2 Samuel 5:9 - ŊMALƐ KRƆŊKRƆŊ LƐ

⁹ David kɛ Zion fee eshihilɛhe, ni ewo jɛi gbɛi akɛ David Maŋ. Esaa etswa maŋ lɛ ehee, kɛjɛ Milo lɛ he kɛba mli gbɛ ekɛbabɔle mɔɔ lɛ he kpula kɛkpe.

Ṅmãle̱ Kroṅkroṅ Le̱

⁹ Ke̱ke̱ ni David hĩ ši ye̱ mō̃ le̱ṅ, ni etšé̱le̱ David maṅ. Ni David tſatſā gbogboi ke̱-bo̱le he ke̱-kpe ke̱-dše̱ Milo ke̱ emligbe̱ le̱.

2 Samuel 5:9 ပူးပေါင်းရင်းမြစ်များ

2 Samuel 5:7

Shi David na eshɔ̃ Zion Mɔɔ lɛ kɛ̃, ni ewo jɛi gbɛi David Maŋ agbɛnɛ.

2 Samuel 5:8

David kɛɛ yɛ nakai gbi lɛ nɔ akɛ, “Namɔ yɔɔ biɛ ni etaooo Yebusbii lɛ asane tamɔ bɔ ni mi, David, minyɛɔ amɛ, ni no hewɔ lɛ, ena ni etswia amɛ nii? Mɔ lɛ atsɔ̃ nujɔɔ lɛ mli koni eyatswia shwilafoi lɛ kɛ akpakei lɛ anii ni egbe amɛ.” Sane nɛɛ hewɔ akɛɔ akɛ, “Shwilafoi kɛ akpakei baaa Yehowa we lɛ mli lɛ.”

2 Samuel 6:10

Enɛ hewɔ lɛ, David sumɔɔɔ akɛ ekɛ Kpãŋmɔ Adeka lɛ yaa Yerusalɛm. No hewɔ lɛ, David wo Kpãŋmɔ Adeka lɛ kɛgba afã kɛtee Obed-Edom, Gitnyo lɛ, we lɛ.

1 Maŋtsɛmɛi 11:27

Nɔ ni kɛ atuatsemɔ lɛ ba nɛ. Solomon miisaa eetswa Milo ni ji Yerusalɛm gbogbo ni yɔɔ bokãgbɛ lɛ. Gbogbo nɛɛ ni yɔɔ etsɛ maŋ lɛ he lɛ he ko ekumɔ.

1 Maŋtsɛmɛi 2:10

David gbo ni afu lɛ yɛ Yerusalɛm.

1 Maŋtsɛmɛi 9:15

Bɔ ni Maŋtsɛ Solomon nyɛ maŋbii lɛ anɔ kɛmã Yehowa we lɛ kɛ maŋtsɛ we lɛ, nakai nɔŋŋ ekɛ nɔnyɛɛ saa shikpɔŋ ni kã Yerusalɛm bokãgbɛ lɛ hiɛ, ni etswa jɛi gbogbo lɛ kɛ Hazor kɛ Megido kɛ Gezer maji wuji lɛ hu.

1 Maŋtsɛmɛi 9:24

Shi Ijipt maŋtsɛbi yoo lɛ shi David maŋ lɛ mli kɛtee eshĩa ni Solomon emã ehã lɛ lɛ mli. Kɛkɛ ni Solomon saa shikpɔŋ ni kã Yerusalɛm bokãgbɛ lɛ hiɛ.

2 Maŋtsɛmɛi 12:20

Maŋtsɛ Yoash tsuji lɛ te shi, ni amɛkpãŋ eyi nɔ, ni amɛgbe lɛ yɛ he ko ni atsɛɔ lɛ Milo lɛ, yɛ gbɛ ni atsɔ̃ɔ nɔ kɛyaa Sila lɛ nɔ.

2 Maŋtsɛmɛi 12:21

Mɛi ni tswia lɛ nii ni egbo lɛ ji Yozakar, Shimeat bi lɛ kɛ Yehozabad, Shomer bi lɛ. Ni amɛfu lɛ yɛ etsɛmɛi lɛ amasɛi yɛ David maŋ lɛ mli; ni Yoash bi Amazia baye maŋtsɛ yɛ esɛɛ.

1 Kronika 11:8

David saa etswa maŋ lɛ kɛjɛ he ni atsɛɔ akɛ Milo lɛ kpula kɛkpe, ni Yoab hu saa etswa he ni shwɛ lɛ.

2 Kronika 32:5

Kɛkɛ ni Hezekia kɛ hiɛdɔɔ saa Yerusalɛm he gbogbo lɛ hei ni ekumɔ lɛ fɛɛ etswa kɛtee ŋwɛi; asaŋ etswa mɔji yɛ gbogbo lɛ nɔ heihei. Esaa etswa gbogbo kroko hu ewo maŋ lɛ he, ni efee enyɔ. Ewaje Yerusalɛm kpɔ mli ni atsɛɔ jɛi akɛ Milo lɛ. Efee akplɔi kɛ tsɛŋi babaoo diɛŋtsɛ hu.

Nehemia 3:15

Nubu Agbo lɛ Shallum, Kol-Hoze bi lɛ ni ji Mizpa mlijaa fã lumɔ lɛ, ji mɔ ni basaa. Lɛ ema, ni eha nɔ, ni etara enaa shinai lɛ kɛ amɛhe sai kɛ amɛsɛɛ adabaŋi lɛ. Lɛ nɔŋŋ etswa Shela Kpaakpo lɛ he gbogbo lɛ ni yɔɔ maŋtsɛ trom lɛ masɛi lɛ, aahu kɛyashi atrakpoi ni kpelekeɔ shi kɛjɛɔ David maŋ lɛ mli lɛ he.

Lalai 122:3

Yerusalɛm, bo maŋ ni atswa ama shi kɛtsara nɔ kɛkpe maŋ ni ama lɛ kɛbɔle kɛkpe.

Yesaia 29:1

Ni Yehowa kɛɛ, “Kpoo hã Nyɔŋmɔ afɔleshãa latɛ ni ji Yerusalɛm diɛŋtsɛ lɛ. Kpoo hã maŋ he ni David kɛ etabilɔi lɛ to shi yɛ lɛ! Nyɛyea afi mli gbii juji lɛ pɛpɛɛpɛ; daa afi lɛ nyɛyea!

Kojolɔi 9:20

Shi kɛjeee nakai ni lɛ, no lɛ la ajɛ Abimelek mli ni eyashã Shekembii lɛ kɛ Milo we lɛ; asaŋ la ajɛ Shekembii lɛ amli kɛ Milo we lɛ ni eyashã Abimelek.”

Kojolɔi 9:6

Kɛkɛ ni Shekembii lɛ fɛɛ kɛ Milo we lɛ fɛɛ naa bakpe shi ni amɛtee amɛyawo Abimelek maŋtsɛ yɛ kaimɔ tso kpeteŋkple ni yɔɔ Shekem lɛ shishi.