2 Samuel 3:28 - ŊMALƐ KRƆŊKRƆŊ LƐ

²⁸ Be ni fee sɛɛ ni David nu nɔ ni eba lɛ, ekɛɛ akɛ, “Mi kɛ mimaŋtsɛyeli lɛ, wɔyeee Ner bi Abner lá yi sɔ̃ yɛ Yehowa hiɛ kɛmiiya naanɔ.

Ṅmãle̱ Kroṅkroṅ Le̱

²⁸ Ni beni fe se̱ ni David banu le̱, ekē̱: Mike̱ mimaṅtše̱yeli le̱ yee Abner, Ner bi le̱, lá le̱ yi sõ ye̱ Iehowa hĩe ke̱-ate nāno̱!

2 Samuel 3:28 ပူးပေါင်းရင်းမြစ်များ

1 Mose 4:10

Ni Yehowa kɛɛ lɛ akɛ, “Mɛni ofee nɛɛ? Onyɛmi lɛ la miibolɔ kɛmiijɛ shikpɔŋ sũ mli eetsɛ mi.

1 Mose 9:6

Mɔ ni shwieɔ gbɔmɔ lá shi lɛ, gbɔmɔ nɔŋŋ aaashwie lɛ hu elá shi kɛ̃ ejaakɛ Nyɔŋmɔ su nɔ Nyɔŋmɔ bɔ gbɔmɔ yɛ.

2 Samuel 1:16

Ni etswa oblanyo lɛ nɔ, ni egbo. Kɛkɛ ni David kɛɛ, “Oyi sɔ̃ atere bo diɛŋtsɛ, ejaakɛ bo diɛŋtsɛ onaabu eye odase eshi bo, ejaakɛ okɛɛ, ‘Migbe mɔ ni Yehowa efɔ lɛ mu lɛ.’ ”

2 Samuel 16:8

Yehowa miiwo bo Saul wekumɛi alá shi ni oshwie lɛ fɛɛ he nyɔmɔ. Obashɔ̃ maŋtsɛyeli lɛ yɛ Saul dɛŋ, ni Yehowa hu eshɔ̃ ekɛhã obinuu Absalom. Bɛ ona akɛ gbɔmɔgbelɔ ni oji hewɔ lɛ ohiɛ ekpãtã?”

2 Samuel 3:27

Be ni Abner ku esɛɛ ebashɛ Hebron lɛ, Yoab tsɛ lɛ kɛtee afãgbɛ yɛ maŋ koi lɛ shi akɛ ekɛ lɛ yaato ajina. Kɛkɛ ni Yoab du Abner musuŋ kakla ni enyɔ yɛ enajiaŋ, ni Yoab kɛtɔ enyɛminuu Asahel lá lɛ he owele.

2 Samuel 3:29

Elá lɛ abua Yoab kɛ etsɛ we lɛ yiteŋ, ni mɔ ni he hoɔ lá loo kpitiyelɔ loo mɔ ni ekumɔ ni ja ehiɛ tso dani ehiɔ lɛ nyiɛmɔ, loo mɔ ni gboɔ klante naa gbele loo hɔmɔwɔlɔ akakpa yɛ Yoab sateŋ.”

2 Mose 21:12

“Mɔ ni aaatswa enyɛmi gbɔmɔ nɔ, ni mɔ lɛ aaagbo lɛ, lɛ hu agbe lɛ.

4 Mose 35:33

koni nyɛkabule shikpɔŋ ni nyɛyɔɔ nɔ lɛ, ejaakɛ lashishwiemɔ buleɔ shikpɔŋ fɛɛ shikpɔŋ; ni nɔ ko kwraa bɛ ni akɛdãiɔ shikpɔŋ ni ashwie lá shi yɛ nɔ, akɛ ja mɔ ni shwie lá shi lɛ nɔŋŋ lá.

Mateo 27:24

Be ni Pilato na akɛ enyɛɛɛ he nɔ ko efee; shi moŋ basabasa feemɔ miiba lɛ, ekɛ nu fɔ edɛ̃ yɛ asafo lɛ hiɛ, ni ekɛɛ, “Mi lɛ miyeee jalɔ nɛɛ lá yi sɔ̃; nyɛ, nyɛkwɛa nɔ!”