2 Samuel 5:21 - ŊMALƐ KRƆŊKRƆŊ LƐ

²¹ Filistibii lɛ shi amɛmãgãi lɛ yɛ jɛi, ni amɛjo foi, ni David kɛ ewebii lɛ loo amãgãi lɛ kɛtee.

Ṅmãle̱ Kroṅkroṅ Le̱

²¹ Ni ame̱šĩ ame̱mãgãi le̱ ye̱ dše̱i; ni David ke̱ ewebii le̱ lō ke̱-te.

2 Samuel 5:21 ပူးပေါင်းရင်းမြစ်များ

Yesaia 37:19

ni amɛhole maji lɛ anyɔŋmɔi lɛ amɛshɛrɛ amɛshwie la mli ni ashãshãai, ejaakɛ nomɛi lɛ jeee nyɔŋmɔi kwraa ni, shi moŋ gbɔmɛi aniji anaa nitsumɔnii ni, tso kɛ tɛ ni, ni no hewɔ afite amɛ lɛ.

Yeremia 43:12

Mibamamɔ Ijiptbii anyɔŋmɔi lɛ awei lɛ anaa la mashã, ni abaaŋɔ amɛ nom. Mibabɛɛ muji ni yɔɔ Ijipt shikpɔŋ lɛ nɔ lɛ tamɔ tookwɛlɔ gbeɔ etade mli ŋmoŋ. Ni Nebukadnezar baashi Ijipt shikpɔŋ lɛ nɔ eku esɛɛ eya yɛ hejɔlɛ mli.

Yeremia 48:7

Ejaakɛ nyɛ Moabbii, akɛni nyɛkɛ nyɛhiɛ fɔ̃ nyɛhewalɛ lɛ kɛ nyɛjwetrii lɛ anɔ hewɔ lɛ, nyɛ hu abaaŋɔ nyɛ nom. Abaaŋɔ nyɛwɔŋ Kemosh lɛ kɛ ewulɔmɛi kɛ ehe lumɛi lɛ fɛɛ tswɛm hu nom.

Daniel 11:8

Ebaaloo Siriabii anyɔŋmɔi lɛ kɛ dade amãgãi lɛ kɛ jwiɛtɛi kɛ shika nibii ni jara wa lɛ fɛɛ kɛya Ijipt. Ijipt maŋtsɛ nɛɛ baahi shi afii komɛi ni efãaa ta ewooo Siria maŋtsɛ lɛ.

5 Mose 7:25

Nyɛmamɔa amɛnyɔŋmɔi ni ji amãgãi lɛ anaa la nyɛshãa. Nyɛhiɛ akakɔ̃a jwiɛtɛi loo shika ni yɔɔ nibii nɛɛ ahe lɛ anɔ ni nyɛŋɔ eko nyɛhã nyɛhe, koni no akafee kaa miihã nyɛ, ejaakɛ musu nii ni hã Yehowa, nyɛNyɔŋmɔ lɛ.

5 Mose 7:5

Bɔ ni nyɛkɛ amɛ aye ahã moŋ nɛ: amɛfɔleshãa latɛi lɛ nyɛkumɔa, ni amɛshiui ni amɛmamɔ lɛ nyɛjwaraa, ni amɛwɔŋkoi lɛ nyɛgbaa nyɛshwiea shi, ni amɛmãgãi lɛ nyɛmamɔa amɛnaa la nyɛshãa.