lɛ oyayeee kitã ni Yehowa wo bo lɛ nɔ.”

1 Samuel 15:28

Kɛkɛ ni Samuel kɛɛ Saul akɛ, “Yehowa shɔ̃ Israel nɔ maŋtsɛyeli lɛ yɛ odɛ̃ŋ kɛjɛ ŋmɛnɛ, ni ekɛhã onaanyo ni hi fe bo.

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”

1 Samuel 16:12

Yeshai tsu ni ayaŋɔ ebi gbekɛ lɛ kɛba: etsuɔ fioo, ni ehiŋmɛii yɛ fɛo; anɔkwa ehe yɛ fɛo. Yehowa kɛɛ Samuel akɛ, “Tee shi ni ofɔ oblanyo lɛ mu, ejaakɛ lɛ nɛ.”