2 Samuel 3:39 - ŊMALƐ KRƆŊKRƆŊ LƐ

³⁹ Afɔ mi mu awo mi Israel Maŋtsɛ moŋ nɛ, shi amrɔ nɛɛ nɛkɛ Zeruia bihii nɛɛ asane lɛ ebaje mi ablaŋ, ni ehiii mi nɔ ko feemɔ. Yehowa awo efɔŋfeelɔ lɛ nyɔmɔ yɛ enɔfɔŋ lɛ naa!”

Ṅmãle̱ Kroṅkroṅ Le̱

³⁹ Ni mi le̱ afo̱mi mũ awomi maṅtše̱ moṅ, ši amrõmrõ ne̱ mibe̱ hewale̱, ni ne̱ke̱ hĩĩ ne̱ ní dši Zeruia bii le̱, ame̱sane wa fèmi. Iehowa awo efõṅfelo̱ nyõmo̱ ye̱ enōfõṅfemo̱ le̱ nā!

2 Samuel 3:39 ပူးပေါင်းရင်းမြစ်များ

2 Samuel 16:10

Shi David kɛɛ Abishai kɛ enyɛbi Yoab akɛ, “Nyɛhe sane ko mɛ? Kɛji eelomɔ mi, ejaakɛ Yehowa ni tsu lɛ koni ebafee nakai lɛ, namɔ yɔɔ hegbɛ ni ebiɔ he sane ko?”

2 Samuel 19:13

Asaŋ David shɛ amɛ koni amɛyakɛɛ Amasa akɛ, “Miwekunyo ji bo, kɛji mitooo bo mitatsɛ yɛ Yoab najiaŋ lɛ, Nyɔŋmɔ awo mi nyɔmɔ.”

2 Samuel 19:22

Shi David to he ni ekɛɛ Zeruia bi Abishai kɛ enyɛmi Yoab akɛ, “Nyɛhe sane ko mɛ? Nyɛkawoa minajiaŋ. Ani ŋmɛnɛ ni mitsɔ̃ Israel fɛɛ maŋtsɛ lɛ, ani abaagbe Israelnyo lo?”

2 Samuel 3:38

Maŋtsɛ David kɛɛ etsuji lɛ akɛ, “Nyɛleee akɛ lumɔ kɛ gbɔmɔ wulu ko enyɔ ŋmɛnɛ yɛ Israel lo?

1 Maŋtsɛmɛi 2:32

Yehowa ahã lɛ diɛŋtsɛ elá abua eyiteŋ, ejaakɛ ekɛ klante gbe mɛi enyɔ be ni mitsɛ David leee he nɔ ko. Gbɔmɛi nɛɛ ji gbɔmɛi ni ji jalɔi kɛ mɛi kpakpai fe lɛ. Amɛ ji Abner, Ner bi lɛ, Israel Tatsɛ lɛ, kɛ Yeter bi Amasa, Yuda tatsɛ lɛ.

1 Maŋtsɛmɛi 2:9

Shi bo lɛ kaahã ni eye ehe. Nilelɔ ji bo; ni ole bɔ pɛ ni ooofee lɛ; egbɔ moŋ nɛ, shi ohã ni agbe lɛ kɛ eyiteŋ waŋ lɛ.”

1 Kronika 22:5

David kɛɛ ehe akɛ, “Mibi Solomon hiɛ fãko, asaŋ ehiɛ esako, ni tsu ni ebaama eha Yehowa lɛ, esa akɛ efee tsu kpeteŋkple diɛŋtsɛ bɔ ni ehenɔ kɛ enyam bɛ shikpɔŋ lɛ nɔ he ko he ko. No hewɔ lɛ, mato tsu lɛ maa he nibii mashwie shi mato lɛ.” No hewɔ lɛ, David to tsu lɛ he nibii babaoo diɛŋtsɛ eto dani egbo.

1 Kronika 29:1

Kɛkɛ ni Maŋtsɛ David kɛɛ asafo muu lɛ akɛ, “Mibi Solomon, mɔ koome ni Nyɔŋmɔ eŋɔ̃ lɛ, oblanyo ni, ni ekpako jeŋ shi; shi nitsumɔ ni ebakã enɔ lɛ da, ejaakɛ tsu lɛ jeee gbɔmɔ amãa ahã, shi Yehowa Nyɔŋmɔ lɛ.

2 Kronika 13:7

Ena hii fɔ̃ji kɛ yakagbɔmɛi efata ehe kɛwo lɛ hewalɛ, ni akɛni nakai be mli lɛ Rehoboam edako, asaŋ ehiɛ waaa hu hewɔ lɛ enyɛɛɛ amɛ.

Lalai 101:8

Daa leebi lɛ, makpãtã mɛi fɔ̃ji fɛɛ ahiɛ yɛ shikpɔŋ lɛ nɔ; mɛi ni feɔ nifɔɔjianii lɛ, mafolɔ amɛ fɛɛ mashwie kɛje Yehowa maŋ lɛŋ.

Lalai 28:4

Nakai nɔfɔŋfeelɔi lɛ, wo amɛ nyɔmɔ, yɛ amɛnifeemɔnii kɛ amɛnitsumɔi fɔ̃ji lɛ anaa. Wo amɛ nyɔmɔ yɛ amɛninenaa nitsumɔi lɛ anaa. Too amɛ najiaŋ bɔ pɛ ni sa amɛ.

Lalai 62:12

Oo Naa Nyɔŋmɔ, bo oyɔɔ suɔmɔ ni tsakeee, ejaakɛ owoɔ mɔ fɛɛ mɔ nyɔmɔ yɛ enitsumɔi anaa.

Lalai 7:16

emusu buaa lɛ diɛŋtsɛ eyiteŋ, ni eyiwalɛ lɛ wulaa lɛ diɛŋtsɛ nɔŋŋ eyiteŋ.

Lalai 75:10

Ebaaba yiwalɔi ahewalɛi fɛɛ shi; shi jalɔi ahewalɛ lɛ ebaawo nɔ.

2 Mose 21:12

“Mɔ ni aaatswa enyɛmi gbɔmɔ nɔ, ni mɔ lɛ aaagbo lɛ, lɛ hu agbe lɛ.

Abe̱i 20:8

Maŋtsɛ ni taa kojomɔ sɛi nɔ lɛ, enaa efɔŋ fɛɛ efɔŋ.

Abe̱i 25:5

Jiemɔ mɔ fɔŋ lɛ kɛje maŋtsɛ he, ni jalɛ sane aaahi sɛi lɛ he.

Yesaia 3:11

Shi kpoo ha efɔŋfeelɔ; ehiŋ ehaŋ lɛ, ejaakɛ nɔ ni ekɛfee mɛi krokomɛi lɛ, no nɔŋŋ akɛbaafee lɛ.

Yesaia 7:4

Kɛɛmɔ lɛ akɛ, ‘Kwɛ ohe ni ahi, ni ofee dioo; kaashe gbeyei, ni otsui hu akafã yɛ grimɔ waa ni Maŋtsɛ Rezin kɛ Siriabii kɛ Remalia bi Maŋtsɛ Peka egri lɛ hewɔ, ejaakɛ amɛtamɔ tsei kukuji ni miije lasu kɛkɛ.

Yeremia 38:5

Maŋtsɛ Zedekia here amɛnɔ akɛ, “Naa, eyɛ nyɛdɛŋ, ejaakɛ maŋtsɛ nyɛŋ nyɛsɛɛ eje efee nɔ ko.”

Daniel 6:16

No hewɔ lɛ, maŋtsɛ lɛ fã, ni atee ayaŋɔ Daniel kɛba, ni ashɛ lɛ afɔ̃ jatai abu lɛ mli. Maŋtsɛ lɛ kɛɛ Daniel akɛ, “ONyɔŋmɔ lɛ ni osɔmɔɔ anɔkwale mli lɛ; lɛ eeejie bo.”

4 Mose 32:23

Shi kɛji nyɛyeee nyɛshiwoo lɛ nɔ yɛ Yehowa hiɛ lɛ, no lɛ nyɛtɔ̃ Yehowa nɔ, ni bɔ fɛɛ bɔ ni fee lɛ nyɛbaana nyɛtɔ̃mɔ lɛ he toigbalamɔ.

Romabii 13:4

ejaakɛ Nyɔŋmɔ sɔ̃ɔlɔ ji lɛ yɛ ohewɔ, koni ahi ahã bo. Shi kɛji ofee efɔŋ lɛ, she gbeyei; ejaakɛ jeee yaka ehiɛ tsi lɛ; shi eji Nyɔŋmɔ sɔ̃ɔlɔ kɛ oweletɔlɔ ni hãa Nyɔŋmɔ mlifu baa mɔ ni tsuɔ nifɔɔjianii lɛ nɔ.

2 Timoteo 4:14

Aleksandro, sɔ̃lɔ lɛ, fee mi efɔŋ naakpa; Nuŋtsɔ lɛ ato lɛ najiaŋ yɛ enitsumɔi lɛ anaa.

Kojolɔi 9:57

Asaŋ efɔŋ ni Shekembii fee lɛ, Nyɔŋmɔ gbala amɛtoi yɛ fɛɛ he; ni Yotam Gideon bi lɛ, loomɔ lɛ ba amɛnɔ.